Godefroid, évêque d'Amiens, confirme à l'abbaye de Saint-Fuscien-aux-Bois l'ensemble de ses biens, qu'il énumère.

l.1 IN NOMINE SANCTE ET INDIVIDUE TRINITATIS INCIPIT KARTULA DE REBUS AD MONASTERIUM SANCTI FUSCIANI PERTINENTIBUS.
l.2 Frater Godefridus, Dei gratia Ambianensium episcopus, omnibus sanctȩ matris ȩcclesiȩ filiis ita per fidem ambulare in hujus convalle plorationis, ut ad contemplandam Dei speciem conscendere
l.3 mereantur in montem verȩ et sempiternȩ exultationis. Sanctarum scripturarum auctoritate didicimus, fratres mei, quia ab antiquis temporibus nonnulli sancti peregrinationis suȩ exilium cogno-
l.4-scentes, et ad supernȩ civitatis felicia fundamenta totis praecordiis anelantes, facta suorum et sui pura abjeptione fluxum transitoriȩ jocunditatis pede rationis calcaverunt, et
l.5 pauperes pauperem Christum imitati, ut cum divite Christo divites efficerentur, ejus servituti quȩ sola liberos facit, seipsos devotissimȩ mancipaverunt. Ab his salutari exemplo ad nostra usque tempora
l.6 per Dei gratiam translato videmus quosdam monachica contemplatione mundo mori, alios regulari ordine conversari, nonnullos vero heremitica solitudine in Dei opere exerceri. Sed quia non
l.7 omnes capiunt verbum hoc, qui tantȩ perfectioni non potest inherere, non ob hoc precipitur, dederi misericordia desperare, sed sanctorum indigentiis solaciando, et eorum spiritualibus per sua carnalia
l.8 communicando ad felicia fundamenta de quibus loquimur fixȩ spei certitudine suspirare. Cum enim ipsa veritas de multimodo animarum ȩdificamine loqueretur, ut humanos animos
l.9 ad opus misericordiȩ excitaret, et operis fructum proponeret, inter alia brevibus verbis magnam sententiam protulit dicens: Date et dabitur vobis. Hujus itaque divinȩ exhortationis et promissionis
l.10 vocem aure cordis percipiens Ingelrannus comes cum monasterium martyris Christi Beati Fusciani primum coepisset ȩdificari [totum montis] ipsius territorium venerabili viro Odolrico
l.11 primo loci illius abbati et ȩdificatori monachisque magisterium ei secuturis devote concessit, quatinus ibi domo Dei reverentur constructa, locus antea incultus fieret habitatio hominum
l.12 liber et absolutus ab omni seculari potestate, consuetudine sive exactione. Hoc etiam laudavit et evidenter concessit Ingelrannus de Mundisderio, ad cujus dominium sub Ingelranno
l.13 comite pars territorii illius jure hereditario pertinebat. Huic beneficio addidit Ingelrannus comes servos et ancillas in locis suis, et quatuor hospites cum dimidio curticulo Amelliaci,
l.14 dimidiamque villam de sanctis et amplius, ȩquali libertate et absolutione donatam, in servis et ancillis, in nemoribus, in ruricolis, et usibus qui exiguntur et redduntur ab ipsis. Concessit etiam
l.15 ut si quis de sibi subjectis ob remedium anime suȩ domui Domini construende et adaugende aliquod beneficium de sua facultate vel possessione [vellet] inpertiri, id libere posset, et sine re-
l.16-tractatione faceret, praesertim cum idem Ingelrannus in his quȩ ad monasterium pertinerent, id sibi vel heredi suo jus nullum vel exactionem esset retenturus, solummodo ad honorem Dei sibi et heredi suo
