Gui, évêque de Genève, concède à l'abbaye de Saint-Claude la collation de plusieurs cures dans son diocèse.

/01 / Wido, episcopus sancte Genevensis ȩcclesiȩ servus, venerabili fratri Hunaldo, abbati cenobii Sancti Eugendi, ejusque successoribus in perpetuum. Et sanctorum canonum institutio
l.2 et nostri officii debitum nos hortatur ut monasteriorum atque in eis Deo servientium necessitatibus, prout nobis possibilitas suppetit, consulere debeamus.
l.3 Vestris igitur, frater in Christo karissime, et domni Humberti prepositi justis petitionibus dictante karitate annuentes, concessu universi capituli nostri, donamus
l.4 ȩcclesiȩ Sancti EUGENDI, cui fraternitas vestra Deo actore preesse videtur, ȩcclesiam in honore beatorum principis apostolorum et sancti Eusebii confessoris in villa Craciaco sitam
l.5 cum omnibus appendiciis suis; ȩcclesiam quoque in honore sancti EUGENDI in pago Verrumensi in villa Mazivaco sitam cum capella castri adjacentis scilicet Belli-
l.6-montis et ceteris appendiciis ejus; ȩcclesiam etiam sanctȩ Mariȩ Magdalene infra ipsam Genevensem civitatem juxta lacum sitam, salva ȩcclesie nostre et nobis atque
l.7 ministris nostris debite reverentia servitutis. Concedimus etiam et confirmamus quicquid vel a nobis vel ab antessoribus nostris coenobio supradicti
l.8 Sancti EUGENDI concessum vel ad jus ipsius pertinere cognoscimus, ȩcclesias videlicet Nividuni cum appendiciis suis, ȩcclesiam Genoliaci, ȩcclesiam Divon-
l.9-ne, ȩcclesiam SESSIACI, ȩcclesiam Pauliaci cum appendiciis earum, ȩcclesiam Sancti Genesii, ȩcclesiam SERGIACI cum appendiciis ejus, ȩcclesiam AURINIACI,
l.10 ecclesiam Chelusiȩ, ȩcclesiam Candossiȩ, ȩcclesiam sancti Cirici, ȩcclesiam Saviniaci. Hanc itaque nostrȩ devotionis assignationem seu donationem presentis privilegii
l.11 actoritate firmantes, tam vobis quam omnibus vobis regulariter successuris, perpetuo quiete possidendam sanctimus. Et si quis super hoc vos vel vestra
l.12 inquietare presumpserit, donec ad integram satisfactionem veniat, anatematis vinculo obligamus. Omnibus vero qui in his aliqua
l.13 bona vel utilia providerint vobis hic et in ȩternum gratia et pax a domino consertur conservetur. Amen.
l.14 Signum signum Alberti decani. Signum Victoris decani. Signum Alberici decani.
l.15 Signum Aymonis prepositi Peloniaci. Signum Alberici capellani. Signum Aymonis
l.16 comitis.
l.17 Acta sunt hec Gebenne, anno ab incarnatione Domini millesimo centesimo decimo.
l.18 [sceau].

1