Dijon, AD Côte-d'Or, 1 H 440

<< < / > >>

Numéro821

Fiabilité de l'actedouteux

Genrecharte

Date1057(fiabilité :texte)

LieuLangres(lat :Lingonis publice)

DiocèseLangres

RégionBourgogne

Supportparchemin

Chirographienon

Sceau sceau pendant perdu

Etat de la traditionpseudo-original

Hauteur à gauche355   mm

Hauteur à droite356   mm

Largeur en haut294   mm

Largeur en bas297   mm

AuteurHardouin, évêque  de  LANGRES

BénéficiaireAbbaye  de  SAINT-BENIGNE  de  DIJON

Regeste

Hardouin, évêque de Langres, oblige Gui, comte de Saulx, à réparer les torts faits à Saint-Bénigne.

Fac-similé

Texte

l.1 IN NOMINE SANCTȨ ET INDIVIDUȨ TRINITATIS. Pastorale officium idcirco nobis a Domino credimus et confitemur
l.2 collatum, ut ȩcclesiȩ suȩ utilitatibus, proposse studeamus insistere, et luporum rapacitatem ab ea longius removere. Qua-
l.3-propter ego ARDUINUS per Dei misericordiam Lingonensis ȩcclesiȩ minister licet indignus, presentibus et futuris notum facio, quod
l.4 karissimus et venerabilis frater noster Adalbero abbas monasterii sancti Benigni Divionensis, querelam super domino Guidone comite
l.5 de castro Salicum, ad nos deposuit videlicet quod quamdam villam monasterii sui Dinetum nomine, exactionibus plurimis
l.6 et injustis consuetudinibus violentissime vexaret, eamque sibi tanquam hereditario jure eriperet. Igitur cum jamdictus comes
l.7 ante nostram presentiam vocatus adstaret, nec in ipsa villa et ejus pertinentiis quicquam consuetudinis vel juris, preter sex so-
l.8-lidos ob firmationem et custodiam castelli sui, domni et reverendi Brunonis episcopi predecessoris nostri, permissione sibi
l.9 concessos, legitime potuisset ostendere, statim abbati de illatis injuriis satisfecit et emendavit, quodque deinceps in
l.10 eadem villa suisque pertinentiis preter ipsos sex solidos, tres in Resurrectione Domini, et tres in festivitate beati Benigni
l.11 exigeret, aut reclamaret, sacramento fidelitatis firmavit. Abbas vero ei ex beneficio XV libras dedit, eo videli-
l.12-cet pacto et tenore, ut si ipse comes aut aliquis successorum ejus, quod absit, ulterius quocumque modo villam memoratam per se
l.13 vel per ministros suos fatigaret, abbas habeat suas XV libras repetere, et comes ei, excepto capitali, XL librarum,
l.14 emendationem, per districtum Lingonensis sedis teneatur exhibere, datis nichilominus istis obsidibus Girardo scilicet de Wan-
l.15-gionum Rivo, et Guidone nepote ejus, necnon Lebaldo de Coblensi castro. Ut autem istud decretum ex omni parte
l.16 maneat roboratum, sigillum nostrum huic carte apposuimus. Confirmantes, et sub percussione anathematis distric-
l.17-tius inhibentes, ne jamdictus comes, aut quilibet successorum ejus, preter nominatos sex solidos, in prelibata villa et ejus
l.18 pertinentiis tam nemoribus quam terris cultis et incultis, aquis quoque et pascuis, per succedentia tempora quicquam presumat exi-
l.19-gere; quod si transgressus fuerit, et semel et bis commonitus, si satisfacere et cessare contempserit, excommunicationi
l.20 et ȩternȩ dampnationi subjaceat, et a sacratissimo corpore et sanguine Domini, et consortio Sanctorum alienus fiat.
l.21 Interfuerunt huic rei et testes sunt: predictus Girardus, Guido et Lebaldus fidejussores; item Girardus archi-
l.22-diaconus, Warnerius archidiaconus, Herlegius archidiaconus, Gibuinus, Amarricus, Galterius decanus, Garinus, Notcherus,
l.23 Hugo de Ravenello, Theodericus filius Gisleberti, Arlebaudus Ischiriacensis, item Arlebaudus de Gurzi-
l.24-aco, Mainfredus prepositus. Actum Lingonis publice anno Incarnationis dominicȩ, millesimo
l.25 LVIIo, indictione X, epacta XII, regnante Henrico Francorum rege.
l.26 [sceau].

Bibliographie

CHEVRIER (Georges), CHAUME (Maurice), Chartes et documents de Saint-Bénigne de Dijon, prieurés et dépendances des origines à 1300, t. 1 : VIe-Xe siècle, Dijon, 1986, p. 119-120, n° 340.

Responsable

Renault

Comment citer cette notice

Acte n°821 dans Chartes originales antérieures à 1121 conservées en France , Cédric GIRAUD, Jean-Baptiste RENAULT et Benoît-Michel TOCK, éds., Nancy : Centre de Médiévistique Jean Schneider; éds électronique : Orléans : Institut de Recherche et d'Histoire des Textes, 2010. (Telma). En abrégé, citer : « Charte Artem/CMJS n°821»[En ligne] http://www.cn-telma.fr/originaux/charte821/. Date de mise à jour : 25/11/14.