l'évêque de Toul confirme les biens de l'abbaye prémontrée de Rangéval (à Geville; Meuse, Commercy, Commercy)

l. 1 IN NOMINE SANCTE ET INDIVIDUE TRINITATIS, PATRIS ET FILII ET SPIRITUS SANCTI. Ego Petrus, Dei gratia Leuchorum episcopus, universis in Christo fidelibus, in perpetuum. Quoniam mutabilitati subjacet omnis caro et

l. 2 quicquid a mortalibus geritur aut maliciose negatur, aut, interjecta oblivionis nebula, a memoria hominum absconditur, nobis incumbit tam presentium quam futurorum noticie bene ac provide disposita scripto commendare. Hinc est

l. 3 quod presenti carte ea que domus Rengisvallis tam in elemosinis quam ceteris quolibet modo juste ac legitime acquisitis possidet inserere curavimus: locum scilicet in quo predicta abbatia fundata est, a capitulo Sancti Stephani ecclesie Tullensis Symoni

l. 4 abbati et fratribus ibidem Deo servientibus sub censu cerei sex denariorum Tullensium [in As]sumptione beate Marie eidem ecclesie Beati Stephani annuatim persolvendi cum Corniacavilla et appendiciis et redditibus suis sub censu XL solidorum

l. 5 Tullensium sicut ab eadem ecclesia dispositum est, singulis annis persolvendorum colla[tum] in perpetuum; locum etiam grangie in Weuria site, ab eodem capitulo Sancti Stephani et venerabili matrona, Hawyde videlicet de Asperomonte, collaudantibus

l. 6 et cooperantibus filiis ejus Goberto, Terrico, Joffrido, et Leucarde de Wump[ronia] et Petro de Brisseio, patre domini Petri et Symonis cum usuario tocius communis alodii tam in silvis succidendis usibus eorum ad materiam et ignem ne-

l. 7-cessariis et usque ad terminos propriis metis assignatos extirpandis quam in pasturis omnimodis animalium usibus profuturis, omni exactione et justicia dominorum et ministerialium penitus remota, predictis fratribus concessam et donatum.

l. 8 Si autem predicte ecclesie fratres incolis ejusdem banni aliquod dampnum intulerint, ab omni exactione et satisfactione liberi dampnum restituent. Predictis siquidem adnectendum censuimus alodium quod dicitur Rumuncurt a predicta

l. 9 domina Hauvide et filiis ejus jam dicte ecclesie concessum. Grangiam quoque que Gariniquercetum dicitur, a capitulo Sancti Mansueti sub censu Xcem resalium frumenti singulis annis persolvendorum prefate ecclesie fratribus datam et scripto ejusdem

l. 10 capituli Sancti Mansueti in perpetuum confirmatam. Locum preterea in banno de Johei in quo grangia edifficata est a militibus de Asperomonte Rodulpho et filiis ejus Herberto, Regnero, Hugone, Philipo et Johanne de Mediocastro et filiis

l. 11 ejus Garino, Herberto, Anulpho cum usuario totius banni in silvis communibus, in lapidibus, in pasturis, omni exactione et justicia dominorum et ministerialium funditus excepta, dampno tamen cuicumque illato sine satisfactione restitu-

l. 12-endo, prenominatis fratribus concessum, carta et sigillo domni Goberti de Asperomonte a quo feodus dirivatur confirmatum. Ortum etiam Beraudi in territorio de Aunoy in quo molendinum a fundamentis prelibati fratres construxerunt

l. 13 ab heredibus eundem possidentibus, laudante et cooperante Stephania venerabili commitissa de Commarceio et filio ejus Symone sicut in ejusdem commitisse carta quam apud se habent4, continetur, sepedicte ecclesie collatum in perpetuum. Molen-

l. 14-dinum quod dicitur Vilers a possessoribus laude et assensu domini Theoderici de Romunt Albertique filii ejus et Goberti de Asperomonte, cum usuario in silvis et pasturis supranominate ville, scilicet Aunoy, cum hiis que acquisierint et acquirere5 poterint6,

l. 15 jamdictis fratribus impensum. Mediam partem molendini quod dicitur Funtenes in banno de Buncurt siti quam Alexander miles de Asperomonte cum Xcem solidis de portione sua, laudantibus et assentientibus fratribus suis Widrico, Ulrico, Herberto,

l. 16 Wilelmo, et Widone, fratre castellani Barri, a quo in feodum tenet, pro remedio anime sue eisdem fratribus in perpetuum contulit. Ceterum premissis addiciendum7 judicavimus quod prefati fratres in alodio de Trundles portionem monachorum Gorziensium sub

l. 17 censu V solidorum Tullensium monachis apud Asperummontem manentibus in Pascha persolvendorum usuariumque tocius ipsius alodii in silvis et pasturis ab ejusdem ville dominis, sicut in carta eorum continetur, cum acquisitis et acquirendis in perpetuum cum omni in-

l. 18-tegritate possident. Usuarium quoque tocius banni de Brureio in pasturis omnibus animalium generibus profuturis locumque grangie que dicitur Sancti Martini Fons in ejusdem ville banno constructe, quem a domino Widone de Jonvilla et uxore et heredibus

l. 19 ejus sub censu IX denariorum et oboli Tullensis monete ministerialibus predicte ville in festo beati Martini annuatim persolvendorum supradictis fratribus concessum et donatum. Sedem etiam in banno de Scripulis in qua predicti fratres molendinum construxerunt a

l. 20 Herberto homine meo cum omnibus que possidet eisdem datam, a me vero cum libero aque cursu a molendino domni Hugonis decani Sancti Gengulphi usque ad molendinum Friderici concessum et confirmatum, cum vineis8 in banno Masnili acquisitis et acquirendis et domo in vico Sancti Aniani

l. 21 a Petro filio Alardi et coheredibus ejus supranominate ecclesie in perpetuum collata, a predecessore meo pie memorie Henrico et capitulo Sancti Stephani sub censu V denariorum Tullensium eidem ecclesie Beati Stephani singulis annis persolvendorum, cum vineis, pratis, campis, acqui-

l. 22-sitis et acquirendis in perpetuum possidendis, concessa et confirmata. Ne ergo de prenotatis aliqua in posterum prenominate ecclesie fratribus perturbationis occasio emergat, sigilli nostri impressione munientes, sub

l. 23 anathematis interminatione sancimus testesque idoneos de quorum [visu] et auditu nulla dubitacio possit haberi subscribere curavimus. Testes: Warnerus abbas Estivagiensis, Fridericus decanus et archidiaconus, Teirricus cancellarius

l. 24 et archidiaconus, Albricus archidiaconus, Hemmo archidiaconus, Hugo decanus Sancti Gengulphi, Hugo canonicus Sancti Gengulphi, Helyas clericus, Letardus miles de Tasei, Udo miles de Berbes et frater ejus Teirricus, Stephanus advocatus Tullensis.

l. 25 Data per manum Teirrici cancellarii, anno ab incarnatione [Domini M C ] LXXX, epacta IIIa, concurrente secunda, indictione XIIIa, luna XXIIIIa, XV kalendas octobris