Thiébaut ler, duc de Lorraine, promet de n'exercer aucun pouvoir sur les sujets et les biens de l'abbaye de Remiremont, si ce n'est avec l'accord du prévôt de l'abbaye ; il reconnaît n'avoir aucun droit au Val d'Ajol, à part un faucon, 60 sous toulois et la moitié de certaines amendes ; il ne recrutera pas d'hommes de l'abbaye pour aller à la guerre, se contentant de ceux que le prévôt voudra bien lui envoyer ; il respectera les privilèges de Dompaire, Arches et Bruyères

l. 1 IN NOMINE sancte et individue Trinitatis. Ego Theobaldus, dux Lothoringie et marchio, comes Metensis et Daburgensis, universis fidelibus tam presentibus quam futuris

l. 2 veritatis testimonium acceptare. Quoniam noverca memorie est oblivio, discat presens, etas et sciat postera quod nos juramenti interpositione ad hoc

l. 3 nos ecclesie Romaricensi adstruximus et fatemur obligatos quod in bannileuca ville Romaricensis circa corpora seu res hominum in eadem manentium per nos vel

l. 4 per alium nichil attemptabimus, nisi per prepositum jam dicte Romaricensis ecclesie judicio mediante. Ita etiam quod per hanc specialitatem privilegiis ejusdem ecclesie nullum prejudicium

l. 5 generetur. In Valle de Aio nichil juris nos habere cognoscimus preter accipitrem et LX solidos tullensium pro forestaria et medietatem raptus, incendii, fortune

l. 6 et [homi]cidii in proditione facti, medietatemque proventuum ex injuriis de nemore et aqua acquisitis. Homines sancti Petri ubicumque manentes ad nullam de cetero

l. 7 mittemus expeditionem, sed si propria necessitas nos ad defensionem terre compulerit, minister ecclesie Romaricensis eorum mittet, quos viderit exp[edire ...]

l. 8 illorum qui de consensu jam dicti ministri remanebunt. In villa de Dompare et de Arches et de Brueres et de aliis potestatibus bonam consuetudinem privilegia et cartas obser-

l. 9-vabimus. Si advocati ecclesie aliquid contra justiciam usurpaverint, ecclesia de illis querimoniam deponente, justiciam exhibebimus competentem. In omnibus et aliis que hic non sunt apposita et

l. 10 cotidie possunt emergere benigni et justi defensores existemus. In ecclesialibus quoque nichil recognoscimus nos habere. Si vero, quod absit, contra aliqua predictorum venire presumpserimus et infra XL dies

l. 11 per nuncium ecclesie ammoniti non satisfecerimus, persona nostra excommunicata erit et terra nostra supposita interdicto. Quod ut irrefragabiliter maneat obseivatum, T. Treverorum archiepiscopus et Odo Tullensis

l. 12 episcopus, diocesani et domini nostri nobis poscentibus et consentientibus per patentes lifteras suas auctore domino confirmarunt. Actum mense maio in crastino inventionis sancte crucis in ecclesia Romaricensi

l. 13 coram venerabilibus viris G. abbate sancti Apri, Belli Prati et Bethanie abbatibus, Friderico preposito sancti Deodati, I. de Muceio, anno gracie M° CC° XIX°.