Carloman II, roi des Francs, confirme les privilèges accordés à l'abbaye de Montiéramey par son père et son aïeul.

l.1 [chrisme] IN NOMINE DOMINI DEI AETERNI ET SALVATORIS NOSTRI JHESU CHRISTI, KARLOMANNUS, GRATIA DEI REX. SI PETITIONIBUS SERVORUM DEI AUREM NOSTRAE PIETATIS ACCOMODAMUS ET EORUM UTILITATIBUS CONSULIMUS, DEUM OMNIPOTENTEM SUPER HOC RETRIBUTOREM HABERE CONFIDIMUS.
l.2 Qua de re notum esse volumus omnium sanctae Dei aecclaesiae nostrorumque tam praesentium quamque futurorum industriae quoniam post obitum Sadraberti venerabilis abbatis ad nostram accedentes clementiam monachorum postulationes per intermissionem Hugonis abbatum venerabillimi
l.3 humiliter petierunt, ostendentes avi et patris nostri prae manibus praecepta, divarum recordationum Karoli scilicet augusti ac Lhudovici pii genitoris ac piissimi regis, in quibus continebatur, quemadmodum avus et pater noster monasteriolum in pago Atoariensi, quod quondam
l.4 Alfa vocabatur, ob perpetuam sui mercedem in honore sancti salvatoris fundatum ex rebus suarum proprietatum ditaverant, Rotfridum abbatem ex manso Corboni qui Cella Nova dicitur, virum strenuum, inibi diebus suis praefecerant. Depraecati ergo sunt antedicti
l.5 loci monachi regiam celsitudinem nostram quatinus idem monasteriolum ob recordationem avi et genitoris nostri seu avae et genitricis, sub immunitate nostra susciperemus et praecepto nostrae auctoritatis quicquid ibi a praefato avo et genitore
l.6 nostro collata erant confirmaremus. Et quia dudum Sadrebertum abbatem virum Deo dignum perdiderant, humiliter petierunt ut loco ipsius abbatem nomine Rotfridum inibi statueremus, quem ipsi moribus et vita probabilem testan-
l.7-tur. Quorum praecibus, quia juste et rationabiles erant, libenter adquiescentes, statuimus et confirmavimus praecepta avi et genitoris nostri et abbatem Rotfridum videlicet, quem ipsi postulaverunt ipsi loco et
l.8 congregationi praefecimus et Alfa monasterium ibi cum omnibus appendiciis subdidimus, necnon et res quae per largitionem avi et patris nostri ibi collatae sunt, sicut in praeceptis ipsorum continetur eo videlicet modo et
l.9 tenore ut praedictus abba Rotfridus idem monasterium necnon et sui monachi ac familia ipsorum cum omnibus sibi legaliter respicientibus sub mundeburdo et tuitione nostra ita auctoritate testamenti regiae dignitatis nostrae
l.10 corroborata perpetualiter maneant ut nullus alterius loci monachum in eorum coenobio mittere praesumat nec aliquem infra eorum congregatione ministerialem facere nisi ex ipsis qui regulariter ibi sunt ab infantia nutriti,
l.11 et secundum sancti Benedicti institutionem ex sese, non ex aliis, habeant eligendi licentiam abbatem. Statuimus [autem ut neque] comes neque alia judiciaria potestas ad quaelibet loca, id est comitatus, civitates sive
l.12 mercata, in regno nostro pro suis necessitatibus ipsi aut familia ipsorum exierint, ab eis trabaticum aut portaticum aut rotaticum aut cespitaticum aut mansionaticum vel salutaticum aut aliquod obsequium
l.13 sive redibitionem, exceptis [in his locis in quibus per praecepta] nostra concessimus ut accipiantur, recipere vel exactare ullatenus praesumant, sed quiete et secure per omnia quatinus pro nobis et gloriosis
l.14 patribus nostris Karolo augusto et Lhudovico rege et ava nostra gloriosa regina Hirmendrudi necnon genitrice nostra Ansegardi fratreque karissimo Lhudovico necnon et statu regni nostri, liberius et devotius
l.15 clementiam Dei omnipotentis omni tempore exorent, sub nostra tuitione perpetualiter sicut statuimus maneant. Ut autem hujus nostrae auctoritatis largitio majorem in Dei nomine obtineat firmitatis
l.16 vigorem, manu nostra subter firmavimus et anuli nostri impressione subsignari jussimus.
l.17 SIGNUM [monogramme] KARLOMANNI GLORIOSISSIMI REGIS.
l.18 [chrisme] NORBERTUS NOTARIUS SUBSCRIPSIT [ruche] [sceau].
l.19 Datum X kalendas febroarii, anno quinto regnante Karlomanno gloriosissimo rege, indictione prima. Actum apud Compendium publicum palatium. In Dei nomine, feliciter. Amen.
l.20 Orate pro Honorato et Leoterico qui hoc ambasciaverunt et pro fratre eorum Helmoino defuncto.

Recueil des historiens des Gaules et de la France (Bouquet, RHF), Paris, 1737-1904, 24 vol. in folio, t. 9, p. 429, n° 13.

D'ARBOIS DE JUBAINVILLE (Henri), Deux diplômes carlovingiens des archives de l'Aube (883, 892), in Bibliothèque de l'Ecole des Chartes, 39 (1878), p 193-198, p. 195-197.

LALORE (Charles), Cartulaire de l'abbaye de Montiéramey, Paris-Troyes, 1890 (Collection des principaux cartulaires du diocèse de Troyes, 7), p. 13-15, n° 10.

LOT (F.), LAUER (Ph.), Diplomata Karolinorum. Recueil de reproductions en fac-similé des actes originaux des souverains carolingiens conservés dans les archives et bibliothèques de France, 10 vol., Paris, 1936-1949, t. 5, pl. 36 (fac-similé).

GRAT F.-DE FONT-REAULX J.-TESSIER G.-BAUTIER R.H, Recueil des Actes de Louis II le Bègue, Louis III et Carloman II, rois de France (877-884) (Chartes et Diplômes relatifs à l'Histoire de France), Paris, 1978, p. 172-176, n° 66.