Hugues Capet, roi de France, à la demande de l'abbé Berland de Saint-Vincent de Laon, représenté par l'évêque Adalbéron, confirme à l'abbaye l'ensemble de ses possessions, dont une part de la montagne de Laon, sur laquelle elle possède l'immunité.

l.1 IN NOMINE SANCTAE ET INDIVIDUAE TRINITATIS, HUGO, GRATIA DEI REX. SI POSTULATIONES QUIBUSCUMQUE IN LOCIS DEO MILITANTIUM AUDIENTES, PLACIDO ASSENSU RECIPIMUS EORUMQUE
l.2 utilitatibus necessaria providendo, morem praedecessorum nostrorum Francorum scilicet imperatorum ac regum sequentes, ea quȩ illis divino fervore
l.3 afflati sive conferimus seu collata nostris edictis confirmamus, id nobis procul dubio ad sempiternae perceptionem beatitudinis atque ad collati nobis a Deo
l.4 firmitatem regiminis profuturum non dubitamus. Igitur notum sit omnibus sanctae Dei ecclesiae fidelibus et nostris, tam praesentibus quam et futuris quoniam monasterii
l.5 Sancti Vincentii abbas Berlandus ejusque monachi adeuntes nostrae regiȩ mansuetudinem excellentiȩ per Adalberonem sanctae Laudunensis ecclesiȩ eximium prȩsulem
l.6 humiliter postularunt, ut pro Dei omnipotentis amore et praememorati martyris venerabilitate nostrique regii status honore, quicquid aut liberalitate regum aut
l.7 collatione pontificum seu impertitione Dei fidelium ad nostrum usque tempus eidem monasterio fuerat attributum, nostra auctoritate roboratum praecepti nostri muni-
l.8-mine dignaremur innovare, quatinus tali tuitione, quȩque illa esset attributio fulta deinceps nulla pateretur incommoda. Nos itaque hujusmodi petitioni, quia neces-
l.9-saria et rationabilis erat atque ad nostrum respiciens ministerium, aurem aperientes neque enim ob aliud quid regii culmine ministerii nos novimus sublimatos, nisi ut gratis
l.10 a Deo honorati, gratis ejus honorem ubicumque possumus augere et extollere curemus, decrevimus petitioni prȩnominati praesulis ac monachorum ut in eorundem orati-
l.11-onibus cum uxore et prole partem habeamus, satisfacere atque subnexas res diversis eorum necessitatibus usibusque supplendis deservituras, destinamus. In primis ergo
l.12 statuimus ut in illa parte Laudunici montis, ubi illud gloriosissimi martyris Vincentii templum est fundatum, sicut situs est ipsius et circumpositio ad id pertinens,
l.13 atque ecclesiarum Sancti Othbodi Sanctique Hilarii, non mansionarius noster neque aliquis nostrae ditioni subjectus dare mansiones vel accipere prȩsumat sed nec eisdem sanctis
l.14 locis suisque subjectis omnibus aliquam contrarietatem injuste inferat neque de rebus vel hominibus ad ipsas ecclesias pertinentibus, sive modo habitis, sive in futuro
l.15 conferendis, aliquam juditiariam potestatem exercere aut freda vel thelonea a quoquam illorum hominum exigere umquam praesumat. Statuimus etiam ut in villa
l.16 Capriniaco quȩ est super fluvium Aquilam, ecclesiam Sancti Medardi nomine sacratam a beatȩ memoriȩ Roricone episcopo per episcopale privilegium, per regale quoque prȩceptum
l.17 eidem loco cum suis appenditiis additam, et ecclesiam in castro Petraponte a dilecto nobis nunc antistite Adalberone additam pro causis quȩ in episcopali ipsius privi-
l.18-legio continentur, sed et prȩdium quod habent in Hatonis Curte ab eodem antistite similiter additum, ac dimidium mansum de villa Verciniaco suis terris in Saisnulfi
l.19 Curte interjacentem, in suis usibus perpetualiter habeant. Haec et alia omnia eidem loco a quibuscumque personis, sive per scriptum, sive sine scripto contradita,
l.20 nostra regia auctoritate per hoc nostrae jussionis prȩceptum corroboramus ut propulsis omnibus contrarietatum obstaculis, quiete viventes monachi ibidem
l.21 deputati, libere divinam religionem tenere, et pro nobis omnique christianitate valeant exorare. Et ut hoc nostrae auctoritatis prȩceptum majorem in Dei nomine
l.22 habeat vigorem, manu propria illud subter firmavimus et sigilli nostri inpressione insigniri jussimus.
l.23 SIGNUM HUGONIS [monogramme] GLORIOSISSIMI REGIS [sceau].
l.24 ACTUM COMPENDIO PALATIO, IN DEI NOMINE FELICITER, AMEN, ANNO PRIMO REGNANTE SERENISSIMO REGE HUGONE, VI KALENDAS OCTOBRIS, INDITIONE XV.

1