Philippe, évêque de Troyes, confirme les aumônes faites à l'église Saint-Quentin de Troyes, et principalement du comte Hugues.

l.1 IN NOMINE PATRIS ET FILII ET SPIRITUS SANCTI, AMEN.
l.2 Quoniam sepefacta priorum vetustate solent aboleri nisi scripto firmentur, majorum id auctoritas assuevit ut largitiones
l.3 que ecclesiis conferuntur, litterarum corroborentur apicibus, et tam presentium quam posterorum memorie scriptis impri-
l.4-mantur. Quapropter ego Philippus Dei gratia Trecensis ecclesie episcopus, reverendi confratris nostri Roberti, primi Molismen-
l.5-sis cenobii abbatis ceterorumque fratrum supplicationibus imploratus, impulsus etiam prece comitis Hugonis qui Molismense
l.6 cenobium precipuo diligebat amore, dona et beneficia que vel idem comes vel quilibet alii amore Dei et anime salute eccle-
l.7-sie Sancti Quintini contulerant, assensu et voluntate capituli nostri scriptis firmare et sigilli nostri auctoritate munire decre-
l.8-vi. Presenti igitur scripto firmamus et corroboramus quecunque predicta Sancti Quintini ecclesia Trecis hactenus adquisivit
l.9 vel deinceps adquisierit, in pratis, in vineis, in ortis et possessionibus aliis, dona etiam comitis Hugonis vel aliorum, ut eidem
l.10 ecclesie firma et illibata permaneant, et Deo ibidem servientes quiete et absque inquietatione contradictionis ea possideant.
l.11 Adicimus autem eis ex assensu capituli nostri et predicti comitis instancia, ut si in his que adquisierint aliquid fuerit
l.12 unde decima debeatur, cum in manus et possessionem eorum devenerit, ab omni decima liberi sint et absoluti. Si quis
l.13 vero amore religionis et salutis sue desiderio infra cimiterium predicti loci se sepeliri expetierit, a nullo prohibeatur, sal-
l.14-vo tamen jure sacerdotali. Hec nos eis concedimus, et ut rata et inconvulsa permaneant sigillo nostro munimus ea tamen
l.15 conditione ut memores nostri sint in orationibus suis, et cum aliquis canonicorum nostrorum obierit, pro eo ab eis servicium
l.16 fiat et missa celebretur. Actum est hoc Trecis publice in capitulo Sancti Petri, IIIo kl. julii, anno ab incarnatione Domini millesimo
l.17 centesimo decimo, indictione tercia, epacta XXXXaVIIIa, concurrente quinto. Ad hoc confirmandum testes subscripti adnotantur:
l.18 Raynaudus prepositus, Girardus archidiaconus, Drogo archidiaconus, Petrus archidiaconus, Goscelmus archidiaconus, Anselmus archidiaconus, Odo precentor, Jo-
l.19-hannes decanus, Hugo decanus, Johannes capellanus. Si qua vero ecclesiastica secularisve persona huic dispositioni nostre contrai-
l.20-re voluerit, correptus si non resipuerit, anathematis eum gladio subicimus, et ab ecclesie limine sequestramus, donec resipiscat.
l.21 [sceau].

Sans doute copie de Artem 872.