Lons-le-Saunier, AD Jura, G 1234
Numéro957
Fiabilité de l'actenon suspecté
Genrediplôme
Date1029(fiabilité :texte)
LieuLa Loye(lat :Logis)
DiocèseBesançon
RégionFranche-Comté
Supportparchemin
Chirographienon
Sceau sceau plaqué perdu
Etat de la traditionoriginal
Hauteur à gauche455 mm
Hauteur à droite445 mm
Largeur en haut450 mm
Largeur en bas465 mm
AuteurRodolphe III, roi de BOURGOGNE
BénéficiaireChapitre de SAINT-ANATOILE de SALINS
Regeste
Fac-similé
Texte
l.2 Regalis interest dignitatis ut, quanto sublimi dominatione consulit reipublice, tanto promtius honestiusve Christi honori consulendo titulos sanctȩ disponat ȩcclesiȩ;
l.3 tunc etenim regia majestas nobili nobiliter instat regimini, dum sub dispositione stabilis et justi edicti ecclesiarum consulit honestati muniens arcem suȩ dominationis fir-
l.4-mis et legalibus privilegiis. Hoc igitur considerans equum esse, notum volo fieri cunctis regni principibus tam presentibus quam absentibus necnon ȩcclesiarum ordinibus, Ugonem nostrum capellanum
l.5 cognomento Salinarium Sanctique Stephani Crisopolitanȩ urbis canonicum, nostram presentiam adiisse humiliterque postulasse, ut res quas Ragenaldus comes, in valle Salinensi vel in ceteris
l.6 locis dedit sanctis Simphoriano et Anatholio glorioseque virginis Agathȩ, vel ipse supradictus comes vel ipse Hugo edificator loci illius vel ceteri datores corroboraremus
l.7 ad honorem Dei eorumdemque sanctorum atque ad refectionem Salinensium canonicorum, cujus peticioni libenter annuentes statuimus ipsis canonicis privilegium unius
l.8 caldariȩ ferreȩ cum situ sessionis propriȩ, vineasque in circuitu ejusdem monasterii sitas usui eorum assignamus, villamque Arlos cum omnibus sibi adjacentibus optantes eos
l.9 perpetualiter quod juste ac legaliter adquirere poterint adquisituros ac possessuros. Corroboramus etiam nostrȩ auctoritatis precepto, cum consenti-
l.10-ente Irmigarde conjuge, ad ipsius loci usum terras ibidem datas et dandas, cultas videlicet et incultas, vineas, plantatas ac plantandas, adquisitas et adqui-
l.11-rendas, tali tamen tenore ut numquam aliquid ex ipsis rebus in beneficio detur neque in secularibus rebus distribuatur, sed totum ad victum vel vestitum canonicorum
l.12 ibidem Deo servientium reservetur. Volumus etiam ut pro stabilitate regni Burgundionum hoc nostrȩ potestatis preceptum successores nostri nova sua auctoritate
l.13 confirment, si deum sibi propitium habere voluerint. Si quis autem presentium vel futurorum hoc nostrȩ benivolentiȩ privilegium temerario ausu infringere
l.14 temptaverit, penis subjaceat ȩternis et in ipso die magni examinis ante justum judicem inveniatur culpabilis. Ut autem hȩc nostra descriptio certior
l.15 vel verior habeatur et a posteris non infringatur, sigilli nostri inpressione subsignari jussimus.
l.16 SIGNUM DOMNI RUODOLFI REGIS BURGUNDIORUM PIISSIMI [monogramme] [sceau].
l.17 Actum Logis, anno incarnationis Domini MXXmoVIIII,
l.18 regnante Ruduolfo rege, anno XXXmoV. Hupertus cancellarius jussu regis scripsit.
Notes
Bibliographie
SCHIEFFER (Theodor), Die Urkunden der burgundischen Rudolfinger, Munich, 1977 (MGH Diplomata), p. 294-295, n° 122.
Responsable
M.J. Gasse
Comment citer cette notice
Acte n°957 dans Chartes originales antérieures à 1121 conservées en France , Cédric GIRAUD, Jean-Baptiste RENAULT et Benoît-Michel TOCK, éds., Nancy : Centre de Médiévistique Jean Schneider; éds électronique : Orléans : Institut de Recherche et d'Histoire des Textes, 2010. (Telma). En abrégé, citer : « Charte Artem/CMJS n°957»[En ligne] http://www.cn-telma.fr/originaux/charte957/. Date de mise à jour : 24/11/14.