Guillaume I^er, archevêque de Besançon, donne au chapitre Sainte-Madeleine de Besançon les autels de Marnay et de Courchapon et confirme d'autres donations et possessions.

l.1 Guillelmus, sanctȩ Crisopolitanȩ ȩcclesiȩ servus, universis fidei catholicȩ cultoribus.
l.2 Pontificalis officii cura compellimur justa poscentibus aurem benivolam commodare,
l.3 ut et petentes assensum pietatis sese gaudeant impetrasse, et nos exhibitȩ caritatis compensa-
l.4-tionem ab omnium auctore valeamus confidentius expectare. Sciat itaque tam futurorum quam presentium
l.5 fidelium universitas, quod, anno primo nostri pontificatus, rogati precibus canonicorum beatȩ Mariȩ Magda-
l.6-lenȩ famulantium, donavimus illis atque ȩcclesiȩ suȩ perpetualiter possidendum altare de Marnay, cum omnibus
l.7 appendiciis suis, altare etiam de Curto Cappone cum appendiciis suis, preter synodales eulogias et justi-
l.8-cias, ad nos, sive ministros nostros, pertinentes. Concedimus quoque prefatȩ ȩcclesiȩ terram quam dedit ei Johannes, cogno-
l.9-mento miles, in Campo Martis, juxta puteum donni Dudini. Laudamus item ȩidem ȩcclesiȩ, in domo Petri de
l.10 Oysma, manaydas et quatuor solidos in maio, quod dedit ipsi ȩcclesiȩ Stephanus, suus canonicus; mansum etiam quem
l.11 dedit alius canonicus, Hugo scilicet de Dulum. Confirmamus autem antedictȩ ȩcclesiȩ altaria de Boysseris, de
l.12 Sayens et de Ahens cum appendiciis suis, quȩ contulit ei felicis memoriȩ archiepiscopus Hugo tercius: altare etiam
l.13 de Dimidia, quod dedit alius archiepiscopus Hugo secundus, cum omnibus appendiciis suis, silvis, pratis, mansis, in quibus
l.14 ministri comitis nullam prorsus habent consuetudinem; quod probatum est jurejurando atque judicio in con-
l.15-spectu Gullelmi consulis, patris archipresulis Hugonis. Hȩc igitur nostra, seu antecessorum nostrorum dona, sepedictȩ ȩcclesiȩ
l.16 beatȩ Magdalenȩ perpetuo possidenda concedimus, et presenti pagina sigilli nostri impressione firmamus signata.
l.17 Si quis autem infringere hȩc, vel ȩcclesiȩ cui collata sunt auferre temptaverit, auctoritate nostri officii eum
l.18 excommunicamus, quamdiu ad satisfactionem venire distulerit.
l.19 Datum XIII kalendas martii, anno ab incarnatione Domini MoCoVIIIIo, pontificatus donni Guillelmi Io.
l.20 Ego Bonifilius recognovi. [sceau].

Gallia Christiana in provincias ecclesiasticas distributa, Paris, 1715-1785 et 1856-1865, 16 vol., t. 15, Pr, col. 18, n° 15.

Chartes originales antérieures à 1121 conservées dans le département du Doubs, Nancy, 1978, (Cahiers du CRAL ; 33), p. 35-36.