Thierri, élu de Metz, notifie qu'André d'Amance a rendu à l'abbé Pierre de Gorze les deux charretées de vin qu'il tenait en fief de l'abbaye d'une façon illégale, et ce en présence du comte de Mousson, Henri, par le jugement de Baudouin d'Apremont et de Richard de Châtel-sur-Moselle, avec l'accord de son frère Joffroi et de sa mère Louve. Pour cette restitution, l'abbé et le chapitre de Gorze ont décidé d'attribuer cent livres de Châlons à André

l. 1 IN NOMINE SANCTE ET INDIVIDUE TRINITATIS. Ego Theodericus, Dei gratia Metensis electus, Petro, venerabili abbati Gorziensis cenobii, et capitulo eisque regulariter substituendis in perpetuum.

l. 2 Rationi consentaneis sanctorum patrum sanctionibus imperantur ecclesie sancte prelati curam gerere subditorum et quanto magis se subjecti religioni viteque subsiderint, sanctiori tanto ferven-

l. 3-tius illi quos Deus preesse voluerit, sollicitudinem majorem eis et rebus eorum tenentur impendere. Inde ego Theodericus, Dei gratia Metensis electus, cum universas episcopatus nostri ecclesias defensare

l. 4 et quamlibet earum in sua dignitate pro viribus nostris decreverim conservare, specialiter nostrum cenobium Gorziense quod rigor ordinis et fervor caritatis et hospitalitatis beni-

l. 5-gnitas cormendabile reddunt, protegere et custodire disposui. Fidelibus igitur omnibus notum fieri volo quod cum dominus Andreas de Asmancia duas vini carratas in

l. 6 feodum a Gorziensi teneret ecclesia, considerans se eas non omnino juste et legitime possidere, saluti sue et predecessorum sive successorum suorum consuluit

l. 7 et predictum feodum ordine judiciario predicto cenobio reconsignavit, in presentia siquidem comitis Montionis Henrici, predictum feodum judicio Baldui-

l. 8-ni de Asperomonte in manu abbatis Petri reddidit et judicio Richardi de Castro super Mosellam, cum fratre suo Gaufrido et matre sua Lupa et omnibus

l. 9 qui in ea re aliquid juris habere videbantur, guirpivit. Pro cujus feodi restitutione sive reddittione, prenominatus abbas, totius capituli

l. 10 sui consensu et consilio, opus misericordie et humanitatis agens, predicto Andree centum libras Cathalaunensium prebuit. Sed quia gestorum

l. 11 memoria plerumque prolixa temporum successione deletur, nisi fuerit litterarum consolidata suffragiis facta, hujus tenorem scripti presentis

l. 12 attestatione et sigilli nostri impressione confirmo. Si quis autem ecclesiam Gorziensem super hoc inquietare

l. 13 aliquo modo presumpserit vel quod juste et legitime factum est, in irritum revocare

l. 14 voluerit, insolubilibus anathematis se cognoverit vinculis illigatus. Testes : Symon abbas Sancti Arnulfi ; Johannes abbas Sancti

l. 15 Clementis ; Raimbaldus prior Gorziensis ; Haimo et Fulcho monachi ; Henricus archidiaconus Metensis ; Willelmus circator ; Anselmus magister scolarum ; Symon

l. 16 filius ducis ; Hugo de Mucei ; Drogo de Nancei ; Balduinus de Asperomonte ; Johannes et Andreas ; Walterus et Willemus ; Warnerus de Moncione ; Richardus

l. 17 de Castello ; Burchardus ; Hugo ; Clarembaldus de Labria ; Nicholaus.

l. 18 Datum apud Bellumpratum, anno dominice incarnationis M° C° LXX° IIII°, indictione VIa, concurrente VII°,

l. 18 X° kalendas aprilis. Actum feliciter in nomine Domini. Amen.