Thierri, élu de Metz; confirme le concession de la terre des Petites Tapes faite à Godefroid, abbé de Justemont, par Gervais de Lessy contre un cens d'un marc d'argent.

l. 1 In nomine sancte et individue Trinitatis. Theodericus, Dei gratia Metensis electus, dilecto in Christo G(odefrido), abbati de Justimonte cunctisque ibidem

l. 2 Domino militantibus et militaturis in perpetuum. Collati nobis a Domino pontificalis officii cura nos ammonet ut ecclesiarum

l. 3 quieti sedulo provideamus et possessiones earum illesas conservare, attenta studeamus sollicitudine. Proinde dignum duximus

l. 4 litterarum tradere monimentis et auctoritate pagine presentis cognitioni transmittere posterorum quod Gervasius de

l. 5 Luceis anime sue saluti pie prospiciens, tam uxoris sue quam filiorum suorum laude et assensu, vobis, dilecti in Christo

l. 6 fratres qui apud Justimontem sacre invigilatis religioni, vestrisque successoribus in perpetuum in nostra et multorum

l. 7 qui aderant presentia, tradidit et concessit, terram de Staples cum banno et universis in silvis seu pratis ad

l. 8 ipsam pertinentibus, sub annuo censu unius marce argenti quam prefato Gervasio vel ipsius successoribus

l. 9 quotannis in festo sancti Clementis vel infra octavas debitis persolvere. Hanc igitur terram cum universis ad ipsam

l. 10 pertinentibus vogis vestrisque in perpetuum successoribus tam nostri impressione sigilli quam idonea testium subscriptione contra

l. 11 malignantium pravitatem confirmantes nostra statuimus auctoritate. Quod si qua ecclesiastica secularisve persona inde vos

l. 12 postmodum molestare vel injuriam aliquam inferre presumpserit, donec condigne resipuerit, anathematis vinculo

l. 13 permaneat innodata. Testes : Hotto de Porta Moselle ; Troisimus ; Henricus de Fossa ; Baldewinus Morellus ; Hebertus

l. 14 Malusvicinus ; Escelinus de Puteo ; Almannus de Laceis..