Eudes, évêque de Toul, négocie un accord entre H(ugues), comte de Vaudémont et l'abbaye d'Evaux pour la restitution des biens de l'abbaye dont le comte s'était emparés

l. 1 Odo, Dei gratia Leucorum episcopus, omnibus in Christo renatis perpetue pacis bonum. Quoniam Deo auctore ad pontificatus regimen promoti sumus,

l. 2 dignum est ut filios Sancte Ecclesie et maxime quos sanctioris propositi ligat professio, pro posse nostro manuteneamus. Sciant igitur universi

l. 3 fideles tam posteri quam presentes quoniam controversia quem inter fratres de Vallibus et H. comitem Waudinimontis versabatur, Deo propician-

l. 4-te tandem finem accepit hoc modo. Ego solo miserationis et compassionis affectu motus et ulterius ferre non sustinens immanitatem

l. 5 dampnorum, injuriarum que predictus comes, nepos meus, ecclesie de Vallibus dilecte nostre inferebat injuste, ipsum et abbatem de Val-

l. 6-libus ad diem citavi, inter ipsos pacem et concordiam reformare cupiens. Qui in presentia nostra apud Gundricuriam castrum conveni-

l. 7-entes, querelas, quas in alterutrum habebant, ad medium deduxerunt. Abbas et sui parati fuerunt probare adhibitis testibus idoneis que et

l. 8 quanta dampna et gravamina comes ecclesie de Vallibus intulisset. Comes vero econtra quasdam querelas minus justas et supervacuas ei

l. 9 adversus abbatem et suos pretendere cepit. Nos autem partis utriusque causas considerantes et diligenter examinantes, propter bonum

l. 10 pacis consuluimus abbati ut de dampnis retroactis et injuriis sibi et suis illatis interim patienter ageret ; tali tamen pacto quod

l. 11 deinceps ab impugnatione et gravamine domus sue prenominatus comes desisteret. Et de cetero eadem sepedicta Val-

l. 12-lensis ecclesia possessiones suas a domno Ebalo fundatore ipsius loci et Valtero, Milone et Guiardo, Emilina et

l. 13 Theobaldo sibi in elemosinam collatas, uti in cartis suis continetur, universaliter et libere possideret. Si vero ab hac con-

l. 14-ventione sepedictus comes resiliret et calumpniarum exactione injusta, iterum sepius dictam impugnaret ecclesiam,

l. 15 omnis fratrum querela prima et ultima, redivivus iterum proclamationibus reviviscent. Et ad potentes personas secula-

l. 16-res et ecclesiasticas a quibus sibi auxilium sperarent ad futurum reclamare liceret. Quod ut ratum sit et posterorum

l. 17 memorie fortius inhabeat, sigilli mei impressione munire curavi. Hujus compositionis testes et conpositores me-

l. 18-cum fuerunt : venerabilis abbas Morimundi ; abbas de Crista ; abbas de Claroloco ; abbas de Insula ; Gerardus, archidiaconus

l. 19 predicti comitis frater, qui et sigillorum suorum attestationibus presentem paginam communiunt. Actum est

l. 20 anno incarnati Verbi MoCo nonagesimo VIo, tempore Werrici abbatis.