Louis le Pieux et Lothaire, empereurs, à la prière de l'abbé Adalard, renouvellent l'immunité de l'abbaye de Corbie et reconnaissent aux moines la libre élection de leur abbé.

l.1 In nomine domini Dei et salvatoris nostri Jhesu Christi, Hludovicus et Lotharius, divina [ordi]nante providentia imperatores augusti. Si liberalitatis nostre munere locis Deo dicatis
l.2 quiddam conferimus beneficii, et necessitates ecclesiasticas ad petitiones servorum Dei nostro relevamus juvamine atque imperiali tuemur munimine, id nobis et ad mortalem vitam temporaliter transigendam et ad eternam feliciter obtinendam profuturum loquido credimus. Noverit interea sagacitas seu utilitas omnium
l.3 fidelium nostrorum, tam presentium quam futurorum, quia vir venerabilis Adalardus abba senex de monasterio quod est in honore beatorum apostolorum Petri et Pauli et sancti Stephani prothomartyris constructum in pago Ambianensi, super fluvium Somana, petiit celsitudinem nostram ut ipsum monasterium sub nostro munimine et defensione cum cellulis sibi subjectis et rebus vel hominibus ad se
l.4 pertinentibus vel aspicientibus confirmare fecissemus ut nostre immunitatis auctoritate a modo et deinceps ab inquietudine judiciarie potestatis idem munitum atque defensum fuisset monasterium. Cujus petitioni assensum prebuimus et hoc nostre auctoritatis preceptum erga ipsum monasterium, immunitatis atque tuitionis gratia, pro divini cultus amore et anime
l.5 nostre salute, fieri decrevimus. Per quod precipimus atque jubemus ut nullus judex publicus, vel quilibet ex judiciaria potestate in ecclesias, vel agros, seu reliquas possessiones quas moderno tempore in quibuslibet pagis vel territoriis infra ditionem imperii nostri juste et legaliter
l.6 memoratum tenet vel possidet monasterium, vel ea que deinceps in jure ipsius monasterii contigerit divina pietas augeri, aut mansiones vel paratas faciendas aut fidejussores tollendos, aut homines ipsius monasterii, tam ingenuos quam servos, super terram ipsius manentes injuste ditringendos, nec ullas redibitiones aut illicitas occasiones
l.7 requirendas, nostris vel futuris temporibus ingredi audeat, nec ea que supramemorata sunt penitus exigere presumat. Sed liceat memorato abbati suisque successoribus res predicti monasterii Sancti Petri cum omnibus sibi subjectis rebus vel hominibus ad se pertinentibus vel aspicientibus, sub tuitionis atque
l.8 immunitatis nostre defensione, remota totius potestatis inquietudine, quieto ordine possidere et nostro fideliter parere imperio, atque pro incolomitate nostra, conjugis ac prolis s[eu etiam] imperi a Deo nobis collati, unacum clero sibi subjecto,
l.9 Dei immensam clementiam jugiter exorare. Volumus quoque ut predicti monasterii monachi licentiam habeant, secundum regularis vite institutionem, eligendi sibi abbatem, quamdiu regalis celsitudo viguerit. Et ut hec auctoritas fimior habeatur
l.10 et per futura tempora mel[ius] conservetur, manibus propriis subter eam firmavimus et anuli nostri impressione signari jussimus.
l.11 Signum [monogramme] [Hludovuici] serenissimi imperatoris.
l.12 Signum [monogramme] Hlotharii gloriosissimi augusti.
l.13 [Hirminmaris ?] notarius ad vicem Fridugisi recognovit [ruche] [sceau].
l.14 Data Aquisgrani, anno XII imperii Hlodowici et Hlotharii IIII, indictione [...].