Albéron (de Chiny), évêque de Verdun, confirme la première dotation de l’abbaye cistercienne de Châtillon, et fait don de Mangiennes et de son avouerie, de Handeville et de quatre manses sis à Pillon

l. 1 (Chrismon). ad laudem et gloriam sancte et individue trinitatis. Ego Albero, Dei gratia humilis episcopus, notum facio omnibus sancte ecclesie fidelibus tam futuris quam presentibus, quod divine inspiratio-

l. 2-nis instictu quosdam fratres cisterciensis ordinis de loco qui Claustrum dicitur, tanquam ramum precisum de nativa arbore, spe amplioris fructus, huic Virdunensi ecclesie inserens, consilio ejusdem ecclesie et fidelium nostrorum quedam eis

l. 3 assignavimus in territorio Maginiensi, pro remedio anime mee et predecessorum meorum et eorum qui eadem bona ecclesie nostre contulerant, videlicet Wibersterp, Spissumvillare, Bures et quod habuimus in Longavilla, nec non

l. 4 et alia loca deserta, et quicquid juris nostri erat infra cruces quas predicti fratres, nostro nostrorumque consilio et laude, usque ad grossam Wapram posuerunt. Preterea per totam terram curie Maginiensis, id est in silvis, campis

l. 5 pratis, aquis, ad edificandum, ad comburendum, ad pastum quorumlibet animalium usuaria ipsis fratribus libera donatione et absque omni retentione concessimus, excepto si homines Sancte Marie infra metas fratrum furem aliquem aut rap-

l. 6-torem comprehenderent, debitam facerent justiciam. Advocatiam autem quantum terre infra leugam unam continetur, Haibertus advocatus qui eam antea beneficio hereditario possidebat, consentiente et collaudante uxo-

l. 7re sua Elizabeth et filiis suis Alberto et Rainardo, videntibus hec et attestantibus Alberto primicerio, Willelmo decano, Richardo, Johanne, Andrea archidiaconis, Dudone de Claro monte, pro remedio anime sue

l. 8 et predecessorum suorum, per manum nostram, liberam ipsis concessit. Simili quoque modo, Gobertus de Aspero monte, cum uxore sua Aileide et filiastro suo Waltero de Mirowalt, eandem terram ipsis fratribus liberam

l. 9 et absolutam concesserunt, quicquid deinceps de annuali conventione sua quam usu hereditario super curiam Maginiensem possidebant contingeret. Hoc idem prenominatis testibus attestantibus, porro Sigardus de

l. 10 Duseio, conlaudantibus uxore sua Ermengart et filio suo Urrico, ipsis donavit, per manum nostram, quicquid incultum, silvis, pratis in Longa villa, nec non garbagiam et praragiam et quicquid juris

l. 11 per totam terram habuit. Testes Alberto primicerio, Andrea archidiacono, Pagano de Muceio, Alberto filio Haiberti, Warnero de Colomiers. His itaque sub tot ac talium testium attestation distincti-

l. 12 one ut credimus competenti ac necessaria descriptis, ad alia describenda et distinguenda que nostra nichilominus donatione prenominatis fratribus collata sunt stilum vertamus. Noverit ergo presens

l. 13 etas omniumque secutura posteritas quod Albertus et Rainardus advocati, et Theodericus frater Bartholomei, tam emptione quam respectu remunerationis divine quicquid eis juris vel possessionis bene-

l. 14 ficio hereditario in Hendevilla que jure in manus eorum devenerat competebat in silvis videlicet campis, pratis, aquis et omnibus utilitatibus cum iiiior mansis de Pilon libera dinatione et

l. 15 absque omnimoda retentione, per manum nostram, supra nmemoratis fratribus concesserunt, porro precium emptionis fuerunt xxxa libre et x solidi cathalaunensis monete, ex quibus habu-

l. 16-erit Theodericus xxti libras, Rainardus vi, Albertus l solidos, Petrus de Dumbraz et frater ejus Heymo xlta solidos, videntibus hec et attestantibus Alberto primicerio, Willelmo decano, Andrea, Johanne archidiaconis,

l. 17 Conone abbate Sancti Vitoni, Bartholomeo abbate Sancti Pauli, Remigio cellerario, Wiardo, Hugone, Lamberto clericis, Richardo de Orna, Theoderico et Alexandro de Braz ; Ger-

l. 18-rico nepote eorum, Viviano milite Sancti Pauli. Evoluto autem post hec non multo tempore Petrus de Dumbraz et frater ejus Heymo nisi sunt ex adverso ipsis fratribus super

