Marseille, AD Bouches-du-Rhône, 2 G 1 n° 3bis

<< < / > >>

Numéro4844

Fiabilité de l'actenon suspecté

Genrecharte

Date1092(fiabilité :édition)

Lieunon identifié

DiocèseAix-en-Provence

RégionProvence/Alpes/Côte d'Azur

Supportparchemin

Chirographienon

Sceau non scellé

Etat de la traditioncopie

Hauteur à gauche650   mm

Largeur en bas400   mm

AuteurPierre II Geoffroi, archevêque d'AIX-EN-PROVENCE

BénéficiaireChapitre cathédral d'AIX-EN-PROVENCE

Regeste

Pierre II Geoffroi, archevêque d'Aix, concède et confirme plusieurs biens et bénéfices au chapitre cathédral.

Fac-similé

Texte

l.1 [P]etrus, Aquensis archiepiscopus, omnibus ȩcclesiȩ filiis salutem a Domino. Ad noticiam cunctorum fidelium pervenire volumus sedem Aquensis ȩcclesie in hono-
l.2-re Sanctȩ Mariȩ consecratam, cum oratorio SANCTI SALVATORIS nostri Dei, et baptisterio beati Johannis, destructione gentilium, cum eadem Aquensi
l.3 civitate per multa curricula annorum in solitudine permanssisse. Miseratione igitur divina a quibusdam religiosis idem locus, ob amorem et re-
l.4-verentiam illius venerabilis oratorii, videlicet SALVATORIS nostri, cepit habitari. Inter quos precipue emicuit Benedictus, prepositus, prudentia laudabilis
l.5 ac bonitate conspicuus, qui eumdem locum, Deo propicio, cum clero ibidem Domino secum famulante, ȩdificiis, ornamentis, honoribus, pro posse suo, pre
l.6 omnibus ditavit et auxit. Qui nostram presentiam adiens, ut eidem ȩcclesiȩ aliquid beneficii ad restaurationem loci concederemus suplex expostu-
l.7-lavit. Quod satis libenter annuentes, concedimus supradictȩ ȩcclesiȩ et canonicis ibidem Deo servientibus ȩcclesiam Sancti Andreȩ, quȩ paululum extra mu-
l.8-ros ejusdem civitatis, in septemtrionali parte, juxta eumdem locum sita est, cum suis omnibus terris, cultis et incultis, vineis, ortis et omnibus ad eam per-
l.9-tinentibus. Concedimus etiam supradicto Benedicto, preposito, et canonicis ibidem Deo servientibus, tam presentibus quam futuris, Poncium Ricar-
l.10-di, cum ipso tenemento quod a nobis possidere videtur, et omnes domos quȩ in alodio SANCTI SALVATORIS et Sanctȩ MARIȨ, circa easdem ȩcclesias modo
l.11 edificatȩ sunt, vel in futurum edificate fuerint ; cum omnibus rebus ad easdem domos pertinetinentibus; excepto tenemento trium fratrum filiorum Ri-
l.12-cardi. Isnardi, Amelii et Petri, quos in proprios usus retinere placuit. Confirmamus etiam canonicis in eodem loco Sancti SALVATORIS Deo servien-
l.13-tibus omnes ȩcclesias quȩ in civitate Aquensi habentur, cum omnibus ad se pertinentibus, videlicet, oblationibus, primiciis, sepultura et decimis, exceptis
l.14 duabus ȩcclesiis, Sancti Sulpicii videlicet et beati Petri de Podio ; sed tamen hujus ȩcclesiȩ supradicti Podiensis Petri medietatem cimiterii ipsis
l.15 eisdem canonicis confirmamus. Insuper etiam edificia domorum et loca Ricardi Barnoini, et Odonis canonici, filii sui, quȩ circa claustram beatae Ma-
l.16-riȩ virginis Aquensis sedis, inter domum nostram et ejusdem genitricis Dei ȩcclesiam fundata sunt, canonicis jam superdictis confirmamus.
l.17 Ea namque archiepiscopus ROSTAGNUS, qui tunc hujus matris nostrȩ ȩcclesiȩ curam gerebat, supradicto altari et canonicis, ut diximus, commanentibus et illic
l.18 Deo servientibus, ipso etiam Ricardo intercedente, et Odone filio suo supliciter expostulante, atribuit et tribuendo confirmavit. Simili
l.19 vero modo, confirmata confirmando, domos Stephani presbiteri ab ipso prefato archiepiscopo Oratorio in nomine SALVATORIS nostri consecrato deditas
l.20 confirmamus ; et ea omnia quȩ a fidelibus viris eidem oratorio gloriosi SALVATORIS, et canonicis ibidem Deo servientibus concessa sunt, in comi-
l.21-tatu Aquensi, vel in futurum justȩ et legaliter concessa fuerint. Preterea concedimus eidem altari et fratribus supra notatis ȩcclesiam parrochialem Sancti
l.22 Mauricii de Podio Sanctȩ Reparatȩ ; et ȩcclesiam Sancti Andreȩ quȩ juxta idem castrum, occidentem versus, sita est ; et ȩcclesias Sancti Cannati, et de Felinas,
l.23 de Tranz et de Lezegnana, de Lambisco et de Aurons ; et ecclesias de castro Malȩ Mortis, Sanctae Mariae scilicet et Sancti Michaelis ; et ecclesiam
