Robert, duc de Bourgogne, en faveur de l'abbaye Saint-Bénigne de Dijon, renonce à la pôté de Veuvey-sur-Ouche dont il s'était emparé.

l.1 IN NOMINE SANCTE ET INDIVIDUE [TRINITATIS, PATRIS VIDELICET, ET FILII, ET SPIRITUS SANCTI. NOTUM] ESSE VOLO SANCTAE DEI [ECCLESIE FIDELIBUS, TAM] PRESENTIBUS QUAM
l.2 futuris ego ROTBERTUS Burgundionum dux, ROTBERTI Francorum [regis] filius, quod in ipsius mei initio gubernandi ducaminis, dum more solito avide investigare coepissem
l.3 quȩ meis lege hereditaria habenda forent et retinenda usibus, quorundam pravo suasu vindicavi mihi quandam potestatem Vivarium nomine super Oscharam fluvium sitam,
l.4 quam jam Divionense coenobium dono OTTONIS comitis qui cognominabatur Wilelmus, cum aecclȩsiis, villis, terris, consuetudinibus, mancipiis utriusque sexus, quin etiam rebus omnibus
l.5 ad eam pertinentibus jam triginta annis possederat: de qua idcirco predicto monasterio intuli prejudicium, quia hanc HEINRICUM ducem patris mei avunculum olim possedisse
l.6 a quibusdam mihi fuit relatum. Verum ubi ab abbate HALINARDO et monachis prȩdicti loci lacrimabili relatione didici, qualiter idem Wilelmus comes eandem possessionem
l.7 Deo sanctoque martyri BENIGNO pro prȩfati HEINRICI ducis animȩ salute, et suȩ contulerit, qualiterque piȩ memoriȩ ROTBERTUS rex pater meus, materque mea, omnesque fratres mei,
l.8 pari consensu, communique voto, sepedictam donationem laudaverint atque firmaverint, incongruum immo periculosum arbitrans ab eorum me alienum fore
l.9 devotione, divini timoris respectu tactus, simulque Dei servorum sub predicti martyris BENIGNI patrocinio Deo regulariter servientium precibus motus, ea quȩ
l.10 injuste abstuleram juste pȩnitens reddidi, et sicut eis pridem donatum fuerat, perpetualiter habenda ex integro restitui. Cujus redditionis ac restituti-
l.11-onis notitiam, presentem volui existere cartam, quam manus nostrȩ firmitate subnixam, nobilium virorum fideliumque nostrorum manibus tradidi confirmandam.
l.12 [Ego] Rotbertus Burgundionum dux hanc nostrȩ firmitatis cartam coram me recensitam firmavi et subscribere jussi.
l.13 Ego Hugo [Lingonensis ecclesie episcopus, huic carte subscripsi, subjectamque] excommunicationis sententiam adnexui, per [quam auctoritate Dei omnipotentis omniumque Sanctorum ejus] precipueque beatorum
l.14 martyrum [Benigni atque Mauricii, quorum juri que sunt suprascripta videntur] attributa, [excommunicans] anathematizo, [anathematizansque excommunico, ut nullius presentium futurorumque] persona,
l.15 [regis, ducis, presulis, abbatis, comitis aut utriusque sexus alicujus etatis ulla occasione alicujus cause in supranominata potestate, nomine Vivarium, quicquam possessionis aut consuetudinis]
l.16 audeat [accipere; quod qui presumpserit, eterne excommunicationis et flammis gehenne subjaceat, nisi resipuerit et ad satisfactionis et emendationis remedium confugerit].
l.17 S. Rotberti ducis. [S.] Hugonis Lingonensis episcopi. S. Hugonis Autisiodorensis episcopi. S. [Beroldi Sues]sionensis episcopi. [S. R]ai[naldi Autisiodorensis comitis et fratris ejus...9...]. S. Azelini abbatis.
l.18 S. Johannis fratris ejus. S. Sigisfredi. S. Ademari. Divionensium : S. Vuarnerii. S. T[eo]d[e]rici et Humberti fratris ejus. S. Airardi vicecomitis. S. Vuidonis.
l.19 S. Lamberti clerici. S. Tezelini prepositi. Lingonensium : S. Odolrici archidiaconi et decani. S. Vuidonis archidiaconi. S. Vuidrici precentoris. S. Ansculfi. S. Hugonis de Belmonte.
l.20 S. Hugonis de Monte Salvionis. S. Aymonis de Tile Castro. S. Teoderici militis. S. Willerii. S. Aim[onis].
l.21 [sceau].

CHEVRIER (Georges), CHAUME (Maurice), Chartes et documents de Saint-Bénigne de Dijon, prieurés et dépendances des origines à 1300, t. 1 : VIe-Xe siècle, Dijon, 1986, p. 95-97, n° 315.

CHASSEL (Jean-Luc), À propos de quelques documents de Saint-Bénigne de Dijon au XIe siècle: Robert le Pieux, [?]-Guillaume et le comté de Beaune; la liste des vicomtes et des prévôts de Dijon in Annales de Bourgogne, 65 (1993), p. 155-156.

CHASSEL (J.-L.), L'essor du sceau, in Bibliothèque de l’Ecole des Chartes, 155 (1997), p. 221-234. , p. 224.