Widric, évêque de Langres, cède au chapitre cathédral l'église et les dîmes de Saint-Aignan de Gevrey , l'abbaye de Saint-Amâtre de Langres, et la chapelle de Saint-Germain d'Orbigny.

l.1 [chrisme] In nomine summi rectoris, ego Widricus, numine divino suffragante sede Lingonensium
l.2 exilis praesul. Gestio universis notum fore ȩcclesiȩ praecipue nostrȩ filiis et fidelibus quia, dum in matris
l.3 ȩcclesiȩ nobis a Christo conlatȩ gremio degeremus, secundum quoque possibilitatem pariter et scientiam nostram,
l.4 unacum pretaxate ȩcclesiȩ fidelibus, de statu et profectu ipsius sponte ac diligenter moliremur, uti Deo
l.5 opitulante sublimando proficeretur, et filii jam prefatȩ ȩcclesiȩ permanere inibi devotaque mente
l.6 omnipotentis Deo seu sancti Mammeti possint finetenus deservire, optulerunt se ante nostros optutus quidam nostri
l.7 fideles Teudo archidiaconus videlicet et Ugo miles ostendentes nostre celsitudini penuriam et neces-
l.8-sitatem nostrȩ contionis, supliciter nostrȩ pietatis sublimitatem deprecatis uti aliquid eis suplementum, videlicet
l.9 ecclesiam que est in Gibriaco villa sita, et in sancti Aniani Christi confessoris honore dicata que etiam
l.10 ex eorum beneficio esse videtur, usibus victuique communo cum omnibus decimis ad eam pertinentibus conferre dig-
l.11-naremur. Quorum nos justam et rationabilem postulationem clementer suscipientes, hoc quod pie et rationa-
l.12-biliter rogaverunt totius consilii fidelium nostrorum ad effectum perducere recto ordine curavimus, dantes et
l.13 concedentes jamdictis fratribus ad mensam illorum per hanc auctoritatem apicum nostrorum ecclesiam superius predictam
l.14 cum omnibus decimis, ea dumtaxat ratione, quo pro statu totius ecclesiȩ Sancti Mammetis et pro conservatione atque
l.15 defensione, necnon et exaltatione ejus pro nostra etiam salute, omnipotentem Deum exorent enixius. Postea quoque
l.16 moniti divine pietatis juvamine, addidimus ad stipendiam eorum causa memoriȩ nostrȩ et ex terra
l.17 sancti Mammetis et nostram putantes retributionem optinere in futuro, videlicet abbatiam Sancti Amatoris cum
l.18 terra que in circuitu muri civitatis videtur esse, seu et capellam in Orbaniaco villa posita et constructa
l.19 in honore sancti Germani cum decimis omnibus et terris, quȩ etiam ad eundem locum videtur aspicere. Insuper etiam
l.20 in Cadiniaco villa, vineas vel quicquid in eadem seu in villis que circa sunt terris cultis et incultis, pratis, aquis
l.21 aquarumque decursibus ad prefatam abbatiam aspicientibus post dicessum Aymonis et Folculfi ob remissionem
l.22 delictorum nostrorum seu precessorum episcoporum illis concessimus, quatinus ipsi omni tempore memoriam nostram tam in vigi-
l.23-liis quam in ceteris divinis cultibus habentes. Intuitu quoque vere et pure caritatis nostrȩ mediocritatis quod hu-
l.24-militer obsecramus, recordari non obmittant. Rogamus et obsecramus in Deo et per Deum omnes nostros tempo-
l.25-ribus futuris successores ut quod pro amore divino concedimus atque confirmamus, ipsi inviolabiliter intemerateque
l.26 conservent, certi procul dubio ac securi de divine reconpensationis mercede, quam et nos pro talibus tam et si
l.27 indigni indubitanter expectamus. Ceterum ex auctoritate Patris et Filii et Spiritus Sancti excommunicamus
l.28 et interdicimus ut nullus ecclesiam superius nominatam et abbatiam cum omnibus supra insertis post dicessum supradictorum
l.29 audeat invadere, nec hanc scripturam presumat calumpniare, sed omnia ad mensam fratrum quemadmodum prefatum
l.30 est, cum omni integritate absque ullo respectu perveniant. Quod si fecerit, iram Dei omnipotentis incurrat, ita ut
l.31 alienus a regno Dei efficiatur, et sicut Datam et Abironem deglutivit terra ita deglutiat eum flamivoma
l.32 infernalis abissus, et ultrices poenas semper cum divite misero et cum Cain fratricida sine fine inperpetuo sustineat.
l.33 Ut autem hujus nostrȩ concessionis testamentum futuribus temporibus insolubile conservetur, suaque integritas absque
l.34 diminutione aut inmutatione aliqua custodiatur, manus nostrȩ subscriptione eam subter firmavimus, fideliumque
l.35 nostrorum manibus roborandam obtulimus.
l.36 Vuidricus episcopus firmavit. Beraldus prepositus [subscripsit]. Arnulfus subdiaconus [subscripsit]. Stephanus presbiter [subscripsit].
l.37 Arnaldus decanus [subscripsit]. Vualmunnus levita [subscripsit]. Arnaldus presbiter [subscripsit]. Arnaldus subdiaconus [subscripsit]. AREMBERTUS [subscripsit]. Suniaros [subscripsit]. Signum Umberti. Signum Milonis. Signum Teudbaldi. Signum Ricardi.
l.38 Arnoldus presbiter [subscripsit]. Fulptulfus presbiter [subscripsi]t. Vuinusus [subscripsit].
l.39 Ego Harmannus levita indignus hanc scripturam ad vicem Ayrardi cancellarii datavi, [scripsi et subscripsi] [ruche_notes_tironiennes],
l.40 kalendas augustas, anno XXI regnante Lothario rege. Feliciter.

1