Amiens, AD Somme, 1 G 20
Numéro929
Fiabilité de l'actenon suspecté
Genrecharte
Date1091(fiabilité :artem)
Lieunon identifié
DiocèseAmiens
RégionPicardie
Supportparchemin
Chirographienon
Sceau non scellé
Etat de la traditionoriginal
Hauteur à gauche585 mm
Largeur en bas300 mm
AuteurRorgon, évêque d'AMIENS
BénéficiaireSaint-Denis d'Amiens, prieuré de Marmoutier
Regeste
Fac-similé
Texte
l.2 R[orico], non meis suffragantibus meritis, sed solummodo dispensante gratuito munere divinȩ propitiationis
l.3 licet indignus, licet pre ceteris delictorum sarcina aggravatus, Ambianorum tamen pastor et antistes dominici
l.4 ovilis, adoptionis filiis omnibus, celitus michi commissis, ad bravium niti supernȩ vocationis.
l.5 Quoniam quidem benignitas affluens Salvatoris non ad mensuram, set quando vult, et quomodo vult karismatum
l.6 dona vasis misericordiȩ impertit, sic inquietari nos permittens in nostrȩ carnis habitaculo, ut in hoc evidenter
l.7 nos visitet oriens exalto, in tribulatione positi non defitiamus, in valle lacrimarum trusi, totis me-
l.8-dullis cordis ad aures pietatis Dei clamemus, et si eum diligamus, quatinus a mandatis ejus non exorbi-
l.9-temus, ut ad nos venire dignetur et de nobis lapidibus vivis, caritatis compage et pacis vinculo sibi an-
l.10-gulari lapidi astrictis, Hirusalem supernam suppleat, quam ipse rex gloriȩ, et in prelio potens possideat, et nos jocun-
l.11-dati de tanto hospite, cum psalmista dicamus cum hilaritate: Domine dilexi decorem domus tuȩ. Hoc desiderio
l.12 ferventes, F. archidiaconus a me monarchiam tenens in ȩcclesia Sancti Nicholai, et fratres deputati in ea ut
l.13 vaccent psalmis et hymnis et spiritualibus canticis, parvitatem nostram adierunt, summopere flagitantes,
l.14 quatinus officii nostri auctoritate beati Dyonisii oratorium, antecessorum nostrorum incuria desolatum,
l.15 et prope jam vetustate nimia consumptum, dispositioni crederetur cujusdam fratris nostri, l[...9...] sacerdotis. Et merito.
l.16 Ipse enim ex modico illud ampliaverat, et ex obsoleto sicut liquido aparet adornaverat et ut prudens ago-
l.17-nista, in excubiis Dei pernoctans hostem antiquum in eo triumphabat. Eorum igitur ardenti voto succensus, et
l.18 nostrȩ dioceseos utriusque sexus fidelium clamoribus pulsatus, ego cum Fulcone archidiacono, et canonicis Sancti Nicholai,
l.19 ȩcclesiam Beati Dyonisii tradimus prefato sacerdoti, ejusque suffraganeis, et successoribus, quoscumque ordo divinus
l.20 in ea disposuerit. Tali scilicet conditione ut, quoniam membrum est sancti Nicholai, sacerdos predictus, cum comitibus quos
l.21 in ea habuerit, ejusque successores quoque anno cum processione veniant ad celebritatem sancti Nicholai, cereos duos
l.22 supra altare offerentes, duodecim appretiatos denariis, et tantum incensi boni odoris, quod in festo sufficiat tanti
l.23 confessoris, decimas et terras omnes sancti Dyonisii canonici Beati Nicholai retinebunt usibus suis, set altare et ȩcclesia
l.24 et omnes oblationes ejus, et sepultura, et quȩcumque pignoraverint, emerint, plantaverint, edificaverint, et
l.25 quomodolibet adquisierint, universa hȩc inflectantur ad usus servientium ejus oratorii. Sola electione fratrum
l.26 qui ibi aderunt et assensu Sancti Nicholai canonicorum deputabuntur in ea clerici, ita ut ab omni munere manus
l.27 excutiatur, et simonia et cupiditas omnis extirpetur, et electioni eorum a nullo Sancti Nicholai canonico contradicatur.
l.28 Sic autem erunt federati, quatinus in officiis funebribus cum candelis, alteri alteris assint, animas defunctorum
l.29 fratrum Deo commendantes XXX dierum spatiis, anniversarium singulis annis celebraturi domni Drogonis,
l.30 Taraonensis episcopi. Hoc autem statutum ut illibatum observetur, ego et primores totius nostri senatus decernimus,
l.31 et auctoritate ministerii nostri corroboramus. Si quis vero veritatis inimicus, et animȩ suȩ hostis, hic annotata
l.32 dissolvere presumpserit, sit anathema maranatha, et cum his qui letantur cum malefecerint, in puncto ad
l.33 inferna descendat, fiat, fiat.
l.34 [croix] [croix] [croix] [croix].
Responsable
B.-M. Tock
Comment citer cette notice
Acte n°929 dans Chartes originales antérieures à 1121 conservées en France , Cédric GIRAUD, Jean-Baptiste RENAULT et Benoît-Michel TOCK, éds., Nancy : Centre de Médiévistique Jean Schneider; éds électronique : Orléans : Institut de Recherche et d'Histoire des Textes, 2010. (Telma). En abrégé, citer : « Charte Artem/CMJS n°929»[En ligne] http://www.cn-telma.fr/originaux/charte929/. Date de mise à jour : 24/11/14.