Thierri, élu de Metz, publie les conditions de l'accord passé entre l'abbaye de Gorze et les moines de Salival à propos du partage des dîmes d'une région comprise entre Vic et Morville, grâce à l'arbitrage d'Olri de Mousson et des abbés de Justemont, Sainte-Croix et Saint-Arnoul

l. 1 IN NOMINE SANCTE ET INDIVIDUE TRINITATIS. EGO THEODRICUS, DEI GRATIA METENSIS ELECTUS, PRESENTIBUS ET FUTURIS. Quos ad pon-

l. 2-tificalis officii sollicitudinem divina vocavit ordinatio, ad hoc nimirum attentius laborare et propensius debent eniti, ut commisse eis

l. 3 ecclesie caritatis glutino invicem vinciantur et inter quas lis aliqua emerserit, pacis et concordie bonum quam citius reformetur. Proinde tam

l. 4 presentibus quam futuris notum facere dignum duximus, quod, cum retroactis diebus inter A. abbatem Gorziensem et fratres Salinevallis, occasione deci-

l. 5-marum quas ab eis idem abbas exigebat, controversia diu ventilata fuisset, tandem nobis ad bonum pacis sollicite laborantibus, abbates

l. 6 Justimontis et Sancte Crucis, una cum abbate Sancti Arnulfi et Ulrico de Montione, mediatores, inter eos laude utriusque partis constituti sunt.

l. 7 Qui talem inter eos compositionem in nostra presentia ordinaverunt quod a metis determinatis usque ad abbatiam et ab abbatia per totam vallem et col-

l. 8-lem quantum parrochia Vici protenditur usque ad terminos de Moriville, quicumque incoluerit, medietatem decimarum tam in vino quam in annona

l. 9 et leguminibus Gorziensis ecclesia imperpetuum accipiet. Reliquam vero medietatem cum particula terre que metas contingens Sancti Gorgonii

l. 10 dicebatur et quicquid juris in minutis decimis loci hujus Gorziensis habebat ecclesia, ecclesia Salinevallis libere et quiete perpetuo possidebit. A metis autem versus Vicum in universis terris, totas decimas Gorziensis ecclesia accipiet. Ut igitur hec coram nobis a viris

l. 12 religiosis et discretis rationabiliter ordinata compositio rata apud posteros et immutata permaneat, scripto eam commendare cu-

l. 13-ravimus et tam nostri impressione sigilli quam subscriptione testium communire. Testes : Symon abbas Sancti Arnulfi ; Johannes abbas

l. 14 Sancti Clementis ; Stephanus abbas Sancte Crucis ; Godefridus abbas Justimontis. Monaci : Haimo, Gerardus, Rainaldus. Fredericus archidiaconus ;

l. 15 Albertus de Crispei ; Ulricus de Moncione, et alii quamplures.