Osirie, veuve de Geoffroy de Saint-Maixent, et ses deux fils Cadelo et Ebles, en reconnaissance des obsèques faites audit Geoffroy par les moines de Saint-Maixent, leur font abandon des droits qu'ils prétendaient avoir sur une portion du cimetière de l'abbaye, là où ils avaient eu autrefois une chambre et un verger.

l.1 Temporibus Phylippi Francorum regis cum Gofredus comes Pictavis esset dux in Aquitania, et
l.2 Isembertus supradictȩ civitatis episcopus, contigit ut Gofredus de Sancto Maxentio moreretur apud
l.3 castrum Rocafort, quem conjux Osiria nomine et filii ejus Cathalo et Ebulo deferre fecerunt ad sanctum
l.4 Maxentium. Monachi vero revestiti occurrentes ei, exequias ejus in monasterio celebraverunt, et deinde hono-
l.5-rifice juxta parentes suos in cymitterio sepelierunt. Osiria autem et duo filii sui viso obsequio quod mo-
l.6-nachi exibuerunt domino suo, spontanea voluntate calumpniam quam habuerant in quadam parte supra-
l.7-scripti cymitterii in perpetuum finierunt. Habuerant enim aliquandiu intra muros cameram et viridiarium.
l.8 Quȩ omnia concesserunt sancto Maxentio perpetualiter sicut infra muros continetur.
l.9 Hanc cartam affirmaverunt Osiria et duo filii sui Catalo videlicet et Ebulo, et eam posuerunt super altare
l.10 sancti Maxentii, presentibus his qui subscribuntur.
l.11 S. Aimerici Mantrolia. S. Aimerici Rufi. S. Giraldi de Gordun. S. Petri Dauge. S. Cathalonis. S. Ebulonis. S. Gofredi pueri, fratris sui.
l.12 S. Stephani monachi. S. Warini monachi. S. Radulfi monachi.