Rostang, Rainalda, sa mère, et ses frères donnent à Saint-Paul de Mausoles ce qu'ils ont à Altevox, à savoir la moitié d'une condamine, la moitié de la terre appelée Exit et la moitié du fief de Rainoardus.

l.1 Notum sit tam presentibus quam futuris sanctȩ ȩcclesiȩ filiis, quoniam auctoritas jubet ȩcclesiastica et lex consistit
l.2 romana, ut qui rem suam in qualicumque potestate transfundere voluerit, per paginam testamenti eam infundat,
l.3 ut succedentibus temporibus secura et quieta permaneat. Quapropter ego Rostannus, Rostanni Jeroldi filius,
l.4 [c]um fratribus meis Guillelmo et Fulcone et Raimundo et matre mea Rainaldina dono cum memetipso ȩcclesiȩ
l.5 sancti PAULI quȩ ad radicem montis Gauserii sita est et domno Rainoardo ipsius ȩcclesiȩ preposito et clericis
l.6 ibidem Deo canonicȩ servientibus ac postmodum servituris totum illud quod visus sum habere vel
l.7 possidere cum matre mea et fratribus meis in territorio Altȩvocis, scilicet medietatem condominȩ,
l.8 et medietatem terrȩ quȩ vocatur Exit. Medietatem autem honoris domni Rainoardi quam fratres
l.9 sui et mei prefatȩ ȩcclesiȩ possidendam abnuere nolebant, causa mei amoris laudant, et hac
l.10 conscriptione absque ullo malo ingenio affirmant, ut exinde canonici quicquid facere voluerint
l.11 faciant, quatinus eorum intercessionibus suffulti, apud misericordem Dominum ego cum ipsis nostrorum valeamus consequi veniam
l.12 delictorum. Et si ullus homo vel aliqua apposita persona hanc donationem quam ex toto
l.13 corde facimus, inquietare vel irrumpere voluerit, nisi resipuerit, iram incurrat Dei omnipoten-
l.14-tis, semperque permaneat donatio ista firma et stabilis. Ego Rostannus qui hanc cartam fieri jussi,
l.15 sicut scriptum est, manu mea firmo. Mater mea Rainaldina firmat. Guilelmus, Falco et
l.16 Raimundus fratres mei firmant. Guilelmus Rostannus et Petrus Bermundus, et Guilelmus Bermundus firmant.
l.17 Raimundus Jofredus et Leodegarius et Petrus Scerpa et Guilelmus monachus firmant.
l.18 Raimundus et Guilelmus filii Petri Guiraldi firmant.
l.19 [...?...].