Le pape Calixte II confirme la donation faite par l'abbesse Judith des terres d'Esley à Albert de Darney pour en jouir sa vie durant, mais il interdit à l'abbesse d'aliéner à l'avenir des biens de l'abbaye

l. 1 [Calixtus episcopus, servus] servorum Dei, dilecte filie Judithe, Romaricensis monasterii abbatisse, salutem

l. 2 et apostolicam benedictionem. Petis ut sub signo nostre auctoritatis assignetur conditio qua Alberto de

l. 3 Darnerio concessisti territorium quod est ad Acei et, ut petis, faciemus. Sed in verbo obedientie

l. 4 tibi interdicimus ne de cetero terras tui monasterii potentibus hominibus ulla conditione concedas.

l. 5 Ad recuperationem illius territorii ponantur in hac nostra carta eadem verba ipsius Alberti ha[bi]-

l. 6-ta in conditione, sicut sub sigillo Ricuini, Tullensis episcopi, nobis misisti « Ego Albertus de Da[rne]-

l. 7-rio volo fidelibus, tam futuris quam presentibus, notum fieri quod abbatissa Judith, assensu sororum et fratrum

l. 8 suorum, territorium quod Romaricensis ecclesia habet ad Acei, concessit mihi, non in censuale, non in dominium, nec

l. 9 in feodum, sed tantummodo in usum in tempore vite mee, eo tenore ut post vitam meam libere et integre

l. 10 redeat ad prebendam sororum de qua est. Nec aliquis meorum heredum illud calumpnietur vel impediat quom[inus]

l. 11 ad ecclesiam redeat, sed cum omnibus edificiis vel culturis et utilibus que meo sumptu et jussu facta in[eo]

l. 12 inventa fuerunt, ad victum sororum cum pace mancipetur. Et ad confir[m]an[dam v]eritatem hujus conditionis,

l. 13 volo et posco ut carta fiat sub signo apostolici. Testes : dux Simon, [...]dricus de Bosana v[illa],

l. 14 Teodericus de Archis, Guezo advocatus Vosagi. Ebdomedarii : Albero niger, Albero albus, Od[o],

l. 15 Beraldus sacraustus. Sorores sanctimoniales : Emma decana, Holdiardis de Sancti Baslei[monte],

l. 16 Adeledis de Darnerio ». Data Laterani, III. idus aprilis.