l.17 patrocinium reservans monasterii. Hac itaque audita libertate, Herleboldus de [Trucivilla] in rure suo unum hospitem dedit, et ad locum qui dicitur Pulemont terram arabilem dimidie
l.18 carruce sufficientem. Petrus de Glisi Gualcodi filius in villa sua hospitem unum, et ad piscariam suam centum anguillas per singulos annos monasterio obtulit totumque Fraisnet quod adjacet Piceio
l.19 castro dimidiumque viarie ruris illius monachi praetio redemerunt, a Drogone de Gissencurt et Guidardo Picerensi. Gilo de Gollencurt cum habitum monachi suscepisset, concessit favente
l.20 filio suo Sevino mediam campipartem tocius ruris sui exceptis novalibus propriȩ ad dominum [ville] pertinentibus, et a circuitu pontis Pratense solum ex utraque parte quod fossatum dividit
l.21 cui nomen riveri, ubi etiam facta est inhabitatio ruricolarum propriȩ ad praedictam ecclesiam pertinentium. Hugo de villa Donni Martini pro anime fratris sui Guilelmi cum eum sepelissent monachi,
l.22 dedit ibidem hospitem unum et terram de [Alodiis]. Hato Botuensis canonicus in extremis monachus factus, dedit Botue duos hospites, et alodium quod habebat Costenci tres scilicet hospites
l.23 cum terra, prato, et nemore. Terram adjacentem loco qui dicitur Canbagualdiot, quatuor viri ȩquali portione ut alodium tenebant, et tamen inde parvum censum duos scilicet solidos Anschario
l.24 de Ruvretel persolvebant. Ipsam totam sicut alodialem possidebant, monachis obtulerunt. Scilicet Harricus de Saloi, concedente Hugone filio suo, Geroldus de Bossincurt concedentibus fratribus
l.25 suis, Fulberto, Hugone, Fulcone, Radulfus de Salcosis, concedente Radulfo Rihardo nepote ejus, Guido de Fontanis concedente Hugone clerico fratre ejus. Hanc gratuitam elemosinam Anscharius
l.26 ut cognovit praedictum censum ȩcclesiȩ dimisit. Hibertus de Jumellis in articulo mortis positus, cum se a monachis sepeliri poposcisset, dimidiam terram de Morelli villa dedit concedente Petro et
l.27 Anschario fratre ejus filiis Haten, ad quos terrȩ illius hereditas proxime pertinebat. Herveus Hirmenrici filius dedit duos hospites ad Esclenviler et feodum trium militum, Urselli, Gotselini,
l.28 Gieselini. Adam frater Adelelmi monachus factus quod Ambianis habebat dedit, duos scilicet semis furnos et octo sextarios tritici per singulos menses ad molendinum comitis. Molendinum
l.29 de Til tenet eadem ȩcclesia ab Hugone de Saloi, et Ingelranno archidiacono, et Hugone de Caniet, censum eis inde persolvens, Hugoni de Saloi tres modios tritici, et in natali Domini duos
l.30 rasiales tritici cum duodecim nunmis, et duobus domesticis alitibus, Ingelranno autem archidiacono duos modios tritici, et in natali Domini duos rasales tritici cum sex nunmis et duobus domesticis
l.31 alitibus. Hugoni de Caniet tantumdem et eodem tempore. Albertus presbiter de Botua dedit vineam et tres agros, Hermenricus autem miles decimam vineȩ et agrorum. Otmundus de Mundisderio ultra
l.32 pontem Botue dedit tres hospites. Castelli dominus tres in eodem, et locum Sancti Marcelli cum terra adjacente. Gualbertus de Sessolliloco duos hospites et mansum ȩcclesiȩ contiguum. Hibertus
l.33 de Donnimedardo, hospitem unum. In loco qui dicitur Gurgetum Petrus de Glisi duos curticulos dedit, et tres Ricardus de Jumellis. Geroldus de Gutincurt in villa sua hospitem unum. Hersendis
