Guillaume I^er, évêque de Châlons, confirme les possessions de l'église de Molesmes dans son diocèse.

l.1 In nomine Patris et Filii et Spiritus Sancti, amen. Quoniam volubilium temporum mutabilitas rerum mutabilitatem et oblivionem confert et parturit, quicquid
l.2 in memoriam volumus permanere, litterarum testimonio debemus perhennare. Sciant igitur moderni cum posteris quod domnus Guido Molismensis ecclesie ve-
l.3-nerabilis abbas, et domnus Robertus prior de Peiaco cum pluribus aliis religiosis honestisque personis me Guillelmum Cathalanensis ecclesie immeritum
l.4 pontificem, sub optentu pietatis adierunt, expetentes et deprecantes, quatinus ecclesias et beneficia que in nostro episcopatu de manu laicali susceperant,
l.5 eisdem meo firmarem privilegio, et quicquid ulterius in eadem diocesi cujuslibet persone monachis Molismensibus traderet devotio. Ego igitur Guil-
l.6-lelmus Dei gratia Cathalanensis episcopus eorum peticioni annuens, per hujus privilegii mei cartulam ad laudem et concessionem archidiaconorum canoni-
l.7-corumque nostrorum firmo eis et ecclesie Molismensi, que superius expecierunt. Scilicet villam Curgenensem, cum appendiciis suis, et in quodam nemore quod
l.8 dicitur Lesnoes tam monachis Peiacensibus quam suis hominibus [...16...] villa habitantibus perpetuum usuarium. Item in villa que Baya
l.9 dicitur ecclesiam ejusdem ville cum tota magna decima, exceptis [tribus modiis] annone, que ad sacerdotem pertinent de Baya, scilicet modio frumenti,
l.10 modio siliginis, et modio avene, et duas partes totius minute decime, et feni, et in Purificatione beate Marie omnes candelas. Siquidem
l.11 prior de Peiaco vel monachus ex parte sua in ecclesia de Baya, in natali apostolorum Petri et Pauli missam debet celebrare. Celebrata vero missa dominus
l.12 Baye eum et ejus ministros honorifice procurabit. Ipse enim pro prefato priore vel monacho suisque ministris illa die procurandis, homines in festis
l.13 Sancti Petri, ceram et nummos pro suis capitibus offerentes, cum cera et nummis quos offerunt perhenniter est possessurus. Item in villa que Fera Campestris
l.14 appellatur ecclesiam unam cum capella Aquatici eidem ecclesie appendicia. Similiter et ecclesiam de Onia cum duabus partibus magne decime et minute,
l.15 et duas partes turtellorum de Natali et de Pascha. Capellam quoque que est ad fontem de Luxineio, quecumque catholica persona in atriis ecclesiarum in quibus
l.16 monachi manent, se sepeliri pecierit non ei prohibeatur, salvo tamen jure sacerdotis et ecclesie parrochialis. Sacerdotes in ecclesiis prelibatis abbas Molismen-
l.17-sis sive priores eligant, et ad suscipiendam curam animarum episcopo presentent. Hec autem omnia prefate Molismensi ecclesie concessa firmamus, salvo
l.18 in omnibus episcopali jure et sacerdotum in eisdem ecclesiis Deo servientium ab antiquitate constituto, ita videlicet ut singulis annis, in Sancta
l.19 Cathalanensi synodo prior ecclesie Beate Marie que est apud ulmos omni remota occasione preter canonicam se presentem exhibeat pro ecclesiis
l.20 de Fera, et Aquatico responsurus. Similiter et prior celle que est apud Peiacum pro ecclesiis de Baya et Onia in eadem synodo quotannis se presen-
l.21-tare curabit. Si quis autem huic privilegio contradicere voluerit, secundo terciove commonitus, nisi satisfactione congrua emendaverit,
l.22 Spiritus Sancti gladio feriatur, et a liminibus sancte ecclesie sequestretur. Actum est hoc Cathalani, et confirmatum in ecclesia Beati Stephani, anno ab incar-
l.23-natione Domini MoCoXIIIIo, indictione VIIa. Ecce persone subscribuntur quarum testimonio carta hec roboratur, scilicet: Herberti archidiaco-
l.24-ni; Odonis, alterius Odonis, tercii Odonis, archidiaconorum; Rogerii thesaurarii; Garnerii cantoris, Petri et Henrici prebiterorum. Regnante in Gal-
l.25-lia venerabili Francorum rege Ludovico, domno Guillelmo Cathalanense episcopo. Rainaldus cancellarius scripsit et subscripsit.
l.26 [sceau].