Hugues II, duc de Bourgogne, à la demande du chapitre cathédral d'Autun, confirme les droits des chanoines et applique la décision d'Eudes, son père, par laquelle il renonçait à tous les droits qu'il prétendait avoir sur les terres de Chenôves et du Gratoux.

l.1 Quoniam primi parentis culpa exigente vita hominis et memoria in eternum duratura nisi homo peccaret facta mortalis cito
l.2 labitur et evanescit, donationes, concessiones, et conventiones, quas inter se haberent homines ne oblivione deperirent, scriptis
l.3 annotari humana ratio procuravit. Nos hujusmodi salubre consilium priorum patrum approbantes, malarum consuetudinum
l.4 quas Hugo dux Burgundiȩ Odonis ducis filius injuste habere consueverat in villa Canavis, et Gratematio, et earum
l.5 appendiciis liberam dimissionem, et omnimodam libertatem scribere, et tam futuris quam presentibus hujus cartȩ testimonio
l.6 notificare opere precium duximus, ut quod inspirante divina gratia a cultoribus justiciȩ et fidelibus bene agitur, transgredi
l.7 et violare malignantium temeritas et audacia omnino vereatur. Stephanus Dei gratia Eduensis episcopus post elec-
l.8-tionem suam Hugonem ducem, et Wilelmum comitem Nivernensem de constituenda et tenenda pace curiosus convenit,
l.9 et ut pax per totum episcopatum suum statueretur et teneretur cum illis firmandȩ pacis diem constituit. Statuta
l.10 die episcopus, dux, et comes, et alii plurimi amatores justiciȩ, Eduam convenerunt, pacem quam dux monachus antea sta-
l.11-tuerat sacramentis firmaverunt, et si quandoque frangeretur ut in festo sancti Nazarii ad restituendam pacem annis
l.12 singulis Eduam convenirent, statuerunt. Sequenti festo sancti Nazarii episcopus, et conventus clericorum Eduensis ecclesiȩ, de
l.13 malis et injustis consuetudinibus, quas in villa Canavis et Gratematio cum tirannide exercebat, et de
l.14 Tebbaldo Cambosio, et filiis suis, quos ut suos proprios esse dicebat et tenebat graviter conquerendo duci clamorem
l.15 de malis quȩ eis inferebat, fecerunt. Dux igitur de eorum querimoniis ut sicut jus exigeret episcopo et canonicis satisfaceret,
l.16 apud Divionem castrum diem constituit, scilicet diem Revelationis Stephani prothomartiris. Die statuto et loco episcopus et canonici, dux
l.17 et sui pro sedandis supradictis querimoniis in domum Dominici mercatoris convenerunt, ibique in presentia ducis et curiȩ suȩ
l.18 episcopus et canonici de predictis villis querimoniam et clamorem iterum presentaverunt nichilque penitus in eis ducem habere veris
l.19 rationibus et scriptis autenticis approbaverunt; insuper si quid in prefatis villis, et earum appendiciis, et in Tebbaldo, et filiis
l.20 suis, dux Burgundiȩ juste vel injuste habuerat, quod pater suus videlicet Odo dux beato Nazario, et Eduensi
l.21 ecclesiȩ et canonicis ultima die concilii apud Eduam ab Hugone Lugdunense archiepiscopo, et sedis apostolicȩ legato celebrati
l.22 omnino dimiserat, memoriter retulerunt, et cartam de dimissione malarum consuetudinum, et omnimoda libertate Canavis et
l.23 Gratematii, quam super altare sancti Nazarii pater suus posuerat ut firmius teneretur ostenderunt, unumque ex filiis ecclesiȩ ibidem
l.24 in habenda memoria a duce osculatum fuisse retulerunt testante carta. Verumtamen nondum veridicis rationibus et scriptis
l.25 adquiescens, immo diutinam possessionem suam dux pretendens, ut de suis et canonicorum verbis curia sua ad faciendum judicium
l.26 in partem iret tandem concessit. Ad faciendum igitur judicium in partem secesserunt, Ansericus canonicus et prepositus sancti Nazarii,
l.27 Walo abbas, et frater ejus Werricus, Adimarus de Maso, Wilelmus de Fulventio, Hugo dapifer ducis, Teccelinus Sorus, Tebbodus Dainac.
l.28 Factum est judicium. Tebbodus Dainac illud retulit in his verbis: ecclesiam Eduensem debere possidere jure et dimissione Odonis
l.29 ducis predictas villas cum suis appendiciis, et eas inhabitantes et inhabitaturos, cum omni libertate et tranquilla pace judicamus.
l.30 Relato igitur judicio, Hugo dux qui ibi presens aderat cartam per quam nominatas villas ab omni mala consuetudine et
l.31 captione liberas et absolutas pater suus reddiderat accepit, et quicquid juste vel injuste in Gratemacio et Canavis, et
l.32 appendicis ceperat et habuerat, totum Deo et beato Nazario, et canonicis deseruit et reliquit, ponensque cartam in
l.33 manu episcopi in hec verba prorupit: ego dux Burgundiȩ Hugo omnes malas consuetudines et captiones, et quicquid juste
l.34 vel injuste in Gratematio et in Canavis et earum appendiciis, et inibi habitantibus et inhabitaturis, hactenus habui
l.35 et habere consuevi, Deo et beato Nazario, et tibi Stephano episcopo, et Eduensi ecclesiȩ, totum dono, trado, concedo, et omnino dimitto.
l.36 Si quis hoc violare presumpserit, feriatur anathemate sancti Leodegarii episcopi et martiris.
l.37 Huic donationi et libertati testes interfuerunt isti; ex parte ducis: Wilelmus de Fulventio; Hugo dapifer; Hugo de Besara
l.38 Divionis prepositus; Teccelinus Sorus; Adimarus de Maso; Walo abbas, Werricus frater ejus; Tebbodus Dainac; Odo Martinus.
l.39 Ex parte episcopi: Sevuinus decanus; Ansericus prepositus; Sevuinus archidiaconus; Raginaldus; Engelbertus; Andreas; Petrus Adjutus; Warnerius
l.40 presbyter; laici: Mainus major; Umbertus cellerarius; Petrus de Ulgiis; Tebbaldus Cambusius et filii ejus Paganus, et Dominicus, et Mainus Palmarius.
l.41 Acta est indictione VIta, epacta I, Ludovico rege Francorum regnante, Stephano Heduorum episcopo pontificante.