l.34 de Amelliaco et Droco filius ejus hospitem unum, et de valle Hairardi mediam campipartem, et terram ad lucrandum. Tainfridus de Espaini concessit in rure Caisnetel tertiam partem de tribus hospitibus
l.35 et de tribus metis arabilis terrȩ. Guerno de Piceio pater Stephani apud Curcellas feodum unius militis. Matrona quȩdam filia Dimonis de cuncti dedit alodium quod habebat Espaini, cui con-
l.36-juncta est alodialis terra quam possidet Avelina uxor Hilonis de Hisnum, et post mortem suam monachis possidendam viro annuente concessit. Convenit etiam inter monachos praedictȩ ȩcclesiȩ et quemdam
l.37 Gualdricum de Sanctis post diutinam litem de quadam terra ut in ipsa tres partes de campiparte monachi obtineant, Gualdricus quartam. Terra ipsa inter eos ad arandum, seminandum et retendum communiter data et concessa. Pastore vero
l.38 ejusdem monasterii decedente, fratres abbatem sibi eligunt, et ei secundum Deum pastoralem baculum conferunt, qui consecrandus episcopo hujus sedis praesentatur, et ei subjebtus et obediens efficitur. Has igitur possessiones praescripti
l.39 monasterii ego Godefridus hujus sedis Deo auctore episcopus concedo, praesentiumque personarum attestatione nostrique sigilli inpraessione confirmo. Si quis vero contra hoc decretum aliquid maligne machinatus fuerit ut res ȩcclesiȩ
l.40 distrahat, anathema fiat, et nisi digne pȩnituerit privetur transeuntibus bonis, nec valeat inherere mansuris. Ego Godefridus, Ambianensis cathedrȩ episcopus, huic privilegio in sinodo Ambianensi, in ȩcclesia Sanctȩ MARIȨ
l.41 ab universis concorditer confirmato, primus subscripsi, atque voluntate promtissima consensi. Signum [croix] Godefridi, episcopi. Signum Fulconis, archidiaconi. Signum Ingelranni, archidiaconi. Signum Rogeri, decani. Signum Oberti, prepositi. Signum Rogeri, cantoris. Signum Raineri, thesaurarii.
l.42 Signum Gualteri, abbatis Sancti Judoci. Signum Rotberti, abbatis Forestensis monasterii. Signum Johannis, abbatis monasterii Sancti Geremaris. Signum Wilelmi, abbatis Sanctȩ Mariȩ Brituliensis. Signum Anscheri, abbatis Virtuensis ȩcclesiȩ. Actum est hoc, anno Verbi incarnati MoCoVo,
l.43 indicione XIII, praesidente in cathedra romanȩ ȩcclesiȩ Paschali pape IIo, et in Remensi Manasse archiepiscopo, et in Ambianensi Godefrido episcopo, Francorum rege Philippo, duce exercitus sui filio suo Lugdovico, Ambianensi consule Ingelrano. Feliciter. AMEN.
l.44 Geraudus, Ambianensis ȩcclesiȩ subdiaconus vices cancellarii exequens, subscripsi. [croix] Dedit etiam Rogerus quarterum de Marinas et concedente uxore sua atque filio suo
l.45 Andrea, ecclesiȩ Beati Fusciani libere et absolute in elemosinam concessit, testante Droardo de Nans, Radulfo Burnet, Roberto de Flui. Hoc donum tempore Rodulfi abbati factum fuit.

Gallia Christiana in provincias ecclesiasticas distributa, Paris, 1715-1785 et 1856-1865, 16 vol., t. 10, Instr, col. 299-301, n° 18.

MIGNE (abbé Jacques-Paul), Patrologia Latina 162 (Ivo Carnotensis), Paris 1855, col. 739-742.

MORELLE (Laurent), Un "grégorien" au miroir de ses chartes: Geoffroy, évêque d'Amiens : 1104-1115, in A propos des actes d'évêques : Hommage à Lucie Fossier, Nancy, PUN, 1991, p. 177-218 (Actes des évêques de France), p. 215, n° L 33.