l. 19 nominatis iiiior mansis de Pilon calumpniam inferre. Sed hujus calumpnie molestia diutius fatigari non ferentes memorati fratres utpote pacis et concordie amatores. Facta com-

l. 20-positione coram Theoderico Mettense primicerio et quampluribus militaribus viris in atrio apud castrum Briacum, huic controversie finem imposuerunt datis calump-

l. 21-niatoribus suis Petro videlicet et fratri ejus Heymoni xla solidis. Quibus illi acceptis contino non solum iiiior mansos de Pilon, verum etiam quiquid juris habebant

l. 22 in silvis, campis, pratis que premonimati fratres jam adquisierant, tam in Hendevilla quam in finibus Wiberstep libere et absolute eis concesserunt, consentiente utri-

l. 23-usque uxore et sobole. Hujus rei testes sunt : Theodericus, primicerius Mettensis ; Albertus de Be-[…]--mmes et frater ejus Walterus tortus, Ugo watlech et fratres eius Herbrandus

l. 24 et Rogerus, Fulco, Constantinus de Porta. Sed et hoc presenti scripto inserendum judicavimus quod corveiam Maginiensem quam in Hendevilla habuimus liberam et ab-

l. 25-solutam ipsis fratribus concessimus consentiente et conlaudante Gorgerto de Aspero monte cum uxore sua Aileide et filio suo Goberto et filiastro suo Waltero de Mirowalt da-

l. 26-tis ab ipsi fratribus eidem Goberto pro concensu lxa solidis. Testes Albertus primicerius, Willelmus decanus, Andreas archidiaconus, Ricardus archidiaconus, Johannes archidiaconus,

l. 27 Cono abbas Sancti Vitoni, Bartholomeus abbas Sancti Pauli, Wiardus et Petrus clerici episcopi, Theodericus de Braz et Alexanrdre frater ejus, Punzardus de Dun et frater ejus, Radul-

l. 28-fus cameratius episcopi. Sec nec hoc silentio pretereundum quod Adam, ecclesie Sancte marie Magdalane canonicus et custos, omnem decimationem que sui juris erat in Hendevilla et in iiiior man-

l. 29-sis de Piron, tam in agricultura quam in nutrimentis pecorum et omnibus utilitatibus fratribus sepe nominatis per manum nostram concessit, sub annuo censu vi sestariorum frumenti. Nos vero

l. 30 utilitati eorumdem fratrum in posterum providentes, eandem decimationem in Hendevilla videlicet et in tota parrochia de Piron post decessum jam dicti Adam sub annuo censu

l. 31 vi denariorum eis donavimus, Andrea archidiacono consentiente, attestantibus hec Alberto primicerio, Willelmo decano, Bartholomeo abbate Sancti Pauli, magistro scolarum Achardo.

l. 32 Simili quoque modo Hugo archipresibter de Magenis omnem decimationem que ei competebat in Wibersterp et in finibus Hendeville et Pilon, consensu et laude Andree archidiaconi

l. 33 attestantibus hoc Richardo et Josberto presbiteris de Amella, Hugone de Furbevilers ipsis concessit sub annuo censu iiiior denariorum cathalaunensis monete. Denique sive ista, sive que-

l. 34-cumque in posterum, per Dei misericordiam, in episcopatu nostro, ab hominibus Sancte Marie, vel ab aliis fidelibus Dei juste adquirere poterunt auctoritate Dei et nostra ipsis benigne concedimus

l. 35 et sigilli nostri impressione roboramus, et ne aliquod gravamen ab aliquo patiantur, sub anathemate interdicimus. Quod si aliquis, quod absit, secus egerit, in extremo judicio se damp-

l. 36-nari sciat, nisi presumptionem suam digna satisfactione corrigat. Testes autem hujus rei sunt : Albertus primicerius, Willelmus decanus, Ricardus, Andreas, Johannes

l. 37 archidiaconi, Petrus cantor, Emelinus magister scolarum, Cono abbas Sancti Vitoni, Theodericus abbas Sancti Pauli, Hairicus abbas Sancti Mauricii Bellogiensis, Gunterus abbas

l. 38 de Caladia. Laici vero : Gobertus de Aspero monte, Haibertus advocatus cum filiis suis Alberto et Rainardo, Rotbertus de Confluentia, Dudo de Claromonte. De ministe-

l. 39-rialibus quoque : Bartholomeus, Ernaldus, custodientibus hec vita et pax. Amen.

l. 40 Acta sunt hec anno incarnationis dominice M° C° L° VI°.

l. 41 ego Herbertus cancellarius recognovi.