Dijon, AD Côte-d'Or, 1 H 991

<< < / > >>

Numéro818

Fiabilité de l'actedouteux

Genrecharte

Date01/03/1043(fiabilité :texte)

LieuDijon(lat :apud castrum Divionense monasterio Sancti Benigni)

DiocèseLangres

RégionBourgogne

Supportparchemin

Chirographienon

Sceau sceau pendant perdu

Etat de la traditionoriginal

Hauteur à gauche583   mm

Hauteur à droite569   mm

Largeur en haut470   mm

Largeur en bas468   mm

AuteurRobert Ier, duc  de  BOURGOGNE

BénéficiaireAbbaye  de  SAINT-BENIGNE  de  DIJON

Regeste

Robert, duc de Bourgogne, en faveur de Saint-Bénigne, renonce à ses salvamenta sur les villae d'Eguilly, Cromois et Sully, dans la paroisse de Saint-Apollinaire. Gui, chevalier, et son fils Gautier, vicomte de Dijon, renoncent pareillement à leur droits dans les salvamenta susdits.

Fac-similé

Texte

l.1 [chrisme] IN NOMINE DEI AETERNI AC SALVATORIS NOSTRI JHESU CHRISTI. ROTBERTUS GRATIA EJUSDEM OMNIPOTENTIS REGIS DUX ET RECTOR INFERIORIS [BURGUNDIAE].
l.2 Cum divina vox pie consulendo precipiat hujus sȩculi divitibus, dicendo: Facite vobis amicos de mamona iniquitatis, ut cum defeceritis recipiant vos in ȩterna tabernacula
l.3 et Mariȩ bonum opus in Christo factum terna memoria predicandum asseratur, necnon pro aquȩ calicȩ frigidȩ largienti perhenne commertium mercedis restituendȩ promittatur,
l.4 precipue quoque largitas helemosinȩ causa solius Dei datȩ, factorem suum in die judicii a morte et penis inferni liberari asseratur, excitanda sunt omnium corda fidelium
l.5 compassibili pietate, quatinus quam possunt facere ex modo fortunȩ semper sui pro commodo insistant operi ipsius helemosinȩ. Potissimum vero principalis est jus dignitatis
l.6 ut quanto sublimi dominatione preest rei publicȩ, tanto promptius honestiusve Christi redemptoris nostri ministrando honori devote titulos sanctȩ sublimet aecclesiae,
l.7 tum etenim unusquisque principum nobili nobiliter instat regimini dum sub dispositione stabilis et justi edicti, ȩcclesiarum consulit utilitati, muniens arcem suȩ dominatio-
l.8-nis firmis et legalibus privilegiis. Hoc igitur considerans justum esse et salubre mundana detentos sollicitudine, notum volo fieri cunctis dominationi nostrȩ subjec-
l.9-tis potentibus et jussioni militantibus, tam presentis quam futuri temporis hominibus, omnibus etiam ȩcclesiasticȩ religionis ordinibus quod ego predictus Rotbertus ȩquivoci Rotberti
l.10 regis Francorum filius, Dei inspiratione tactus consilio quoque conjugis propriȩ atque optimatum meorum animatus, salvamenta trium villarum scilicet Auguliaci, Cromai, atque Sullei,
l.11 quȩ pertinent ad paroechiam sancti Apollinaris, beato Benigno Divionensis monasterii patrono in integrum offero, dono, trado, ac de meo jure prefati sancti loci rectoribus
l.12 fratribusque inibi Deo servientibus, proprietaria lege transfundo perpetuo, cum laudatione et voto Heliȩ uxoris meȩ hujus facti consiliatricis et auctricis, seu filiorum nostrorum
l.13 Hugonis videlicet atque Heinrici una nobiscum laudatorum et per seipsos datorum. Illustris quoque miles nomine Vuido cum filio suo vicecomite Vualterio et compare
l.14 sua ceteraque prole, licet non parva illectus immo compulsus pecuni quantitate, quantum in se erat huic laudationi consensit, et dominationem quam eatenus in his
