Évrard Maréchal, par accord avec le chapitre d'Autun, conserve sa vie durant les terres de Longvic et du Gratoux qu'il avait usurpées, contre le paiement d'un cens et de coutumes.

l.1 Fraudulentas male agentium versutias penitus extirpare cupientes, tam
l.2 presentium quam futurorum memoriȩ perhenniter commendare necessarium fore cen-
l.3-suimus, que inferius legentibus patebunt. Notandum itaque est quoniam Ebrardus cogno-
l.4-mento Mareschaldus terram in territorio Longi Vici, et Gratemacii sitam, quȩ ȩcclesiȩ
l.5 sancti Nazarii juris est, absque dono et consensu Eduensis capituli diu tenuerat.
l.6 Quapropter donnus Stephanus Eduorum episcopus bone memoriȩ unacum Guillelmo deca-
l.7-no et plerisque ejusdem ȩcclesiȩ canonicis Hugonis ducis Burgundiȩ presentiam
l.8 adiit, et qua injuria seu violentia prefatus Ebrardus supradictam terram usurpa-
l.9-rat, evidentissimis rationibus ibidem declaravit. Auditis siquidem utriusque
l.10 partis rationibus, idem Ebrardus petiit ut sibi quandiu viveret eandem terram pos-
l.11-sidere liceret, eo tamen pacto ut singulis annis census et consuetudines
l.12 sine inquietatione canonicis prenominatis persolveret. Cujus petitioni ad-
l.13-quiescentes, canonici, eandem terram sepedicto Ebrardo maxime ducis prece
l.14 quoadusque vixerit concesserunt, eo tenore eaque conditione, ut post ejus
l.15 excessum ad proprietatem Eduensium canonicorum cum edificiis et meliorationibus in
l.16 perpetuum possidenda rediret. Hȩc autem acta sunt Divione in curia ducis,
l.17 laudante et assensum prebente uxore et filiis. S. Stephani Eduensis episcopi; S. Wil-
l.18-lelmi decani; S. Hunberti archidiaconi; S. Tebaudi; S. Hunberti; S. Anserici; S. Johannis; S.
l.19 Guidonis, canonicorum; S. Henrici presbiteri; S. Raynerii de Rebello; S. Lanberti prepositi
l.20 Sedeloci. Ex parte Ebrardi: S. Hugonis ducis; S. Garnerii de Sunbernone; S. Rayne-
l.21-rii de Roca; S. Mathei; S. Wirrici; S. Alberti; S. Dominici ejusdem Ebrardi generi.
l.22 [sceau] [sceau].