Philippe, évêque de Troyes, exempte de sa juridiction et de celle de l'archidiacre quatre églises appartenant au chapitre cathédral.

l.1 Notum sit omnibus tan presentibus quam futuris quod Philippus ,Trecensis episcopus,
l.2 ecclesiam Sancti Remigii et ecclesiam Sancti Nicecii et ecclesiam Sancti Dionisii et ecclesiam Sancti
l.3 Martini de Molceio Deo inspirante ab omni exactione sive consuetudine canonicis
l.4 beati Petri Trecorum in manu capituli ita liberas esse concessit quod sacerdotes
l.5 qui istis ecclesiis deservient, de manu fratrum qui archidiaconatum civitatis habent
l.6 curam suscipiant et ab ipsis ponantur in ecclesias et eiciantur eorum arbitrio, neque
l.7 de justicia neque de forifacto neque de consuetudine aliqua episcopo sive archidiacono
l.8 sive decano respondeant nisi tantummodo capitulo. Si quis autem instintu
l.9 diabolico quod absit hujus donum libertatis infringere vel inmutare presumpserit,
l.10 super ipsum quicumque sit ille sententiam dedit anathematis. Hujus rei testes
l.11 sunt: Raynaldus prepositus, Wido archidiaconus, Odo archidiaconus, Teobaudus archidiaconus, Manases archidiaconus, Odo cantor,
l.12 Hugo sacerdos decanus, Burdinus, Gilbertus, Fulco, Walterus, Teodericus, Tegerus, Girulfus, Robertus,
l.13 Raynaldus, Hatos, Henjorannus, Petrus, Anselmus nepos ejus, Poncius.
l.14 [sceau].