Guillaume I^er, évêque de Châlons, confirme les possessions de l'abbaye de Molesmes dans son diocèse.

l.1 IN NOMINE SANCTȩ ET INDIVIDUȩ TRINITATIS GUILLELMUS CATHALAUNENSIS EPISCOPUS.
l.2 In sanctȩ religionis proposito Deo famulantium vota debemus amplecti quȩque sunt eorum usibus attributa, ut libere
l.3 et quiete ab eis possideantur, summo studio providere. Propter quod presentis scripti memoria omnibus sanctȩ matris ȩcclesiȩ
l.4 filiis decrevimus intimandum, qualiter Molismensis ȩcclesiȩ venerabilis abbas Guido nostram adivit presentiam, suppliciter
l.5 expostulans, ut concessas antiquitus eidem ȩcclesiȩ Molismensi decimas et altaria in nostro utique episcopatu existentia prefatȩ
l.6 ȩcclesiȩ nostrȩ concessionis scripto roborata perpetuo possidenda firmaremus. Cujus peticioni consentientes assentiente et
l.7 collaudante Elberto archidiacono quȩ postulaverat Molismensi ȩcclesiȩ perpetuo habenda concessimus: in villa quȩ Fera Campe-
l.8-stris appellatur, ȩcclesiam unam cum capella Aquatici, ejusdem prefatȩ ȩcclesiȩ appendicia; item in villa quȩ Baia vocatur,
l.9 ȩcclesiam unam; capellam quoque quȩ est ad fontem de Lusineio; altare etiam in villa quȩ Onia appellatur.
l.10 Hȩc omnia prefatȩ Molismensi ȩcclesiȩ concessa firmamus, salvo in omnibus episcopali jure, et sacerdotum in eisdem ȩcclesiis Deo servien-
l.11-tium, ab antiquitate constituto: ita videlicet, ut singulis annis in sancta Cathalaunensi synodo prior ȩcclesiȩ Beatȩ Ma-
l.12-riȩ quȩ est apud Ulmos omni remota occasione preter canonicam se presentem exhibeat pro ȩcclesiis de Fera et
l.13 Aquatico responsurus. Similiter et prior cellȩ quȩ est apud Peiacum pro ȩcclesiis de Baia et Onia in eadem synodo quot-
l.14-annis se presentare curabit. Si vero aliquis hȩc vel immutare vel infringere presumpserit, Spiritus Sancti judicio anathematis
l.15 animadversione multetur.
l.16 S. Elberti archidiaconi. S. Odonis. S. alterius Odonis. S. tercii Odonis, archidiaconorum. S. Rogeri thes-
l.17-aurarii. S. Warneri cantoris. S. Petri. S. Hairici. S. Henrici, presbiterorum.
l.18 Actum Cathalaunis anno incarnati Verbi MoCoXIIIIo, indictione VII,
l.19 regnante in Gallia venerabili Francorum rege Hludovico, domino Guillelmo Cathalaunis episcopo.
l.20 Rainaldus cancellarius scripsit et subscripsit.
l.21 [sceau].