Pons, archevêque de Besançon, fait donation à l'église Sainte-Madeleine de Besançon des autels Saint-André de Chenevrey, Saint-Léger de Virey et lui confirme des donations antérieures.

l.1 Pontius, Dei gratia sancte Bisuntine ecclesie servus et archiepiscopus, omnibus chatholicȩ fidei culto-
l.2-ribus. Pontificalis officii cura conpellimur justa deposcentibus aurem benivolam com-
l.3-modare ut et postulantes assensum pietatis sese gaudeant impetrasse et nos exhibitȩ
l.4 caritatis reconpensationem ab omnium auctore valeamus majori confidentia expec-
l.5-tare. Sciat itaque tam futurorum quam presentium fidelium universitas quod, rogati et excitati
l.6 precibus canonicorum Crisopolitane ecclesie Beate Marie Magdalene famulantium, donavimus
l.7 illis atque ecclesie sue, perpetualiter possidendum altare sancti Andreȩ de Chinivrey cum omnibus suis appendiciis,
l.8 altare etiam sancti Leodegarii de Virey. Concedimus quoque prefatȩ ecclesiȩ terram quam dedit
l.9 ei Johannes, cognomento miles, in Campo Martis juxta puteum domni Dudini. Laudamus item, eidem
l.10 ecclesie, in domo Petri de Oysma, maydas et quattuor solidos censuales in maio quod
l.11 dedit ipsi ecclesie suus canonicus. Confirmamus autem antedicte ecclesiȩ, altaria de Boysseris,
l.12 de Sayens et de Ahens, cum appendiciis suis que contulit ei, felicis memorie archiepiscopus
l.13 Hugo tercius. Altare etiam de Dimidia quod dedit alius archiepiscopus Hugo secundus cum omnibus
l.14 appendiciis suis, silvis, pratis, mansis in quibus ministri comitis nullam prorsus habent consuetudi-
l.15-nem, quod probatum est jurejurando atque juditio in conspectu Vuilelmi consulis, patris
l.16 archipresulis Hugonis. Hec igitur nostra seu antecessorum nostrorum dona sepedicte ecclesie
l.17 beatȩ Magdalenȩ perpetuo possidenda concedimus et presente pagina, sigilli nostri in-
l.18-pressione signata, firmamus. Si quis autem infringere hȩc, vel ȩcclesiȩ cui collata sunt
l.19 auferre temptaverit, auctoritate nostri officii eum excommunicamus quamdiu ad satisfac-
l.20-tionem venire distulerit. Datum tercio idus januarii, anno ab incarnatione Domini MoCoIo, indictione Xa.
l.21 Testibus: Mainerio, Manasse, Odone archidiaconibus; Bernardo, cantore Sancti Stephani; Bernardo, magistro;
l.22 Naicardo, decano et aliis quam pluribus.
l.23 [sceau].

1