l.24 parrochialem de Rianz cum ipsa ȩcclesia quȩ in honore sancti Dalmatii, non multum longe, est fabricata ; et ȩcclesiam beati Petri de Belveder ; et ecclesiam
l.25 parrochialem de Mairanicis, et de Velenna vetula, et de Tribulana, et de Alanzon ; et ȩcclesiam parrochialem beati Johannis de castro Belmont, et
l.26 beatȩ Mariȩ ȩcclesiam prope idem castrum fundatam ; et ȩcclesiam de castro Rainardi in honore genitricis Dei contra meridiem ȩdificatam ;
l.27 et ȩcclesiam parrochialem de castro Sancti Martini ; et ȩcclesiam Sanctȩ Mariȩ de Climans, et ȩcclesiam beati Martini de Poipi, secus eandem ȩcclesiam positam.
l.28 Has omnes ȩcclesias, et medietatem decimarum de castro Agulliȩ, et tres partes decimarum de castro Berbent, ad honorem Dei et ad restaurationem
l.29 prefati loci; Benedicto preposito cum aliis Domino secum militantibus supliciter deposcente, cum omnibus ipssis ȩcclesiis pertinentibus, oblationibus, primitiis, sepultu-
l.30-ra et decimis, damus et dando confirmamus. Preter hȩc, ȩcclesiam parrochialem de castro Istrensi, et ȩcclesiam Sancti Sulpicii, et ȩcclesiam Sanctȩ Mariȩ
l.31 Alairac et medietatem decimarum de villa Pellicianȩ, et ecclesiam Sanctȩ Mariȩ de Seuza, et ȩcclesiam protomartiris Stephani de Tensa, et ȩcclesiam
l.32 beati Pauli, et ȩcclesiam parrochialem de Rognas, et ȩcclesiam Sanctȩ Mariȩ de Luza, et ȩcclesiam Sancti Jacobi apostoli de Lezegnana, et ȩcclesiam Sanctȩ Mariȩ
l.33 de Columnatas, et ȩcclesiam Sanctȩ Mariȩ de Sutzchira, et ȩcclesiam Sancti Stephani de castro Vallȩ Veranicȩ et ȩcclesias de Robieras Sanctȩ Mariȩ et Sancti Johannis,
l.34 et ȩcclesiam Sancti Petri de Collectorio, et ȩcclesiam Sancti Vincentii, et ȩcclesiam Sancti Ylarii de Canta perdiz, et ȩcclesiam Sancti Stephani de Rianz, et Sancti Dal-
l.35-matii de Genacervias, et ȩcclesiam parrochialem de castro Ansuis, et ȩcclesiam Sancti Egidii in territorio castri Relianȩ sitam, cum omnibus harum
l.36 ȩcclesiarum apendiciis, fratribus et filiis prenominatis confirmamus. Ecclesiam Sanctȩ Reparatȩ nec ullo modo pretermittimus, sed simili modo
l.37 eam canonicis confirmamus. Cuncta enim hȩc ab antecessoribus nostris canonicis gloriosissimi SALVATORIS collata sunt. Hȩc omnia supra-
l.38-scripta, et quȩcumque ab antecessoribus nostris, vel ab aliquibus fidelibus christianis, pro salute animarum suarum, domino Deo SALVATORI nostro, et altari
l.39 suo in nomine ejus dedicato, et canonicis ibidem confamulantibus concessa sunt, vel in futurum, cum consilio nostro vel successorum nostrorum,
l.40 concessa fuerint, concedimus, confirmamus. Salva in omnibus et per omnia obedientia et reverentia, et fidelitate nostra et successorum nostrorum. Sic conce-
l.41-dimus et corroboramus canoniciis omnipotentis SALVATORIS et Sanctȩ Mariȩ Aquenssis sedis, ut in perpetuum habeant, teneant et possideant. Si quis autem
l.42 successorum nostrorum, vel aliqua alia persona, hanc donationem, quam ad honorem Dei et ad restaurationem Aquensis sedis fecimus et confirmavi[mus],
l.43 irrumpere temptaverit, sciat se periculum sui ordinis merito sustinere, et iram Dei, nisi resipuerit, incurrere, et in perpetuum anathema sus[cipere].
l.44 Ego Petrus archiepiscopus [croix] manu mea firmo. R. episcopus Massiliensis firmavit. D. episcopus Cavellicenssis firmavit. Poncius Fossensis firmavit. Gaufredus de Rianz firmavit. [Alfantus Brozanus]
l.45 et Rostagnus filius ejus firmaverunt. Isnardus Paliols firmavit. Jatbertus de Tranz et Poncius nepos ejus firmaverunt. Petrus de Lambisco firmavit. Fredolus et Wilelmus frater ejus firmaverunt. Poncius P[ilagallus firmavit. Guiraldus].

Bibliographie

ALBANES (Joseph-Hyacinthe) et CHEVALIER (Ulysse), Gallia Christiana novissima. Histoire des archevêché, évêchés et abbayes de France, 7 vol., Montbéliard-Valence, 1893-1920, t. 1, col. 3-5, n° 2.

Responsable

M.-J. Gasse

Comment citer cette notice

Acte n°4844 dans Chartes originales antérieures à 1121 conservées en France , Cédric GIRAUD, Jean-Baptiste RENAULT et Benoît-Michel TOCK, éds., Nancy : Centre de Médiévistique Jean Schneider; éds électronique : Orléans : Institut de Recherche et d'Histoire des Textes, 2010. (Telma). En abrégé, citer : « Charte Artem/CMJS n°4844»[En ligne] http://www.cn-telma.fr/originaux/charte4844/. Date de mise à jour : 29/03/12.