Godefroid, évêque d'Amiens, confirme les privilèges et les possessions de l'abbaye de Berteaucourt-les-Dames.

l.1 IN nomine sanctȩ et individuȩ Trinitatis Patris et Filii et Spiritus Sancti, amen.
l.2 Godefridus, gratia Dei urbis Ambianis episcopus, sinodo presidens, in ecclesia Dei genitricis, et gloriosissime Mariȩ dixit.
l.3 Oportet nos dilectissimi qui in ȩcclesia vicem pastoris tenemus, cura sollerte, et animo jugiter vigilante super dominicum gregem qui nobis a Deo creditus est,
l.4 semper intendere, et pro viribus nostris pastorem ipsum imitari, qui ut ait David non dormitavit neque dormiet custodiens Israel. Super muros enim Hierusalem terrestris quȩ IN
l.5 valle lacrimarum primi parentis culpa posita servit cum filiis suis custodes constituimur unde omni tempore ei ab hostili incursu undique debemus providere, et ex cupiditatibus perfidorum
l.6 rapinas ambientium inquietationes imminentes, dampna quoque et exterminia contra se emergentia provida sagacitate oportet nos precavere, ne repentinis perversorum oppressa injuriis,
l.7 res ad stipendium Christi militum a fidelibus ipsis delegatas negligentia nostra deperdat. In istis nempe hujus Hierusalem id est ȩcclesiȩ rebus instituuntur pauperum patrimonia strenue militantium stipendia debita,
l.8 peregrinorum et hospitum susceptacula, ȩcclesiarum reparatio, captivorum etiam compeditorumque redemptio, quatinus illorum justitia qui eas ȩcclesiȩ aut pro perfectionis voto, aut pro peccatorum precio derelin-
l.9-quunt, et qui derelictas fideliter distribuunt, in perpetuum maneat in gloria exaltata. Quocirca ego Godefridus Dei gratia Ambianensis episcopus, autenticȩque personȩ in procinctu fidei hodie
l.10 nobiscum in sinodo Ambianis congregatȩ, zelo fidei, gladio spiritali accinctȩ, firmi muniminis mansurum in perpetuum decretum rebus monasterii perpetuȩ virginis Mariae de prato
l.11 conscribendo sancientes, anathematizamus, et a corpore ȩcclesiȩ velut membra putria resecamus eternis ignibus concremandos, et vermibus inmortalibus corrodendos destinantes eos omnes, qui
l.12 invadere, lacerare, separare, jurique suo assignare presumpserint, prȩdia, possessiones, hospites suos, ancillas, pecora, aurum, argentum, gemmas, vel quȩlibet alia mobilia seu inmobilia ad
l.13 victum vel ornatum dicti monasterii pertinentia, quod sexum fragilem in monastica religione continens flori virginum florem conectit virgineum. Sub hac autem consignatione hujus
l.14 conscriptȩ constitutionis atque sententiȩ, sint donaria omnia legaliter ei adicienda in futurum [et] quȩ jam dono fidelium accesserunt. Et quia desideramus ut absque ulla angariatione quietam
l.15 et tranquillam vitam virgines sacrȩ in omni pietate et castitate inibi agant, instituimus, et presente privilegio confirmamus quod ab antecessore nostro Gervino in sinodalibus gestis suis confirmatum
l.16 privilegio cognovimus, ut nichil nobis aut successoribus nostris eorumque ministris persolvant, excepta reverentia canonica et sinodalibus censibus et circumitionum redditibus non tamen pro eo in quo habitant
l.17 monasterio quod ab his jam absolutum est et nos absolvimus consuetudinibus sed pro aliis ȩcclesiis quȩ titulo suo accesserunt, vel accessure sunt. Evocationes autem ad sinodum eis omnino remittimus,
l.18 nisi aut sponte pro necessariis sibi causis accesserint, aut invitatȩ seu pulsatȩ ab aliquo adversi, eas habente causas indicium nostrȩ diffinitionis exigentes, hoc scilicet eis oneris laborisque remit-
l.19-tentes ut cum angelis sanctis quorum castitatem imitantur, a strepitu mundialium negotiorum vacantes orationibus et contemplationi pariter insistentes, patris celestis faciem contemplentur. Cum vero
l.20 abbatissa loci universȩ carnis debita persolvens obierit, probatȩ vitȩ sororem, sine dolo, sine venalitate, et omni semota ambitione eligant, personis nobilibus sanctitatem, prudentiam genere inferiorum
l.21 in eligendo preferentes. Quȩ cum electa fuerit, ȩcclesiȩ hujus antistiti presentetur, ut ab eo consecrationem et intronizationem suscipiat. Possessiones quibus jam hoc ditabatur monasterium cum ei presens
l.22 firmavimus privilegium subscripsimus. Aecclesiam de Bertolcurt, cum atrio et omni decima altaris et [case], pratum quoque adjacens monasterio earum, et aquam preterfluentem ad omnia sibi necessaria,
l.23 et molendinum et terram, et nemus quȩ ipsi monasterio divisa sunt, et in eadem villa de Bertolcurt cambam quȩ nulli quicquam persolvit, nisi sanctimonialibus prȩdictȩ ȩcclesiȩ, et furnum unum,
l.24 et nemus de Haldinel ad ipsum furnum calefaciendum et duas partes decimȩ de Herrolcurt et apud Domnimedardum vicinum castellum cambam unam. Altare de sanctȩ Mariȩ Ham, et medietatem
l.25 decimȩ casȩ de Hardenval et medietatem decimȩ altaris et casȩ de Herravesnes, et partem decimȩ de maisnil Ursionis, et duas partes decimȩ ȩcclesiȩ de Buccione, et mansuram unam in atrio ejusdem
l.26 villȩ et duas partes decimȩ ȩcclesiȩ de Berdon, et duas partes decimȩ annonarum ȩcclesiȩ de Meroputeo et altare de Raastro et atrium, et altare et atrium de domno Leodegario, et tertiam partem
l.27 decimȩ de Colreto, et altare et atrium de Sircampo, et tertiam partem decimȩ de Finvile, duas quoque partes decimȩ de territorio Hairaudicurtis. Duas quoque partes decimȩ de territorio sanctȩ
l.28 Mariȩ, quas Walterus Husecos tenuerat. Predium quoque in quo eadem ȩcclesia et tota villa et nemus et cetera ad illud pertinentia, sita sunt, Bernardo Lupello, et Oilardo Vitulo, et eorum heredibus concedentibus, eodem privilegio firmamus.
l.29 Ego Godefridus episcopus huic perhenniter dono Dei mansuro privilegii decreto primus subscripsi. [croix] Signum Godefridi, episcopi. Signum Rogeri, decani. Signum Fulconis, archidiaconi. Signum Ingelramni, archidiaconi. Signum Gualteri, abbatis.
l.30 Signum Radulfi, abbatis. Signum Normanni, abbatis. Signum Roberti, abbatis. Signum Otberti, prepositi. Signum Rogeri, cantoris. Signum Raineri, thesaurarii. Signum Anscheri, sacerdotis. Signum Gundeguini, decani.
l.31 Actum est anno dominice incarnationis MCVIII, indictione I, Godefrido episcopo, anno primo regni Ludovici, Ingelranno consule. Giraldus vices cancellarii exequens subscripsit.
l.32 Sigillum Godefridi, episcopi. [sceau]. Sigillum sancti Firmini martiri [sceau]. Sigillum Fulconis, archidiaconi [sceau].