Grégoire VII, pape, prend Saint-Bénigne de Dijon sous sa protection, règle le mode d'élection de l'abbé et confirme les possessions de l'abbaye ainsi que la liberté et l'immunité du cloître.

l.1 GREGORIUS, EPISCOPUS, SERVUS SERVORUM DEI, VENERABILI FILIO GERENTONI, ABBATI DIVIONENSIS MONASTERII, EJUSQUE SUCCESSORIBUS REGULARITER PROMOVENDIS, IN PERPETUUM.
l.2 Superne miserationis respectu ad hoc universalis ecclesie curam suscepimus, et apostolici moderaminis sollicitudinem gerimus, ut justis precantium votis attenta benignitate faveamus. Proinde dilecte
l.3 in Domino fili JARENTO, abbas, petitionibus tuis grato occurentes assensu, libertati ac quieti monasterii vestri auctore Domino duximus providendum. Siquidem ipsum cenobium sub sedis
l.4 apostolice protectione suscipimus, et obeunte te nunc ejusdem loci abbate, vel tuorum quolibet successorum, nullus ibi qualibet subreptionis astutia seu violentia preponatur, nisi quem fratres
l.5 communi consensu, secundum timorem Dei et regulam sancti Benedicti elegerint, maxime de eadem congregatione, si idoneus inventus fuerit. Quod si talis, qui huic regimini congruat,
l.6 inter eos inveniri non possit, aliunde sibi patrem et magistrum expetant, ac a Lingonensi episcopo consecrandum ordinandumque provideant, si tamen ipse episcopus gratiam apostolice sedis
l.7 habuerit, et canonice facere ipsam ordinationem voluerit. Quod si aliquid horum obstiterit, liceat electo ejusdem monasterii aut ad apostolicam sedem recurrere, aut a quocumque
l.8 voluerit religioso episcopo consecrationem, et clericorum ordinationes, atque cetera que ad episcopum pertinent suscipere. Statuimus etiam ne ab episcopo vel ministris Lingonensis ecclesie divina vestro
l.9 monasterio interdicantur officia sed continue celebrentur, nisi eisdem causis fratres cessare oporteat, que sedis apostolice presulis Benedicti determinatione distincte sunt.
l.10 Illam quoque in monachis tuis quietem ac libertatem, quam idem presul decreto suo firmavit, nos beati Petri et nostra auctoritate intemeratam perpertuo manere sancimus.
l.11 Quicumque vero clericorum vel laicorum sese in monasterio vestro voluerit conferre, vobis liceat eos sine aliqua contradictione recipere, dummodo propria culpa
l.12 excommunicati non fuerint, vel nominatim interdicti. Confirmamus etiam vobis ecclesias vestras quascumque nunc possidetis, seu quas largiente Deo in posterum canonice posside-
l.13-bitis, statuentes ut nullus clericorum, sine assensu vestro in eis audeat ministrare; sed quocienscumque in aliqua earum minister fuerit subrogandus, vos idoneum ad hoc eligentes
l.14 episcopo presentate, qui episcopus curam ei animarum injungat, et sic vobis de temporalibus, episcopo vero de spiritalibus debeat respondere. Si quis autem contra hanc formam in eisdem
l.15 ecclesiis ministrare presumpserit, nos eum ab officii sui exequutione suspendimus. Claustro etiam in quo monasterium vestrum situm est, eam libertatem et immunitatem concedimus,
l.16 quam illustris rex Robertus noscitur contulisse, ut ab omni invasione et violentia ducis et hominum suorum sit in perpetuum liberum ac securum, ita ut nichil prorsus a torren-
l.17-te, qui Castri Sanctique causam dividit, aliquis vel auferre presumat vel accipere. Ecclesiam quoque beati Germani de Lare ubi sanctimoniales consistunt, vobis perpetuo confirmamus possi-
l.18-dendam, et ut ipse sanctimoniales nunquam a subjectione ecclesie Divionensis se removeant, sub anathemate prohibemus, sed semper per vestram providentiam gubernentur. Decernimus itaque ut nulli omnino ho-
l.19-minum liceat idem monasterium temere perturbare, aut ejus possessiones auferre, vel ablatas retinere, minuere, vel temerariis vexationibus fatigare, sed omino integra conserventur, eorum pro quorum
l.20 sustentatione ac gubernatione concessa sunt, usibus omnimodis profutura. Si qua sane ecclesiastica secularisve persona hanc nostre constitutionis paginam agnoscens, contra eam temere
l.21 venire temptaverit, et ammonita semel et secundo, si non congrua satisfactione emendaverit, potestatis honorisque sui dignitate careat, reamque se divino judicio existere,
l.22 de perpetrata iniquitate cognoscat, et a sacratissimo corpore et sanguine Dei et Domini redemptoris nostri Jhesu Christi aliena fiat, atque in extremo examine districte ultioni subjaceat.
l.23 Cunctis autem eidem loco justa servantibus, sit pax Domini nostri Jhesu Christi, quatinus et hic fructum bone actionis percipiant, et apud districtum judicem premia eterne pacis inveniant. Amen. Amen. Amen.
l.24 EGO GREGORIUS SANCTE CATHOLICE ECCLESIE EPISCOPUS.
l.25 Data Laterani, per manum Johannis [sancte] Romane ecclesie diaconi cardinalis, XIIIo kl. julii, anno ab incarnatione Domini MoLXXVIIIo, indictione I, pontificatus autem domni Gregorii pape VII Vo.
l.26 [sceau].

JAFFE-LOEWENFELD, n° 5079.

CHEVRIER (Georges), CHAUME (Maurice), Chartes et documents de Saint-Bénigne de Dijon, prieurés et dépendances des origines à 1300, t. 1 : VIe-Xe siècle, Dijon, 1986, p.130-134, n° 354. (acte faux).