Victor IV, pape, prend l'abbaye Saint-Martin des Glandières sous sa protection et confirme ses propriétés.

VICTOR EPISCOPUS SERVUS SERVORUM DEI, DILECTIS FILIIS FOLMARO ABBATI MONASTERII SANCTI MARTINI GLANDARIENSIS EJUSQUE SUCCESSORIBUS REGULARITER SUBSTITUENDIS IN PERPETUUM. Apostolice sedis consuetudo deposcit et ipse rationis ordo persuadet, ut religiosorum nota facilem sortiantur effectum et pie postulatio voluntatis effectu debeat prosequente compleri. Eapropter, dilecte in Domino fili abbas, justis postulationibus benignum prebentes assensum monasterium Glandariense, in quo preesse dinosceris, sub beati Petri nostra protectione suscipimus et presentis scripti patrocinio communimus. Statuentes, ut quascumque possessiones, quecumque bona idem monasterium in presentiarum juste et canonice possidet aut in futurum concessione pontificum, largitione regum uel principum, oblatione fidelinm seu aliis justis modis procurante Domino poterit adipisci, firma tibi tuisque successoribus et illibata permaneant. In quibus hec propriis duximus exprimenda uocabulis ; ecclesiam de Mernichacum cum ductu suo et omni decimatione ipsius uille, in qua eadem ecclesia fundata est ; decimam uille, que dicitur Coemh(em) ; decimam quoque uille, que nominatur Nederhem ; preterea decimam uille, que uocatur Argenta. Decernimus ergo, ut nulli omnino hominum liceat prefatum monasterium temere perturbare aut ejus possessiones auferre uel ablatas retinere minuere seu aliquibus uexationibus fatigare, sed omnia illibata conserventur eorum, pro quorum gubernatione et sustentatione concessa sunt, usibus omnimodis profutura ; salva in nibus apostolice sedis reuerentia et diocesani episcopi canonica justitia. Si qua igitur in futurum ecclesiastica secularisue persona hanc nostre constitutionis paginam sciens contra eam temere venire temptauerit, secundo tertioue commonita, nisi presumptionem suam digna satisfactione correxerit, potestatis honorisque sui dignitate careat reamque se divino judicio existere de perpetrata iniquitate cognoscat et a sacratissimo corpore ac sanguine dei ac domini redemptoris nostri Jesu Christi aliena fiat atque in extremo examine mine ultioni snbiaceat. Cunctis autem eidem loco sua jura servantibus sit pax domini nostri Jesu Christi, quatinus et hic fructum bone actionis percipiant et apud districtum judicem premia eterne pacis inveniant. AMEN. AMEN. R. Ego Victor catholice ecclesie episcopus ss. BV. [croix] Ego Liudo 1) episcopus ss. [croix] Ego Theodericus Signinus episcopus ss.[croix] Ego Guido presb. card. tit. Kalisti ss.[croix] Ego Hunfridas presb. card. tit. sancte Susanne ss.[croix] Ego Albertus presb. card. tit. sancti Grisogoni ss. [croix] Ego Landus diac. card. sancti Angeli ss. [croix] Ego Gerardus diac. card. sancte Marie in Aquiro ss. Datum Cremone per manum Iohannis sancte Romane ecclesie presbiteri cardinalis et cancellarii, indictione XI, incarnationis dominice anno MCLXIII, pontificatus vero dompni VICTORIS PAPE IIII. anno IIII.