Bertrand, de Venasque, Percipia, son épouse, et leurs fils, donnent à Saint-Paul de Mausoles leur alleu situé aux alentours de l'église Saint-Paul-Saint-André, au pied du château de Jaucerius.

l.1 [chrisme] Cum ecclesiastica karitas lege suȩ consuetudinis pauperibus, orfanis, viduis, peregrinantibus, pro Deo ceterisque destitutis auxilium misericordiȩ
l.2 impendat, maxime fidelibus altaris ministerio mancipatis, ea que exigunt usus necessariȩ vitȩ impertiri non recusat. Quocirca ego in Christi no-
l.3-mine Bertrannus de Vennasca et uxor mea nomine Percipia et filii nostri, Hicterius, Guilelmus, Bertrannus, Guilelmus Carbonerius, Isnardus, Gaufredus, consu-
l.4-lentes saluti nostrȩ, propter casum humanȩ fragilitatis, donamus Deo et ecclesiȩ Sancti Pauli et Sancti Andreȩ, honorem alodis quem habaemus in circuitu ipsius
l.5 ecclesiȩ, ita sicut per mandamentum nostrum posuerunt terminos per quattuor angulos Petrus Jullanus et Petrus Levantus. Est autem monasterium
l.6 istud situm cum circumquaque, jacenti honore, in comitatu Avenionensi ad radicem casteli Jaucerii, ad orientalem partem supra ecclesiam Sancti Petri quȩ dicitur ad
l.7 Mausoleum. Donamus autem huic ecclesiȩ et fratribus ibidem Deo servientibus supradictum honorem pro redemptione animarum nostrarum, vel animȩ matris meȩ Scociȩ
l.8 cujus fuit iste honor seu omnium parentorum nostrorum. Et insuper donamus redecimum de omnibus que habemus ad V[..]rentia usque ad Jaucerium in omni loco, in omnia et
l.9 [...]ibus jure perpetuo. Sane si quod Deus non permitat, aut nos, aut aliquis vel aliqui nostrum, seu quelibet opposita persona hanc donationem sive helemosinam frange-
l.10-re voluerit vel inquietare presumpserit non valeat vendicare quod temptaverit sed convictus juxta preceptum legis damno emendationis subjacebit, et si adhuc obstinata
l.11 diabolo istigante malicia non quieverit, cum Datan et Abyron et cum Juda traditore, hanathematis gladio peribit. Acta est hec donatio in mense aprilio,
l.12 anno incarnationis dominice, millesimo octogesimo, regnante Henrico Romano imperatore.
l.13 Signum Bertrannus et uxor sua vel filii sui qui hanc donationem fecerunt et testes firmare rogaverunt, manu, mente, corde et ore firmaverunt.
l.14 Pontius Aicardus firmavi. Petrus de Lagodes firmavi. Pontius de Romani firmavi. Petrus Levantus firmavi.
l.15 Rainoardus de Jaucer firmavi. Pontius Aldebertus firmavi. Petrus Ugo firmavi. Autrannus Balcii firmavi. Bertrannus de Balcio firmavi. Leotardus firmavi. Rhotbaldus firmavi. Guilelmus
l.16 Robaldus firmavi. Aicardus Guichirannus firmavi. Fulco filius ejus firmavi. Rostagnus Odo firmavi. Silvius de Cabannas firmavi. Petrus de Roma firmavi. Rostagnus Hodo firmavi. Hodo frater
l.17 ejus firmavi. Unbertus firmavi. Silvius de Lagodes firmavi.