Besançon, AD Doubs, G 317

<< < / > >>

Numéro940

Fiabilité de l'actenon suspecté

Genrecharte

Date13/08/1033(fiabilité :artem)

LieuBesançon(lat :Vesontii)

DiocèseBesançon

RégionFranche-Comté

Supportparchemin

Chirographienon

Sceau sceau plaqué

Etat de la traditionoriginal

Hauteur à gauche670   mm

Largeur en bas530   mm

AuteurHugues Ier de Salins, archevêque  de  BESANCON

BénéficiaireChapitre  de  SAINT-ETIENNE  de  BESANCON

Regeste

Hugues Ier de Salins, archevêque de Besançon, constitue un chapitre dans l'église Saint-Étienne de Besançon et lui donne différents biens, appartenant à la mense épiscopale ou tirés de son propre patrimoine : églises Saint-Léger de Vieilley, Saint-Martin de Tarcenay, Saint-Quentin de Besançon, moulins de Tarragnoz et de Cussey, une terre à Casamène, et un péage sur l'Ognon.

Texte

l.1 [chrisme] Simplicis et purȩ summȩ in Trinitatis honore fonte sacro tutis etternȩ dona salutis. Hugo patrum princeps Crisopolitanus et judex. Quoniam ignominiosum valde videtur ac vile inferiores
l.2 corporis partes precipuis indumentis tegere, superiores vero colli toracisque necnon et iliorum detecta superficie vilefacere, opere precium duxi tocius corporis summam primum nobilioribus ornare monilibus, subsequentia vero de hinc condignis
l.3 munire vestibus. Comperiat itaque fidelis ȩcclesiȩ catholicȩ populus quod, ego HUGO, Crisopolitanus archiepiscopus, cum superni judicis dilectione, quȩ bonȩ voluntatis constat primordium, ipsius idemque timore qui summȩ sapien-
l.4-tiȩ consistit inicium, tum animȩ meȩ causa remedii, necnon et predecessoris dominique mei WALTERII, qui me sacri baptismatis unda renovatum suscepit ac tenuit omnique post dilectione sese vitȩ meȩ contulit, quomodo partem
l.5 ex his quȩ in meo habebantur dominio quȩque ab alienis manibus adquirere valui, ȩcclesiȩ prothomartiris Stephani ejusdemque loci canonicis inibi scilicet degentibus cotidieque famulantibus ad commune stipendium dederim. Locus nempe
l.6 ipse, qui a cleri jam destitutus videbatur solamine, cuncto videlicet canonicorum cȩtu beato Johanni evangeliste sub Christi famulante regimine importunissimum michi visum est tocius archipresulatus caput, quod preciosissimo beati Stephani
l.7 reliquiarum sublimatur munere sanctique AGAPITI decoratur capite, plurimorum quoque sanctorum roboratur juvamine, oblivioni ceu traditum cotidianis ac devotissimis fere laudibus deficere. Penuria denique communis sumptus partim fratres
l.8 urgente invalidissimum duxi quid a commune detrahere. Quod enim singulari non sufficit cellario bino cito consumitur refectorio. Disposui ergo canonicos ad loci prefati famulatum qui sub norma religionis ȩcclesiasticȩ
l.9 fraternatim vitam ducentes inibi summo regi beatoque prothomartiri Stephano ad laudem et gloriam sanctorum omnium cum memoria nostri predecessorisque mei WALTERII omniumque ibi requiescentium digne ac devotissime obsequia
l.10 reddant. Dedi autem eis ad comunis mensȩ stipendia, quod non silendum judico, de ejusdem archiepiscopatus beneficio, quam in proprio possidebam dominio, ecclesiam unam in honore sancti Leodegarii dedicatam, in comitatu Portensi in villa
l.11 quȩ dicitur Viilliacus sita cum altare omnibusque appenditiis vineis videlicet et campis. Contuli iterum illis ecclesiam unam in urbe sacratam in sancti Quintini honore cui disposui ut ad eam pertineant omnes in omnibus archiepiscopi
l.12 decimȩ et peregrinorum sepulturȩ. Dedi etiam et aliam in honore sancti Martini sacratam in pago Warasco sitam in villa quȩ nuncupatur Tercenniacus, quȩ cum ab antiquis temporibus a quodam archiepiscopo nomine Berengario beato
