Charles le Chauve, roi des Francs, confirme un privilège d'Herbaud, évêque d'Auxerre, affectant à l'entretien des chanoines de la cathédrale divers biens relevant de l'episcopatus.

l.1 IN NOMINE SANCTAE ET INDIVIDUAE TRINITATIS, KAROLUS, GRATIA DEI REX. SI LIBERALITATIS NOSTRAE MUNERE LOCIS DEO DICATIS QUIDDAM CONFERIMUS BENEFICII ET NECESSITATES ECCLESIASTICAS AD PETITIONES DEO FIDELITER
l.2 famulantium nostro relevamus juvamine atque regali tuemur munimine, id nobis et ad mortalem vitam temporaliter transigendam et ad aeternam feliciter obtinendam profuturum liquido credimus. Noverit interea sagacitas seu utilitas omnium fidelium sanctae Dei ecclesiae nostrorumque
l.3 praesentium scilicet et futurorum, quia vir venerabilis Heriboldus, Autissiodorensis ecclesiae episcopus, obtulit obtutibus nostris quandam privilegii conscriptionem, in qua continebatur insertum qualiter quasdam res ejusdem suae sedis ad supplementum vestimentorum canonicorum
l.4 inibi Deo militantium deputasset ac confirmasset. Hoc est Conditam villam super fluvium Ligerim sitam, mansa scilicet quatdraginta et omnibus absitatibus ac vineis inibi pertinentibus et cum illo quem Teotbertus usu fructuario habere cognoscitur et cum alio Samson beneficiato et tertio Manuae
l.5 per manufirmam concesso, et in reliquo cetera mansa, mox ut decessus eorum evenerit quibus beneficiata esse noscuntur, et cellulam Sancti Remegii similiter que Vuadimirus olim in beneficio habuit, et vineam curticam quae vulgo pictura apellatur ex villa Pulvereni, et planta novellam prope basilicam Sancti
l.6 Eusebii, et medietatem viridiarii in villa Tociaco in plagam meridianam, humiliter petens ut super hanc conscriptionem nostram superadderemus auctoritatem, quatenus absque alicujus occasionis diminutione integerrime nostris futurisque temporibus in usus vestimentorum praedictorum canonicorum
l.7 permanerent. Cujus suggessioni ac rationabilem petitionem libenter annuere placuit, et quicquid, ut praedictum est, postulavit ad effectum perducere curavimus. Proinde hos nostrae auctoritatis apices erga praedictam sedem canonicosque inibi Domino per diuturna tempora militantes
l.8 divino inspirati amore fieri jussimus, per quos decernimus atque sancimus ut loca supranominata cum omnibus ad se juste et legaliter pertinentibus, sicut a saepedicto Heriboldo jamdicte sedis episcopo eis conlata sunt, ita per hanc nostram auctoritatem in eorum jure ac potestate absque alicujus
l.9 diminoratione aut retractione permaneant et nullus successorum, rectorum videlicet memorate ecclesiae, ab eorum dominatione ea quoquomodo auferre aut in aliam quamlibet partem transferre praesumat, quatenus sublata omni indigentia vestimentorum pro nobis conjuge proleque nostra
l.10 et pace ac stabilitate totius regni a Deo nobis conmissi alacrius eos indesinenter Domini misericordiam exorare delectet. Et ut haec nostrae confirmationis auctoritas pleniorem in Dei nomine semper obtineat firmitatem, de anulo nostro subter eam jussimus sigillare.
l.11 SIGNUM [monogramme] KAROLI GLORIOSISSIMI REGIS. JONAS DIACONUS AD VICEM HLUDOVUICI RECOGNOVIT ET S[UBSCRIPSIT] [ruche_notes_tironiennes] [Subscripsit jubente rege] [sceau].
l.12 Data XVII kalendas februarii, anno X, indictione XII, regnante Karolo gloriosissimo rege. Actum Bittoricas civitate. In Dei nomine, feliciter. Amen.

Recueil des historiens des Gaules et de la France (Bouquet, RHF), Paris, 1737-1904, 24 vol. in folio, t. 8, p. 498, n° 80.

QUANTIN (M.), Cartulaire général de l'Yonne, 2 vol., Auxerre, 1854-1860, t. 1, p. 61-63, n° 31.

TESSIER (Georges), Recueil des actes de Charles II le Chauve, roi de France, 3 vol., Paris, Imprimerie nationale, 1943-1955 (Chartes et diplômes relatifs à l'histoire de France), t. 1, p. 328-331, n° 124.

LOT (F.), LAUER (Ph.), Diplomata Karolinorum. Recueil de reproductions en fac-similé des actes originaux des souverains carolingiens conservés dans les archives et bibliothèques de France, 10 vol., Paris, 1936-1949, t. 3, pl. 30 (fac-similé).

COURTOIS (Michèle), DUCHENNE (Marie-Christine), PARISSE (Michel), Actes originaux conservés dans le département de l'Yonne, Nancy : Presses universitaires de Nancy, 1989, (Diplomatica : Textes et études ; 1), p. 32-34, n° 5.