l.15 tribus salvamentis exercuerat, perpetualiter vuirpivit, heredesque suos alienavit. Ego autem hoc donum gloriosis Jhesu Christi martyribus Benigno et Apollinari,
l.16 eisque servientibus eo tenore concessi quatinus Deo famulantibus accrescat temporale presidium, et animabus videlicet parentum meorum jam defunctorum, me quoque
l.17 ac prenominatȩ jugalis Helie, filiorumve nostrorum inde ȩternȩ salutis procedat remedium. Quapropter etiam statuo, ut pro istius helemosinȩ nostrȩ largitate, benigna
l.18 recompensatione duo fratres supra solit quantitatis numerum, pro nostra atque prolis nostrȩ salute, in Divionensi congregatione semper deinceps pascantur prebenda alimoniȩ.
l.19 Si qua vero potens persona heredum proheredumve meorum id infringere nisus fuerit, pro nefario ausu irȩ Dei pondere pressus, camerȩ regis centum, et monasterio
l.20 cui molestiam intulerit auri optimi libras cogatur componere centum. Ne autem in animarum fiat condempnationem quod Deo pro [illarum] optuli quiete, non solum contra-
l.21-dico, sed etiam per tremendum Christi Dei contestor judicium, ut nullus rex, dux, episcopus, comes, vel etiam sancti Benigni jamdicti coenobii abbas, vel in proprios presumendo usus ullo modo,
l.22 vel militaribus beneficii gratia tradendo manibus, seu qualicumque impia pervasione, quod divina inspiratione largitus sum, moliatur auferre. Et ut nostrȩ traditio-
l.23-nis donatio stabilis et inconvulsa perduret, hanc oblationis cartam quam ego ipse legali concessione per festucam per cultellum, per vuantonem, per vuasonem super
l.24 sanctum altare posui, manu propria subter firmavi, sicque compluribus tradidi roborandam testibus.
l.25 Signum ipsius domni Rotberti ducis qui hanc donationem fecit. Signum Heliȩ conjugis ejus. Signum duorum filiorum eorum Hugonis et Heinrici. [croix] Signum Fulconis comitis. S. Milonis comitis.
l.26 S. Vuidonis militis Divionensis. S. Vualterii vicecomitis filii predicti Vuidonis. S. Vuilenci, fratris Vualterii. S. Hugonis Lingonici presulis.
l.27 S. Teoderici. S. Humberti, fratris ejus. S. Vuarnerii clerici. S. Lamberti clerici. S. Balduini. S. Johannis.
l.28 Actum publice apud castrum Divionense monasterio sancti Benigni ante cornu altaris ipsius coram multis testibus anno ab incarnatione Domini millesimo XLIII,
l.29 indictione XI, epacta VII, secunda ebdomada XLmȩ, feria tertia, prima die mensis martii, regnante Heinrico Francorum rege, predicti ducis fratre, anno tertio
l.30 decimo ipsius regis monarchiaȩ. EGO FRATER SIGUINUS INDIGNUS SACERDOS ET MONACHUS ROGATUS SCRIPSI ET SUBSCRIPSI.
l.31 [sceau].

Bibliographie

CHEVRIER (Georges), CHAUME (Maurice), Chartes et documents de Saint-Bénigne de Dijon, prieurés et dépendances des origines à 1300, t. 1 : VIe-Xe siècle, Dijon, 1986, p.104-106, n° 324.

CHASSEL (J.-L.), L'essor du sceau, in Bibliothèque de l’Ecole des Chartes, 155 (1997), p. 221-234. , p. 224.

Responsable

Renault

Comment citer cette notice

Acte n°818 dans Chartes originales antérieures à 1121 conservées en France , Cédric GIRAUD, Jean-Baptiste RENAULT et Benoît-Michel TOCK, éds., Nancy : Centre de Médiévistique Jean Schneider; éds électronique : Orléans : Institut de Recherche et d'Histoire des Textes, 2010. (Telma). En abrégé, citer : « Charte Artem/CMJS n°818»[En ligne] http://www.cn-telma.fr/originaux/charte818/. Date de mise à jour : 24/11/14.