Charles le Chauve, empereur, à la prière de l'évêque Adalgarius, donne à l'église cathédrale d'Autun le monastère royal de Flavigny avec son annexe de Corbigny, à charge pour l'évêque d'augmenter le nombre des chanoines et d'aménager la vie canoniale.

l.1 In nomine sanctae et individuae Trinitatis. Karolus ejusdem Dei omnipotentis misericordia imperator augustus. Si de rationibus ecclesiarum, respectu et amore Dei et domini nostri Jhesu Christi, opem ferendo consulimus, nobis, conjugi et proli imperioque nobis concesso profuturum praesentialiter et in perpetuum nullatenus dubitamus. Igitur omnium sanctae Dei Ecclesiae fidelium atque nostrorum comperiat generalis universitas quoniam Adalgarius, venerabilis Aeduorum episcopus, ad nostrae sublimitatis accedens mansuetudinem, innotuit qualiter res ejusdem episcopatus a diversis regibus detractae et abstractae sint, et cum magnae mirabilisque fuerit isdem episcopatus amplitudinis, nimiis detractionibus stupenda esset detractione adnullatus. Unde serenitatem nostram deprecatus est ut Flaviniacum nostri juris abbatiam, ubi beatissimus Christi martyr Praejectus corpore requiescit, ad quam et Corbiniacus aspicit, sancto Nazario concederemus eamque aeternaliter et inviolabiliter ipsi episcopatui concederemus. Cujus petitionibus, ob domini nostri Jhesu Christi amorem suamque nobis amabilem deprecationem, eo libentius cessimus quo nobis profuturum perspeximus amplius. Praecipientes ergo jubemus et jubentes decernimus atque statuentes inviolabiliter confirmamus ut supradicta abbatia cum omnibus ad se pertinentibus, quaesitis et adinquirendis, jamdicto sancto Nazario suisque episcopis sit aeternaliter atque sicut alias ecclesiasticas res quae simili modo a regibus et ab aliis datae sunt, praesens et futurus praesul disponat, regat atque gubernet. Hac ergo nostra donatione et canonicam suam amplificet et tam ex rebus jamdictae abbatiae quamque et ex aliis ejusdem episcopatus et numerum canonicorum augeat et ut in refectorio manducent et in dormitorio dormiant canonice ordinet. Nulla sit ergo in his rebus varietas, sed sicut aliae res episcopatus, ita et supradicta abbatia cum Corbiniaco eidem sancto viro Nazario praesentique et futuris praesulibus mancipetur, quatinus hac largitione praesens futurusque praesul, cum commissis sibi congregationibus adjutus, pro nobis, conjuge et prole imperiique statu liberius Domini misericordiam exorare libeat et liceat, salvo in hoc dono immunitatis jure sicut et in reliquis rebus ejusdem episcopatus. Ut autem hujus nostrae piae largitionis constitutio et inviolanda largitio perpetualiter maneat inconvulsa, manibus propriis eam subter firmavimus et bullarum nostrarum impressione subter jussimus insigniri. Signum Karoli [monogramme] gloriosissimi imperatoris augusti. Audacer notarius ad vicem Gauzlini recognovit. Data VII kalendas martii, indictione X, anno XXXVII regni domni Karoli imperatoris in Francia et imperii ejus anno II. Actum Compendio regio monasterio. In Dei nomine, feliciter. Amen.

LEX (Léonce), Archives de la Saône-et-Loire. Documents originaux antérieurs à l'an mille, Chalon-sur-Saône, Marceau, 1888, (Archives de Saône-et-Loire) ou Mémoires de la Société d'histoire et d'archéologie de Chalon-sur-Saône, 1888, p. 10-12, n° 7.

GIRY (Arthur), Manuel de Diplomatique, Paris : Hachette, 1894, p. 448-449, 597, n° 3, 809, n° 1.

TESSIER (Georges), Recueil des actes de Charles II le Chauve, roi de France, 3 vol., Paris, Imprimerie nationale, 1943-1955 (Chartes et diplômes relatifs à l'histoire de France), t. 2, p. 435-437, n° 420.