Burchard, prévôt de Strasbourg, donne à l'église de Strasbourg son domaine de Herznach, précise les obligations des ministériaux et des serfs, ainsi que les conditions dans lesquelles deux ministériaux tiendront le dit domaine.

l.1 Notum esse volumus cunctis fidelibus tam presentibus quam futuris, qualiter ego Burchardus, Argentinensis ȩcclesiȩ prepositus,
l.2 predium proprietatis meȩ, in pago Fricgowe situm, Hercenahc dictum, Argentinensi ȩcclesiȩ donavi, pro remedio animȩ meȩ, et
l.3 parentum meorum, necnon omnium Christi fidelium, cum omnibus appendiciis, clientibus, ac mancipiis, agris, cultis, et incultis; clientes
l.4 vero ea condicione, ut in eodem jure ac legibus quibus meliores ȩcclesiȩ predictȩ obligati sunt, et ipsi deserviant; mancipia autem
l.5 ejusdem predii, in festivitate sancti Martini quatuor denarios ad dominicam curtim persolvant. Destinavi autem illud idem predium,
l.6 clientibus meis, hereditario jure tenendum, Baldewino, ejusque fratri Richvuino, ea conditione, ut in singulis anniversariis
l.7 meis, XV solidos Argentinensis monetȩ, fratribus ibidem Deo ejusque genitrici servientibus persolvant et preposito ejusdem loci,
l.8 a quo idem beneficium suscipere debent, semel in anno si in locum illum venerit, noctis unius hospicium cum XX equis prebeant.
l.9 Quod si forte possessor ejusdem fundi de hac luce migraverit, heres quinque tantum solidos preposito persolvens, hereditatem suscipiat,
l.10 [paternoque] jure possideat. Acta sunt hȩc in civitate Argentina, anno dominicȩ incarnationis millesimo XCVII, regnante
l.11 [Heinrico quarto] anno quadragesimo regni ejus, indictione V, Ottone presule, in horum presentia testium: Anselmi principalis advocati,
l.12 Sigefridi, Sigeberti, Hezelini, Dietpoldi, Regenoldi, Luterici, Mannonis, Sigefridi, Oudalrici, Friderici, Erebonis, Humberti, Hugonis.
l.13 Hujus autem predii advocatus principalis ȩcclesiȩ advocatus esse debet. Burchardus episcopus XVII kalendas junii obiit.

1

WIEGAND (Wilhelm), Urkundenbuch der Stadt Strassburg, 7 vol., Strasbourg, 1879, t. 1, p. 50-51, n° 62.

Chartes originales du Bas-Rhin in Cahiers du CRAL, n° 35, p. 84-85.