Hugues I^er, comte de Champagne, accorde à Pierre, prêtre solitaire, un certain nombre de biens fonciers, prés, bois, pâtures et cours d'eau sur sa terre de Montrieul.

l.1 Notum esse volumus presentibus et futuris quia nos quendam fratrem venerabilem Petrum
l.2 nomine sacerdotali ordine insignitum ad petitionem domni episcopi Nivernensis et ad quorumdam venerabi-
l.3-lium virorum attestationem in terra nostra in monte Reguli in loco quem ipse elegit voluntarie re-
l.4-cepimus, cui terras arabiles, silvas, prata, pascua, aquas, aquarumque discursus, prout sibi per ministe-
l.5-riales nostros determinatum est benigne largiendo, ab omni exactione ab omni prava consuetudine
l.6 et ut omnino careat perturbatione cujuslibet personȩ ipsum locum liberum perpetualiter mansurum
l.7 tam ipsi Petro quam posteris suis ibidem ad serviendum Deo degentibus, in nomine et honore Dei
l.8 salvatoris nostri concessimus. Hujus itaque nostre donationis memoria ut per labentis
l.9 temporis discursum non decidat presenti pagina firmamus, et sub testimonio Remensis ȩcclesiȩ
l.10 omnem ejusdem loci reditum vel consuetudinem omnino emancipamus.
l.11 Actum est anno incarnationis dominice millesimo centesimo quarto Xmo, inditione VIta, anno XVIto,
l.12 apostolatus pape Pascalis secundi, anno pontificatus domni Rodulfi archiepiscopi Remensis VIto, anno gloriosi regis
l.13 Francorum Lodovici VIto. Ego Hugo, comes de Campania, sub his testibus hanc donationem feci et firmavi. Signum
l.14 Nicholai archidiaconi, Hebalo preposito, Gofredo decano, Lamberto cantore, magistro Leone.
l.15 [sceau].

1