Lothaire, roi des Francs, à la prière de l'évêque Rorgon, renouvelant le privilège qu'il avait déjà accordé à l'abbaye Saint-Vincent de Laon, lui confirme toutes ses possessions.

l.1 IN NOMINE SANCTȨ ET INDIVIDUAE TRINITATIS, HLOTHARIUS, DIVINA PROPICIANTE CLEMENTIA FRANCORUM REX. SI FIDELIUM NOSTRORUM RATIS PETITIONIBUS MAXIMEQUE IN REBUS AD DEI CULTUM PERTINENTIBUS SERENITATIS NOSTRAE
l.2 aurem aperimus, procul dubio praedecessorum nostrorum, regum scilicet atque imperatorum, morem imitamur nec solum petentes, cum de causa Dei agitur, nostrae fidelitati
l.3 consolidare, immo, quod majus est, Dei et domini nostri Jhesu Christi propitiationem nobis confidimus exorabilem reddere, qui ad hoc sanctȩ et universali suae nos praefecit ecclesiȩ,
l.4 ut eam regere tuerique et de ejus necessitate, utilitate atque exaltatione solliciti in omnibus studeamus esse. Quapropter cunctis ejusdem sanctȩ ecclesiȩ filiis
l.5 fidelibusque nostris tam praesentibus quam etiam futuris liquido patere volumus quoniam venerandus Laudunicȩ urbis Rorico episcopus, nostram adiens mansuetudinem,
l.6 humiliter postulavit quatinus praetiosissimi martiris Christi Vincentii basilicae, in suburbio praedictȩ civitatis supra montem constructae adeoque honoratȩ
l.7 ut secunda sedes ex antiquo sit apellata et episcoporum, canonicorum ac nobilium laicorum totius urbis fuerit sepultura, ob quasdam res ibi noviter fidelium largitione
l.8 accretas nostrae regiae auctoritatis praeceptum renovare dignaremus nam eidem loco, petente praenominato praesule, praecepti nostri jamdudum
l.9 cautionem impertiveramus, cum ille ibi in suam suorumque et urbis tutelam monasticam constituebat regulam. Cujus petitionem quoniam idoneam ac proficuam
l.10 esse comperimus, ob amorem Dei et praecellentissimi martyris ejus Vincentii, ob salutem nostram, conjugis et prolis totiusque nostrae posteritatis statuimus
l.11 hoc nostrae auctoritatis seu renovationis praecepto jamdictae basilicae ut inibi monastichus ordo, Deo auxiliante, perduret. Statuimus etiam ut abbas
l.12 et monachi ibi Domino militantes militaturive quiete ac libere teneant quaecumque ex antiquo ad ipsum locum possessa, quȩcumque a sepenominato episcopo
l.13 et canonicis ejus addita, quȩcumque postremo a fidelibus viris quoquo tempore sunt collata quaeve conferentur per succedentia temporum curricula,
l.14 inter quae omnia ecclesiam de Capriniaco villa, in comitatu Laudunensi super Aquilam fluvium posita, Sancti Medardi nomine insignitam, cum atrio, capellis, accolis omnibusque legitimis
l.15 appenditiis teneant. Statuimus quoque ut in parte illius montis sicut hȩ tres ecclesiȩ sunt sitae, videlicet Sancti Vincentii et Sancti Genesii atque Sancti Hilarii, nullus ex nostris fidelibus dare
l.16 mansiones vel accipere prȩsumat, sed nec eisdem sanctis locis suisque subjectis omnibus aliquam contrarietatem injuste inferat neque de rebus vel hominibus ad ipsas ecclesias pertinentibus, sive
l.17 modo habitis, sive in futuro conferendis, aliquam judiciariam potestatem exercere, aut freda vel thelonea a quoquam illorum hominum exigere umquam audeat. Haec igitur omnia
l.18 ad prȩdictum Sancti Vincentii locum, salvo episcopalis sedis respectu, salvo in omnibus jure ecclesiastico, nostrae auctoritatis consentientes et corroborantes praecepto, monachos ibidem deputatos
l.19 cum suis omnibus sub inmunitatis et libertatis testamento vivere sancimus, ut, tali ope fulti, ad ministerium domini nostri Jhesu Christi peragendum expediti et devoti operatores existant
l.20 optataque Deo serviendi libertate et quietudinis tranquillitate potientes, liberius nostra pro communi salute perpetuis exorare temporibus valeant. Ut autem haec nostrae
l.21 serenitatis auctoritas inviolabilem semper obtineat vigorem, manu nostra eam subter firmavimus et de sigilli nostri impressione insigniri jussimus.
l.22 Actum Compendio palatio regis, anno dominice incarnationis DCCCCLXXV, anno XXII regnante Lothario rege.
l.23 SIGNUM LOTHARII [monogramme] GLORIOSISSIMI REGIS [sceau].
l.24 EGO ADALBERO, REGIUS NOTARIUS, AD VICEM DOMNI ADALBERONIS, REMORUM ARCHIEPISCOPI ET SUMMI CANCELLARII, RECOGNOVI.

1

Gallia Christiana in provincias ecclesiasticas distributa, Paris, 1715-1785 et 1856-1865, 16 vol., t. 10, Instr, col. 188.

Recueil des historiens des Gaules et de la France (Bouquet, RHF), Paris, 1737-1904, 24 vol. in folio, t. 9, p. 639, n° 28.

WYARD (Dom Robert), Histoire de l'abbaye de Saint-Vincent de Laon, Saint-Quentin, 1858, p. 119.

POUPARDIN (René), Cartulaire de l'abbaye Saint-Vincent de Laon (Arch. Vat, Arm. Misc. X. 145), in Mémoires de la société de l'histoire de Paris et de l'Ile-de-France, 29 (1902), p 173-267, p. 183.

HALPHEN L.-LOT F, Recueil des Actes de Lothaire et de Louis V, rois de France (954-987) (Chartes et Diplômes relatifs à l'Histoire de France), Paris, 1908, p. 90-92, n° 38.

LOT (F.), LAUER (Ph.), Diplomata Karolinorum. Recueil de reproductions en fac-similé des actes originaux des souverains carolingiens conservés dans les archives et bibliothèques de France, 10 vol., Paris, 1936-1949, t. 8, pl. 13 (fac-similé).