Gérard II, évêque de Cambrai, donne l'autel de la villa d'Etrun avec le cimetière et la dîme aux religieuses du lieu. Elles reçoivent des terres situées à Foscherias, Feurin, Hennincurt, Anzen, Iser, Scultsos, un manse de l'abbé de Saint-Vaast d'Arras et un moulin de l'abbé du Mont-Saint Éloi.

l.1 [croix] IN NOMINE TRINITATIS INDIVIDUAE.
l.2 Notum sit omnibus fidelibus, tam futuris quam prȩsentibus quod ego GERARDUS, Dei gratia Cameracensium episcopus, divini
l.3 amoris instinctu et optimorum virorum consilio, altare villae quȩ dicitur Estrum, cum atrio et decima ibidem pertinente,
l.4 usui sanctimonialium ibi Deo famulantium, sine persona, sine redemptione aliqua trado liberum. Locum etiam in
l.5 quo aeedem sanctimoniales habitant qui dicitur Parvum Castellare perpetualiter eisdem tradidi possidendum.
l.6 Cujus rei studio succensȩ plurimorum mentes fidelium de sua substancia contulerunt et ipsi eidem loco plurima,
l.7 docti evuangelicae institutionis felici magisterio facere sibi amicos qui eos recipiant in aeterna tabernacula.
l.8 Contulit enim ipsis Engelardus et uxor ejus Cecilia terram quam habebant apud Foscherias, sed et etiam aliam
l.9 terram arabilem et curtilia in villa successi, pro filia sua quam ibidem desponderunt secundum apostoli consilium uni
l.10 viro virginem castam exhibere Christo. Item aliam terram arabilem et curtilia de Feurin dedit Abbo Gafarz
l.11 pro filia sua quam similiter ibidem despondit processuram ad nuptias agni immaculati, sub perpetuo jure contradidit,
l.12 sed et vivarium quod situm est super Lonvueiz. Item soror ejus Walburgis dedit terram arabilem et unum curtile in
l.13 Hennincurt. Ernivera Atrebatensis dedit terram arabilem et curtilia in Anzen despondens inibi et ipsa filiam
l.14 suam regi superne nupturam. Elbertus de Bettunia et uxor ejus unum curtile apud Iser dederunt. Adhelelmus et
l.15 Hato unum curtile desuper Scultsos. Item apud Atrebatum de abbate sancti Vedasti tenent ipsȩ sanctimoniales unam masuram,
l.16 pro qua persolvunt quotannis XIIII denarios. Item de abbate Montis Sancti Eligii unum molendinum quod dicitur Arundel tenent, pro quo
l.17 solvunt etiam quotannis XII denarios. Ut autem haec carta rata et inconvulsa permaneat sigilli nostri inpressione est consignata et
l.18 fidelium meorum subter signatorum testimonio est corroborata. Signum Disderii archidiaconi ejusdem loci. Signum Mazelini archidiaconi. Signum Alardi archidiaconi.
l.19 Signum Hugonis vicedomini. Signum Hugonis de Sengin. Signum Rogeri castellani. Hi autem sunt testes terrȩ quam dedit Engelardus et uxor ejus
l.20 Cecilia, Cono de Berneliis, Balduinus frater Wenemari, Anselmus de Caio, Galandus et ejus frater Wenemarus, Lanbertus filius
l.21 Balduini de Bili, Gosfridus filius Gosfridi.
l.22 [sceau].