l.13 Stephano fuisset data postea vero a successore suo Gerfredo per prestariam cuidam militi nomine Fulchardo concessa, per multorum annorum curricula ab heredibus suis possessa, nullius predecessoris mei dominio servivit subjecta.
l.14 Hanc denique a quodam clerico nomine Rodulfo, qui tunc illi preerat, labore et ingenio meo susceptam cum altare et omnibus appenditiis prescripti loci clero tradidi possidendam. Molendinum quoque unum intra nostram urbem
l.15 situm ad radicem videlicet Sancti Stephani Montis in parte occidentali haud longe ab ȩcclesia Beatȩ MARIE Jusani monasterii non navibus stabilitum, sed supra petram fundatum de manibus supranominati clerici susceptum priori dono
l.16 decrevi jungendum. Tribui atque campum unum meum in dominicatum, quem vulgari lingua cundaminam vocant undique monte flumineque circum septum, qui, quamvis spaciosa decoretur planicie, binarum tamen faucium
l.17 ingressum vel exitum sui angusto solummodo pandit juvamine. Quarum una urbis aditum prestat non facillime. Molendinum etiam aliud supra Lignonem fluvium in villa que dicitur Cussiacus, sub ponte videlicet quo flumen
l.18 transmeatur situm et naulum quod ibidem exigitur si quando fluvius intumescit cum omnibus suprascriptis predictorum canonicorum subdidi dominio. Unde ego HUGO archiepiscopus, in nomine Domini et tocius celestis gerarchiȩ, moneo et sicut habens
l.19 potestatem ligandi gladio pontificali ex toto interdico ne aliquis meorum successorum presumat ullo modo, neque audeat infringere hoc donum. Si quis vero agitatus furiosa passione hoc evacuare voluerit blasphemanda contradictione,
l.20 fiat sicut Madian et Scisare, Horep et Zep, Salmana et Zebee et sicut aliquis illorum, qui beatum prothomartyrem Stephanum missilibus lapidibus obruerunt, et sine penitentia in sua incredulitate hominem exteriorem exuerunt. Ut
l.21 vero hȩc donatio in futuro firmius permaneat, manu propria firmavi et sigilli mei impressione signavi et inferius descripte congregationi ad corroborandum contuli. Ego Hugo archiepiscopus manu propria firmavi.
l.22 Signum Gibuini, archidiaconi et cantoris. Signum Widonis, archidiaconi. Signum Raaldi, archidiaconi. Signum Manegaudi, decani. Signum Abberti, abbatis. Signum Husiconis, canonici. Signum Dudini, canonici. Signum Beroardi, casati. Signum Warnerii, casati.
l.23 Signum Raynerii, vicecomitis. Signum Theoderici, cancellarii. Signum Gerberti, scriptoris qui hanc cartam scripsit. Ego etiam HUGO Linguonensis episcopus manu propria hanc cartam firmavi et ne aliquis aliquando hoc donum corrumpere tempta-
l.24-ret gladio excommunicationis interdixi. Acta Vesontii ydus augusti, regnante domino nostro Jhesu Christo.
l.25 [sceau].

Bibliographie

VREGILLE (B. de), Hugues de Salins, archevêque de Besançon, 3 vol., Lille, 1976, t. 3, p. 33*-37*.

Chartes originales antérieures à 1121 conservées dans le département du Doubs, Nancy, 1978, (Cahiers du CRAL ; 33), p. 12-14.

Responsable

M.J. Gasse

Comment citer cette notice

Acte n°940 dans Chartes originales antérieures à 1121 conservées en France , Cédric GIRAUD, Jean-Baptiste RENAULT et Benoît-Michel TOCK, éds., Nancy : Centre de Médiévistique Jean Schneider; éds électronique : Orléans : Institut de Recherche et d'Histoire des Textes, 2010. (Telma). En abrégé, citer : « Charte Artem/CMJS n°940»[En ligne] http://www.cn-telma.fr/originaux/charte940/. Date de mise à jour : 29/03/12.