Nancy, Bibliothèque municipale,COLLECTION DE CHARTES, n° 7
NuméroChLor753
GenreCharte
Date1178
Lieu non identifié
DiocèseToul
Supportparchemin
Fiabilité de l'actenon suspecté
Sceau
Etat de la traditionoriginal
Hauteur à gauche660 mm
Hauteur à droite660 mm
Largeur en haut260 mm
Largeur en bas260 mm
AuteurThierry IV, évêque de Metz
BénéficiaireAbbaye de Beaupré
Regeste
Texte
l. 2 Deodati prepositus et Walterus decanus et ejusdem capituli fratres et concanonici, omnibus in Christo renatis
l. 3 pacem cum omnibus et sanctimoniam sequi IN PERPETUUM. Pulchra quidem inter electos Dei caritatis
l. 4 confederatio, sanctam et immaculatam Christi coornat et colorat ecclesiam, cum ejusdem ecclesie filii in via
l. 5 peregrinationis sue mutuis sustentati beneficiis in Deum proficiunt et de miseria proficiscuntur in
l. 6 gloriam, de exilio pariter revertuntur in patriam pacis et dilectionis manipulos in mutue fraternitatis
l. 7 vinculo reportantes. Inde est quod nos in hac unctione sacra caritatis cum dilectis fratribus Belliprati
l. 8 confederari cupientes, primo quidem spiritualis societatis familiaritatem cum ipsis constituimus ut simus ad invicem fratres conscripti et habeamus ad invicem pro animarum salute orationum suffragia et pro
l. 10 temporalibus negociis debite fraternitatis obsequia et cum aliquis de canonicis nostris obierit, fiat pro
l. 11 anima illius a monachis Belliprati quantum pro monacho suo fieri solet ; similiter cum monachus
l. 12 illorum obierit, fiat in ecclesia nostra quantum pro canonico nostro constat esse constitutum. Et ne qua
l. 13 temporalis commodi materia remaneat, que tam sancte societatis copulam glutino caritatis conjunctam
l. 14 possit quoquo modo dissolvere, benigne remittimus querimonias has quas contra jam dicte domus fratres
l. 15 hactenus habuimus, scilicet in feodo de Clusentaines et remittimus eisdem fratribus omnem decimationem
l. 16 laborum suorum in omnibus, que habuerint in parrochiatu de Huillenvilla, quamdiu agriculturam exercuerint
l. 17 in illo sub censu duorum solidorum, similiter et omnem decimationem laborum suorum et nutrimentorum in omnibus
l. 18 que habuerint in parrochiatu de Murinvillari sub censu duodecim denariorum, qui omnes in festo
l. 19 sancti Deodati seu infra octavas ejusdem persolvendi sunt. Enimvero de jamdictis capitulis
l. 20 cum diuturna querimonia ventilata fuisset inter nos, tandem communi consensu fratrum utriusque
l. 21 capituli pro reformatione pacis arbitros elegimus : Widonem scilicet, abbatem Chalmosiaci ; Hugonem,
l. 22 abbatem Bellicampi ; Cononem, priorem Mediimonasterii ; Walterum, abbatem Regievallis ; Hecelinum,
l. 23 abbatem Salinevallis ; Warnerum, abbate Stivagii, in quorum judicio seu compositione per omnia
l. 24 stare firmiter stare compromisimus, scripto pariter et sigillis hinc et inde nos ipsos in
l. 25 hoc artius alligantes. Ipsi vero mediatores, auditis allegationibus utriusque partis et communicato
l. 26 consilio cum viris religiosis et inter se talem diffinitionem irrefragabili determinatione constituerunt
l. 27 sicut prediximus, addentes hoc ut fratres Belliprati duas decimationum quintas, quas habent
l. 28 apud Murinvillare, conferant ecclesie nostre in possessionem sempiternam, salva sibi sua
l. 29 decimatione per omnia de omnibus que ibi habuerint, sicut jam dictam est in perpetuum.
l. 30 De quibus quintis si qua querimonia surrexerit contra nos, legittimam garentiam nobis portare
l. 31 debebunt contra calumpniantes in illas, sicut per supradictos mediatores constitutum est et definitum.
l. 32 Hoc modo decisa lite, libenter acquievimus sancte fraternitatis amori, ut simus de reliquo fratres in dulcedine
l. 33 dilectionis, habitantes in bonum consentientes ad invicem et id ipsum sapientes in Domino, quatinus
l. 34 habeamus obsequio tali cum sanctis et electis Dei partem sortis sanctorum in lumine. Ut igitur ista pacis
l. 35 et caritatis confederatio rata teneatur et inviolata per evum, presens cyrographum fieri decrevimus inter
l. 36 nos ; quod factum sigillis utriusque capituli confirmamus in nomine Domini in testimonium quatinus,
l. 37 si denuo ceperit oboriri rediviva contentio, tante confirmationis auctoritas totam
l. 38 controversiam deleat, faciat pacem que firma prorsus et indissolubilis perseveret per
l. 39 omnes generationes seculi seculorum. Amen. Amen.
l. 40 Hujus actionis testes sunt qui et pacis auctores et mediatores fuerunt :
l. 41 abbates scilicet prenominati et abbas Fulcho de Alta Silva et Constantinus de Bongart.
l. 42 S= Theoderici, Metensis electi et prepositi Sancti Deodati : S= Walteri, decani ; S= Mathei,
l. 43 archidiaconi Tullensis et Sancti Deodati canonici ; S= Rorici, cantoris ; S= Wichardi, cellerarii ; S= Infridi ;
l. 44 S= Karoli ; S= magistri Helye. S= magistri Albrici ; S= magistri Aynardii : canonicorum.
l. 45 Actum legitime, publice recitatum, canonice confirmatum
l. 46 in capitulo Sancti Deodati, incarnationis dominice anno Mo Co LXXo VIIIo. (Monogramme).
Bibliographie
MARTIMPREY Edmond, L’abbaye de Haute-Seille, dans : Mémoire de la Société d’archéologie lorraine, tome 38 (1887), p.86-136. - Edition complète du document aux pages 294-297, n°175.
PFISTER Christian, Chartes antérieures au XIVe siècle conservées à la bibliothèque publique de Nancy, dans : Journal de la Société d’archéologie et du Comité du Musée lorrain, tome 48 (1899), p.54-63-74-85. - Edition complète du document aux pages 67-68, n°7.
PARISSE Michel, Actes des princes lorrains. 2ème série : Princes ecclésiastiques. C : Thierri III, Ferri, Thierri IV (1163 - 1179), Nancy, 1978. - Edition complète du document aux pages 98-100, n°54.
Responsable
Non relu
Comment citer cette notice
Acte n°753 dans Chartes originales conservées en France (1121-1220) , Christelle BALOUZAT-LOUBET, Jean-Baptiste RENAULT, éds., Nancy : Centre de Médiévistique Jean Schneider; éds électronique : Orléans : Institut de Recherche et d'Histoire des Textes, 2013. (Telma). En abrégé, citer : « ChLor n°753»[En ligne] http://www.cn-telma.fr/originaux2/charte268308/. Date de mise à jour : 27/02/14.