Arnoul de Morialmé, en devenant moine à Saint-Nicaise de Reims, abandonne à l'abbaye une partie de ses biens.

l.1 IN NOMINE SANCTȨ ET INDIVIDUȨ TRINITATIS. Memoria teneant presentes et futuri, quod ego Arnulfus
l.2 de Morelmeis, in ecclesia Beati Nicasii cenobii Remensis habitum monachicum suscepturus, eidem loco quedam ex prediis
l.3 meis jure perpetuo possidenda contradidi, videlicet tres partes duarum villarum, id est Senzeley, et Solmayos,
l.4 cum omnibus appendiciis suis, id est ecclesiis, mansionibus, servis, ancillis, silvis, pratis et campis. Quarum tamen
l.5 trium partium duas partes, pro triginta marcis in vadimonio reliqueram, sic quidem, ut si redimerentur, ad
l.6 ȩcclesiam Beati Nicasii jure possessionis redirent. Contuli etiam eidem ȩcclesiȩ altare cum ȩcclesia in predicto castello
l.7 Morelmeis, item dimidiam partem alterius villȩ, id est Danremey, cum omnibus appenditiis suis. Reliqui etiam
l.8 dimidiam partem allodii Florinensis Alpaidi sorori meȩ possidendam, ea condicione ut si quando ipsa cum
l.9 heredibus suis, id est cum filiis et filiabus, et filiorum filiis, hac vita decesserit, predictum predium cum omnibus appen-
l.10-diciis suis ad ȩcclesiam Beati Nicasii transeat jure possessionis. Concessum etiam est inter nos et multorum qui
l.11 affuere testimonio confirmatum, ut si quando predicta soror mea Alpaidis, ut prelibatum est, cum heredibus
l.12 suis deficeret, predium quod habebat, in Nauloyz, id est dimidiam partem villȩ cum ecclesia et omnibus appenditiis
l.13 suis, ȩcclesia Beati Nicasii perpetuo jure possidendum reciperet. Quȩ donationes tempore perpetuo ut legitime
l.14 et intemerate permanerent, ab Otberto venerabili Leodiensi episcopo, auctoritate ecclesiastica statutum, decretum, et sub
l.15 anathemate confirmatum est, ut nullus clericorum, nullus laicorum, nullus in episcopio suo, quacumque preditus dignitate,
l.16 predictos ȩcclesiȩ fundos audeat usurpare, seu etiam in eis advocatiam, seu exactiones aliquas, vel quicquam
l.17 quasi proprii juris vindicare. Actum est anno dominicȩ incarnationis MmoCmoXIIImo, indictione sexta, regnante
l.18 Heynrico imperatore quinto. Huis rei testes sunt: Heynricus archydiaconus, Wigerus de Tuyn, Adelardus de Lover-
l.19-val, [Bas]tianus de Gurdinis, Hubertus de Jandrenuil, Franco de Durbui.

1