Gautier, évêque de Chalon[-sur-Saône], notifie que Saveri, donnant gage à l'église cathédrale de Chalon[-sur-Saône], pour 200 onces d'or pur, la moitié du comté de Chalon[-sur-Saône] qu'il avait acheté à son neveu Geofroi de Donzy.

l.1 IN NOMINE SUMMȨ E INDIVIDUȨ TRINITATIS, PATRIS ET FILII, E SPIRITUS SANCTI, AMEN.
l.2 Quoniam humanȩ mentes erroris sui caligine non numquam veri notas amittunt, sed et hominum dicta vel facta
l.3 vetustas ab humana memoria abolere solet, nichilque illiterartum in diu[turna] cognitione habetur, idcirco ego
l.4 Walterius Cabilonensis ȩcclesiȩ episcopus conventionem quam ego et canonici nostri cum Saverico Cabilonensi comite habuimus,
l.5 literis et memoriȩ mandare curavi. Notum sit igitur omnibus tam posteris quam presentibus quia quo tempore Gaufridus
l.6 de Dunziaco Hierosolimam tendere vellet, qui partem medium comitatus Cabilonensis possidebat, quem cum Vuidone de
l.7 Tyherz partitus fuerat, partem suam comitatus supradicti domno Saverico avunculo suo vendere disposuit. Venit
l.8 igitur ad nos Savericus cum uxore sua, rogans ut partem ipsius medietatis quam emebat, ab se invadio reciperemus,
l.9 et ipsum de pecunia quam solvebat juvaremus. Nos autem ea inducti spe, ducentas uncias auri purissimi quarum
l.10 singule precii quadraginta solidorum fuerant, de moneta cujus media pars argentea erat, quas nos de tabula sancti
l.11 Vincentii corrasimus, domno Saverico acommodavimus, et vadium quod nobis offerebat ab ipso recepimus, ea videlicet
l.12 ratione, ut ȩcclesia Sancti Vincentii reddituum tam justorum quam injustorum ad partem Gaufridi sive Saverici successoris sui
l.13 pertinentium, medietatem in pace possideat, infra istas terminationes, a crucibus trans Sancti Marcelli villam constitutis, usque
l.14 ad portum Luci, sicut Talieta de Fluit, a ponte Diroti usque ad pontem Campi Ferreoli, et sicut tota terra illa protenditur usque
l.15 ad forestim quam canonicalem Wabriam vocant usque ad predictas cruces preter casamenta militum et castelletum atque ipsos quos habet
l.16 in dominio servientes et preter capturas illas quas in rebus monachorum ȩcclesiȩ Sancti Marcelli juste vel injuste fecerit.
l.17 Ipse etiam Savericus exactiones omnes ac consuetudines justas vel injustas quas se dicebat habere in villa Sancti Ysidori et
l.18 Ingemula et ipsarum villarum appenditia, ex toto wirpivit et condonavit. In curia vero sancti Ysidori reditum suum reti-
l.19-nuit, eo pacto ut canonicos vel rusticos eorum non gravaret. Et quod inde solidam pacem et firmam Cabilonensi ȩcclesiȩ
l.20 teneret, presente domno Goceranno Lingonensium episcopo, et Falcone, et Hugone Baiacensi, Savericus se tenere pacem
l.21 perpetuam juravit, et uxor sua quemdam militem Arbertum nomine, pro se jurare precepit. Et ut pax
l.22 ista firmiorum haberetur, viginti obsides Savericus misit, eo modo ut si ipse Savericus
l.23 aut quilibet suorum aliquid inde abstulerit, nisi infra quadraginta dies in quibus cum eo racio posita
l.24 fuerit, capitale reddiderit, ambitus murorum urbis Cabilonensis non exibit, nisi ila prolongacione
l.25 quam Cabilonensis episcopus, vel ejusdem ecclesie decanus, cum aliis duabus personis fecerit. Hanc vero
l.26 paccionem si predictus Savericus exsecutus non fuerit, poscquam obsides a canonicis vel ab episcopo
l.27 conventi fuerint, aut capitale infra dies quadraginta reddent, aut capti tamdiu in predicta
l.28 urbe manebunt, donec ablata restaurentur. Hanc etiam convencionem Savericus Symo-
l.29-nem filium suum cum uxore sua, sed et Arveum alterum filium laudare fecit. De obsidibus vero
l.30 hȩc lex data est, ubi unus mortuus fuerit, alter in loco ejus mo[x subr]ogetur.
l.31 S. Gautceranni Lingonensis episcopi. S. Falconis de Reione. S. Hugonis Baiacensis. S. Humberti
l.32 de Villiaco. S. Raimundi Gumbadi. S. Hugonis Rodulfi. S. Vidonis de Monte Falconis.

Acte en double exemplaire (chirographe non coupé?). Transcription d'après le texte de droite qui comporte deux souscripteurs de plus.