Durand, évêque de Chalon-sur-Saône, et l'abbé de Cîteaux déclarent que l'hôpital de Marloux, bâti sur une terre appartenant à l'abbaye de Remiremont, vient d'obtenir enfin la confraternité avec ladite abbaye et que celle-ci lui a donné certains biens en échange d'un cens annuel de quinze livres

l. 1 D. permissione divina Cabilonensis episcopus abbasque Cisterciensis universis presentes literas inspecturis salutem in Domino. Ne[la]bente

l. 2 [temporis] curriculo facta presentium veniant in dubium, posteritas futurorum universitati vestri presentis scripture testimonio volumus

l. 3 innotescat quod domus de Merlo in territorio Romaricensis ecclesie fundata ad fraternitatem et ad communionem ipsius ecclesie d[iu]

l. 4 aspiravit et tandem cum Dei adjutorio Romaricensis ecclesia beneficencie et communionis nolens oblivisci nec surdis auribus preterire, q[uod ait]

l. 5 apostolus, hospitalitatem sectantes, pro divinis obsequiis, missis, oracionibus, necnon et aliis misericordie operibus, felici conmercio fraternitat[is]

l. 6 eidem hospitali suffragium communicavit inploratum, sibi misericorditer concedens perpetuo possidendum quicquid habet apud Milic[iacum]

l. 7 salvo jure diocesani in quibuscumque proventibus, terris, vineis, pratis, censibus, nemoribus aut rebus aut rebus aliis, ita ta.men quod de

l. 8 his omnibus nichil omnino poterunt alienare. In memoriam autem et recongnicionem inite fratemitatis pro jam dictis proventibus

l. 9 idem hospitale pensionem XVcim librarum Stephaniensium annuatim per abbates Cisterciensis ordinis aut Clarifontis aut Bethanie, aut

l. 10 alium quem verum nuncium ecclesie Romaricensis esse constiterit, fideliter transmittet quam cicius poterit dicto capitulo celebrato. Ad

l. 11 confirmandum vero robur sepe dicte fraternitatis, placuit hospitali jam dicto, ut si forte quod absit a pensione predicta

l. 12 cessaret per biennium, Romaricensis ecclesia cui pensio ipsa debetur annis singulis elapso biennio ad plenum jus possessionis

l. 13 rediret, pensio[ne] preteriti biennii ab hospitali de Merlo nihilominus persolvenda. Dictum etiam fuit quod si forte contradictores ve[l]

l. 14 violenti detractores esse presumerent, ipso facto ecclesiastice justicie subjacerent, ad quod se spontanee obligarunt. Ne vero

l. 15 posteritati futurorum hujusmodi fraternitatis commercium veniat in dubium, nostri et abbatis Cisterciensis munimine sigillorum de con-

l. 16-sensu parcium pie ac feliciter est confirmatum. Actum anno Domini M° CC° septimo decimo mense julii.