Gaucher, prieur d'Aureil, donne l'église et la terre du Cheyssou à Saint-Léonard.

l.1 Notum sit omnibus fidelibus tam presentibus quam futuris canonicos Sancti Leonardi et canonicos sancti Johannis Aurelii de
l.2 aecclesia et de terra de Chaisso hanc constitutionem inter se perpetuo mansuram fecisse: prior namque Aureliensis Gaucherius
l.3 cum sibi subjectis fratribus donavit et concessit quicquit sibi jure competebat in ȩcclesia et terra de Chaisso sancto Leonardo,
l.4 Atoni priori et fratribus ibidem Deo servientibus, tali pacto ut clericus sancti Leonardi qui ipsam aecclesiam tenuerit
l.5 canonicis sancti Johannis unoquoque anno, diȩ nativitatis sanctȩ Mariȩ XX solidos reddat. Et si reddere distulerit,
l.6 canonici sancti Johannis priori sancti Leonardi, qui eo tempore fuerit, demonstrent. Quod si et ipse reddere noluerit transac-
l.7-tis quadraginta diebus, quod ibi prius habebant quasi suum totum integre canonici sancti Johannis possideant. Si vero
l.8 [...]nicis sancti Leonardi calumpniam intulerit, canonici sancti Johannis sine ullo sumptu in curiam veniant et
l.9 [...] quod eis inde competit coram omnibus dicant et sancto Leonardo quantum potuerint garire contendant. Hujus
l.10 [concesion]is et donationis facte per manus domni Gaucherii, prioris Aureliensis, et domni Atonis, prioris sancti
l.11 [Leonardi ...]ditores fuerunt Aimiricus et Petrus de Bojalou et Rotgerius Balerius et alii quam plurimi cano-
l.12-[nici sancti Leonar]di et Gaufredus de Fundom, canonicus sancti Bartolomei, Audebertus et Petrus Gaucelmus et Petrus
l.13 Brunus et alii quam plurimi canonici sancti Johannis Aureliensis, Ursetus, Geraldus, Gaucelmus, Bernardus de Monasterio;
l.14 Gaucelmus, Alamandus, isti sunt laici. [A]BCDEF.