Guillaume I^er, évêque de Châlons, confirme les possessions de l'église de Molesmes dans son diocèse.

l.1 In nomine Patris et Filii et Spiritus Sancti, amen. Quoniam volubilium temporum mutabilitas rerum mutabilitatem et oblivionem confert et parturit quicquid in memoriam volumus
l.2 permanere, litterarum testimonio debemus perhennare. Sciant igitur moderni cum posteris quod domnus Guido venerabilis ecclesie Molismensis abbas et domnus Robertus prior
l.3 de Peyaco cum pluribus aliis religiosis honestisque personis me Willelmum Cathalaunensis ecclesie immeritum pontificem sub obtentu pietatis adierunt expetentes et de-
l.4-precantes quatinus ecclesias quas in nostro episcopatu de manu laicali per manum nostram acceperant eisdem meo firmarem privilegio, et quicquid ulterius in eisdem ecclesiis cujuslibet
l.5 persone per manum Cathalaunensis episcopi monachis Molismensibus traderet devotio. Ego igitur Willelmus Dei gratia Cathalaunensis episcopus eorum peticioni annuens per hujus
l.6 privilegii mei cartulam ad laudem et concessionem archidiaconorum canonicorumque nostrorum firmo eis et ecclesie Molismensi que superius expecierunt, scilicet ecclesiam de
l.7 Baya cum tota magna decima exceptis tribus modiis annone qui ad sacerdotem pertenent de Baya, scilicet modium frumenti modium siliginis, et modium ave-
l.8-ne, et duas partes tocius minute decime et feni et in Purificatione beate Marie omnes candelas, siquidem prior de Peyaco vel monachus ex parte sua in ecclesia de Baya,
l.9 in festo sancti Petri missam jure celebrare tenetur, et ecclesiam de Onya cum duabus partibus magne decime et minute et duas partes turtellorum de Natali et de Pas-
l.10-cha, capellam quoque que est ad fontem de Lusineio. Item in villa que Fera Campestris appellatur, ecclesiam unam cum capella Aquatici ejusdem prefate ecclesie appendicia. Quecum-
l.11-que siquidem catholica persona in atriis ecclesiarum in quibus monachi manent se sepeliri pecierit, non ei prohibeatur, salvo tamen jure sacerdotis et ecclesie parrochialis.
l.12 Sacerdotes ydoneos in ecclesiis prelibatis abbas Molismensis sive priores eligant, et ad suscipiendam curam animarum episcopo presentent. Hec unquam omnia trado ecclesie
l.13 Molismensi firma et illibata. Si quis autem huic privilegio contradicere voluerit, secundo terciove commonitus, nisi satisfactone congrua emendaverit, Sancti Spiritus gla-
l.14-dio feriatur, et a liminibus sancte ecclesie sequestretur. Actum est hoc Cathalauni et confirmatum in ecclesia Beati Stephani, anno ab Incarnatione Domini MoCo-
l.15-XIIIIo, indicione VIIa. Ecce persone subscripbuntur quarum testimonio carta hec roboratur, scilicet Herberti archidiaconi. Signum Odonis, signum alterius Odonis, signum tercii Odo-
l.16-nis, archidiaconorum; signum Rogerii tesaurarii; signum Garnerii cantoris; signum Petri, signum Henrici, signum Haerici presbiterorum; regnante in Gallia venerabili Francorum rege Ludovi-
l.17-co domino Willelmo Cathalaunense episcopo. Reinaldus cancellarius scripsit et subscripsit.
l.18 [sceau].