Thiébaut [Ier], comte de Bar et de Luxembourg, reconnaît à l'abbaye de Gorze le droit de pêche que détiennent les religieux sur la Moselle jusqu'au marais de Vittonville

l. 1 Noverint universi ad quorum presentiam presens littera pervenerit quod Theobaldus, venerabilis comes Barri et de Luceborc, ad tollendas

l. 2 ambiguitates in posterum hujus scripti attestatione dignum duxit tam futurorum quam presentium tradere cognitioni quod, cum

l. 3 quedam inter ipsum et Petrum, venerabilem Dei gratia abbatem Gorziensem, de Beati Gorgonii piscatione super Mosellam diu ventilaretur

l. 4 controversia, idem comes, prudentum virorum suorum consilio admonitus et testimonio, nullomodo jura redditusque ecclesie Gor-

l. 5-ziensis minuere nec detrahere affectans, predictam piscationem Beati Gorgonii usque ad palum Witonisville bona fide re-

l. 6-cognovit, eamdemque sicut recognoverat prefato abbati et laudabili conventui Beati Gorgoni ut justis possessoribus pacifice

l. 7 possidere concessit. Ut autem hec concessio et recognicio bono facta favore rata maneret et constans, contra illos qui verita-

l. 8-tis paginam suis instantibus mendaciis intuitur impugnare, prefatus comes sigilli sui et jamdicti abbatis impressione et

l. 9 testium subscriptione fecit corroborari. Testes : Dodo et Widericus sacerdotes de Tire ; Poncius advocatus de Moncons,

l. 10 Buimundus de Sancta Genovefa prepositus de Moncons, Albricus villicus de Champeaus, laici ; dunnus Walterus frater

l. 11 predicti Poncii, dunnus Viricus, monachi Gorzienses.