Victor IV confirme à Agnès, abbesse de Sainte-Glossinde, un cens d’une pièce d’or dû à elle chaque année par les chanoines de Saint-Thiébaut, ainsi que le droit d’investiture du prévôt de ladite collégiale

l. 1 VICTOR EPISCOPUS, SERVUS SERVORUM DEI, DILECTIS IN CHRISTO FILIABUS AGNETI, ABBATISSE SANCTE GLODESINDIS, SUISQUE SORORIBUS TAM FUTURIS QUAM PRESENTIBUS REGULARITER VIVENTIBUS, IN PERPETUUM.

l. 2 Ad hoc auctore Domino, cunctarum regimen et sollicitudinem ecclesiarum gerimus, ut et prisca ipsarum jura seu constitutiones, providencie nostre studiis, firme

l. 3 serventur, et ea que a fundatoribus de novo constituuntur apostolice auctoritatis privilegio muniantur. Eapropter, dilecta in Christo filia Sancte Glode-

l. 4-sindis abbatissa, tuis justis postulationibus clementer annuimus, et prepositarum Sancti Teobaldi, que in fundo ęcclesię Sanctę Glodesindis nostris

l. 5 temporibus noscitur ordinata, sub beati Petri et nostra protectione suscipimus, et presentis scripti patrocinio communimus. Statuentes ut quascumque

l. 6 possessiones, quecumque bona in presentiarum juste et canonice possidet aut in futurum largitione regum, concessione pontificum, oblacione fide-

l. 7-lium, seu aliis justis modis, prestante Domino, poterit adipisci, firma et illibata permaneant, eorum quorum collata sunt usibus perpetuo pro-

l. 8-futura. Ad majorem autem tuę justicie stabilitatem aureum unum, quem ipsius prepositurę fratres tibi tuisque sororibus, sub annuo censu, perpe-

l. 9-tuis temporibus, exsoluendum constituerunt, ęcclesię Sancte Glodesindis in perpetuum confirmamus. Adicientes ut canonici illius prepositurę, adjunc-

l. 10-to sibi tuo, et post te succedentium abbatissarum consilio, liberam eligandi prepositum habeant facultatem, ita sane ut electus hoc mo-

l. 11-do prepositus a te abbatissa, vel a succedentibus tibi, siquidem dignus fuerit, recipiat semper investituram. Si vero tuo rationabili judicio vi-

l. 12-sus fuerit omnino indignus, facultatem habeas investiturę manum subtrahere et electionem factam cassare, salva nimirum se-

l. 13-dis apostolicę auctoritate, et diocesani episcopi canonica justicia. Decernimus ergo ut nulli omnino hominum liceat prefatam ec-

l. 14-clesiam Sancti Teobaldi temere perturbare, aut ejus possessiones auferre, seu ablatas retinere, minuere, aut aliquibus vexationibus fatigare,

l. 15 sed omnia prefatis canonicis eorumque successoribus integra conserventur. Si qua igitur in futurum ecclesiastica secularisve persona hanc nostre

l. 16 constitutionis paginam sciens contra eam temere venire temptaverit, secundo tertiove commonita, si non satisfactione congrua emen-

l. 17-daverit, potestatis honorisque sui dignitate careat, reamque se divino judicio de perpetrata iniquitate cognoscat, et a sacratissimo corpore et san-

l. 18-guine Dei et Domini redemptoris nostri Jhesu Christi aliena fiat. Cunctis autem justa servantibus sit pax domini nostri Jhesu

l. 19 Christi, quatinus et hic fructum bone operationis percipiant et apud districtum judicem premia eterne pacis inveniant. Amen.

l. 20 (ROTA) Ego Victor, catholicę ecclesie episcopus, subscripsi.(BVLT)

l. 21 + Ego Theobaldus, episcopus Tusculanus, subscripsi.

l. 22 + Ego Guido, presbiter cardinalis tituli Calisti, subscripsi.

l. 23 + Ego Johannes, presbiter cardinalis tituli Pastoris, subscripsi.

l. 24 + Ego Umfredus, presbiter cardinalis tituli Sancte Susanne, subscripsi.

l. 25 + Ego Landus, diaconus cardinalis Sancti Angeli, subscripsi.

l. 26 + Ego Gerardus, diaconus cardinalis Sancti Georgii ad Velum Aureum, subscripsi.

l. 27 Datum Metis, per manum Johannis, sancte Romane Ęcclesię presbiteri cardinalis et cancellarii, VIo kalendas novembris, indictione XI, incarnationis dominice anno Mo Co LXo IIIo, pontificatus vero domini Victoris pape IIII anno IIIIo.