Henri II, empereur, donne à l'Église de Strasbourg des forêts en Alsace, avec les droits de chasse qui y sont attachés.

l.1 [chrisme] IN NOMINE SANCTAE ET INDIVIDUAE TRINITATIS, HEINRICUS, DEI GRATIA ROMANORUM IMPERATOR AUGUSTUS. Notum sit omnibus Christi fidelibus, quod inter-
l.2-ventu dilectae conjugis nostrae Cunigunde videlicet imperatricis augustae sed et Brunonis Augustensis episcopi fratris scilicet nostri necnon Popponis Laurasamensis venerandi abbatis,
l.3 sacrȩ sedis Argentinȩ Werenherio venerabili episcopo cum pro Dei genitricis Mariae speciali amore tum etiam propter ejus tam spiritualiter quam carnaliter juge servitium liberalissime nobis
l.4 sepius impenssum forestem sic determinando proprietavimus: de litore Reni contra Wizvuilare ad vadum Hugonis et de vado Hugonis ad Sceravuilare et de Sceravuilare
l.5 ad Dabechenstein et de Dabechenstein ultra Pruscam usque ad Roraham rivum, de Roraha ultra Sornam fluvium, deinde usque ad Matram fluvium ad illum locum qui dicitur Phaffen-
l.6-hoven, deinceps per Matram deorsum usque ubi Matra intrat Renum et deinde sursum per totum limitem Reni, cum insulis omnibus adjacentibus usque Wicenvuilare. Jus igitur forestense
l.7 ei suisque successoribus nostrorum regum quoque et imperatorum more antecessorum nostrorum per bannum nostrum imperialem firmavimus, ita vero ut nullus ibi cervum vel cervam, ursum aut ursam, aprum vel lefam,
l.8 capreos vel capreas sine licentia ipsius quoquomodo capiat. Et ut haec nostrae donationis auctoritas stabilis et inconvulsa omni tempore permaneat, hanc paginam inde conscriptam
l.9 manu propria signantes sigilli nostri inpressione insigniri jussimus.
l.10 SIGNUM DOMNI HEINRICI INVICTIS-[monogramme]-SIMI.
l.11 GUNTHERIUS CANCELLARIUS VICE ERCHANBALDI ARCHICAPPELLANI NOTAVIT [sceau].
l.12 Data VII idus maii, anno dominicae incarnationis MXVII, indictione XV, anno vero domni Heinrici secundi regnantis XVI, imperii IIII.
l.13 Actum Franchoneford. Feliciter.

1

Gallia Christiana in provincias ecclesiasticas distributa, Paris, 1715-1785 et 1856-1865, 16 vol., t. 5, p. 469, n° 12.

SCHÖPFLIN (D.), Alsatia aevi Merovingici Carolingici Saxonici Salici Suevici diplomatica, 2 vol., Mannheim, 1772, t. 1, p. 150, n° 189.

MIGNE (abbé Jacques-Paul), Patrologia Latina 140 (Burchardus Wormatiensis), Paris 1853, p. 334, n° 98.

BRESSLAU (H.), Die Urkunden Heinrichs II. und Arduins, Hanovre, 1900-1903 (MGH Diplomata regum et imperatorum Germaniae, 3), n° 367.

Chartes originales du Bas-Rhin in Cahiers du CRAL, n° 35, p. 65-66.